Daneɛl 6:28 - mzwDBL

²⁸ Daneɛl wobɛlbwa wer tɛo ɡɛ saŋ Koojen Dareɔs aa soɡe kora ta, ne ɡɛ saŋ Pɛɛsea Kooro Saeros aa di kora.

Daneɛl 6:28 ပူးပေါင်းရင်းမြစ်များ

2 Webena 36:22

Koojen Saeros baa di kora Pɛɛsea harɛ ta, o kora dii benanyoa beŋkpoŋ ta la, Korowii ɡelɔ waa waa cheɡɛ o keame Jeremia nɛɛ bol la ɛ kpela. O ɡelɔ Pɛɛsea harɛ Koojen Saeros chwerɛ tɔne kaa o harɛ bwa ta ŋɔ,

2 Webena 36:23

“Waa men Pɛɛsea Koojen aa dɛ bol laanee kɛŋɔ, ‘Korowii Waa Dɛ Di Kora Nyundua laanee cheɡ mɛ kora harɛre nɛra bwa nɛ, dɛ berɛ lee mɛ ŋɔ ń ma o Dea tɛo Jerusalam waa lɔ Juda harɛ ta. Taraken, hé nɛra haa dɛ tomɛ Korowii bwa ir kaa bela, Kórowii haa dɛ tomɔ ja he nɛ.’ ”

Yela 77:15

He cheɡɛ he kpeɡri ta dɛ lɛ he nɛra, Jekɔb ne Josef naanar bwa.

Aesaya 44:28

Men Korowii berɔ bol Saeros ɡe waa ŋɔ, ‘Henee dɛɛ ba n nɛra nɛɛ nyiŋa, dɛ́ ɛ waa maa dɛ nyin la bwa ka tonɛ,’ dɛ berɛ ŋɔ, ‘Hé kwaa pa Jerusalam ne men Korowii Dea la mun.’ ”

Jeremia 32:20

A saŋ la, he ɛ nyokpowaa Ijipt harɛ ta, he ta teŋɔ dɛɛ ɛa dɛ ba le fini. Israel ne harɛre nɛra bwa bini, a ɡel nomɛlbwa jemɛ he waa bobɛlbwa.

Daneɛl 1:21

Daneɛl soɡe koodem bela dɛɛ tomɛ, ka tel Pɛɛsea Koojen Saeros aa baa yo Babelɔn harɛ tena dɛ di kora.

Daneɛl 10:1

Kooro Saeros aa di kora Pɛɛsea harɛ bentooro te ta la, Korowii pili waane bini baɡle Daneɛl, baa bera dɛ yerɔ Bɛltesasa. Dɛ waa la ɛ kpela dɛ ɛ laajen wa. Wepila la taa o che dɛ no waa la mun.

Daneɛl 3:29

Taraken n dɛ do mmara kɛŋɔ, harɛ bɛlbwa nɛn kɛɛ nomɛlbwa kɛɛ wobol bɛlbwa nɛra bol waa yaɡɛ Korowii Sadrak, ne Mesak dɛ Abɛdnɛɡo aa dɛ tomɔ la aa, bá teŋni naate bini, ásɛ o dem berɛ dimɡbia. Dɛkalkɛŋɔ voɡ bɛlbwa toole, dɛ́ won lɛ nɛn waa aa do ken nɔ ta.”

Daneɛl 5:28

Pɛrɛs ɡe munii kɛŋɔ, ba bɔne he kora bini tɛ Midia ne Pɛɛsea tena.”