Daneɛl 6:10 - mzwDBL

¹⁰ Daneɛl aa noa kɛ ba chwerɛ mmara la la, o la dem dɛ teeh kaa o abrɔsane doa dea bini. Dɛ dea la tokorore pilo dɛ chaɡɛ Jerusalam. O dɛ ɡuŋi dɛɛ soŋe Korowii keraatoro tɔpere bɛlbwa, dɛɛ kpɛɛro. Dɛ ɡɛɛ wɛɛ ɛ wubwa.

Daneɛl 6:10 ပူးပေါင်းရင်းမြစ်များ

1 Koranar 8:30

No men maa ɛ he bonɔɔ wesoŋa, ne he nɛra Israel tena wesoŋa, ɡɛ saŋ báa kpɔ sie chaɡɛ Dea nɔ ta dɛɛ soŋe. Che nyundua bela haa lole dɛ́ no, ásɛ dɛ kpɔ ya wechɔɡa kɛ yaa.

1 Koranar 8:38

nɛra yaa ɛ he nɛra nɔ bini bɛlbwa koh a waa le o bambile ta dɛ ir nɔɔra nyundua chaɡɛ he Dea nɔ dɛ soŋe naa,

1 Koranar 8:44

Kooro Solomɔn berɔ ŋɔ, “Dɛ he do he nɛra bobɛlbwa ŋɔ bá ka yo ba dɔma, asɛ ba berɛ sie chaɡɛ he bwɛjen ne he Dea maa doa he sɔn ta dɛ soŋe naa,

1 Koranar 8:54

Kooro Solomɔn aa ir nɔɔra nyundua dɛ soŋe Korowii tonɛ la, o iro ka che saraha kon la sie,

2 Webena 6:13

Dɛ Kooro Solomɔn ɛ ayaawa ɛ komɛl baa dɛ che o ta Dea la dembaah. O jaŋne lɔ naɡale anuanɛ ne tama, o paɡri ɛ naɡale anuanɛ ne tama, o jaŋne dɛ́ kaa nyundua ɡe ɛ naɡale anaarɛ ne tama. O baa ɡuŋi o ta Israel nɛra la bwa sie dɛ paɡri o nɔɔra nyundua.

2 Webena 6:38

Dɛ ba berɔ ba he be ba bambile ne ba liire bwa ne, dɛ kpɔ sie chaɡɛ harɛ haa kpɔa tɛ ba naawa bwɛjen haa lea cheɡ, asɛ n do he Dea tɛɛ he sɔn ta nɔ naa,

Ɛsra 9:5

Jɔmɔr saraha ɛɛ aa tela la, n iro le bela maa soɡa dɛɛ di suna la, n batakaare maa kɛɛra ta do mɛ, asɛ n ɡuŋi harɛ dɛ ɡɔɔ n nɔɔra Korowii maa dɛ tomɔ la be nyundua,

Nehemia 6:11

Anee n chaŋe ŋɔ, “N do ken dɛ́ chwa aa? Nɛn waa do kɛ men koh n nyu lɛɛ waa dɛ́ chwa ka sɔh Korowii Dea aa? Akai, maa la!”

Yela 34:1

Mɛɛ kpɛɛ Korowii saŋ bɛlbwaa. Maa o jaamaa ɡel bwa.

Yela 5:7

Kɛ n te, he nyina haa dɛ nyin mɛ kohona nomanta, mɛɛ won ba he Dea dɛ́ ba ɡuŋi, dɛɛ tomɛ he Dea waa do ɡoroŋ ta ɔmee ne.

Yela 55:17

Jwaana, chɔɔ ne webaŋa, n suna wii ne n pɛma dɛ tel he be, asɛ hɛɛ no n taa.

Yela 86:3

N Naa Korowii, na n sum dɛkalkɛ saŋ bɛlbwaa n wi dɛɛ noe.

Yela 95:6

Hé ba ya ɡuŋu dɛ́ tomɔ, yá ɡuŋi Korowii waa ta yaa la sie!

Daneɛl 6:13

Asɛ ba ŋɔ kooro be ŋɔ, “Daneɛl waa ja nɛra baa laɡ ba le Juda harɛ bojaŋ ba la aa hen duu, waa mmara haa doa la ɡe ta teŋɛ. O ta dɛ soŋe Korowii tɔpere bɛlbwa keraatoro.”

Daneɛl 9:4

N soŋe Korowii maa dɛ tomɔ, dɛ bol n nɛra wechɔɡa ŋɔ, “N Naa Korowii, he kan dɛ do ɔma kohona. He dɛ teŋɛ he fɔo ta, dɛɛ baɡle he nyina aa wola jaɡa dɔe nɛra baa dɛ nyini nɛ. Ba dɛ teŋɛ waa haa dɛ do ba ta la ta.

Jona 2:4

N liiro kɛ he doŋ mɛ le he sie, dɛ ŋɔ maa he Dea waa do ɡoroŋ laanee na kpa.

Amanesoma Mak Aa Chwera Tɔn 3:3

Asɛ Yeesu yerɛ baa la o nɔn aa sewa la ŋɔ ó ir ba che ba sie.

Amanesoma Luk Aa Chwera Tɔn 14:26

“Dɛ nomɛlbwa ba n be o ta men nyine ɡwaa o mɛɛ ne o nya, ne o haah ne bii, o dɔɔranar ne nimanar ne nimambii dɛ o ɡbaɡba aa, waa won ɛ n habɔteŋre.

Amanesoma Luk Aa Chwera Tɔn 22:41

Waa ŋɔ ɡɛ la, o le ba jwɛɛh dɛ kaa sie tama, dɛ ka ɡuŋi dɛɛ soŋe Korowii,

We-ɛɛla 10:9

Tɔ aa pera baa kaa dɛ ka tel bwɛjen Jopa la, Pita teeh sal dea webaŋa dɛɛ ba Korowii soŋa. Dɛ wee cheɡɛ nyufala.

We-ɛɛla 2:15

Gɛ haa dɛ lii ŋɔ senee nɛra nɔ nyɔ nɔ, sen laa ba nyɔ. Chɔɔ laa ta naa?

We-ɛɛla 20:24

N waane laa n ɡbaɡba hweera wa. Waa aa swɛɛ n siwi laanee kɛ, ɡɛ maa ɛ dɛ tonɛ toma n Dɔɔ Yeesu aa tɛ mɛ ŋɔ ń ɛ la. N tomaa kɛ ń bol Amanesoma la nɛra be bá jemɛ kɛŋɔ Korowii dɛ sune nɛra nɛɛ dɛɛ nyin ba chae.

We-ɛɛla 20:36

Pɔɔl aa bol waa tonɛ la, o ɡuŋi harɛ, asɛ o ne ba soŋe Korowii.

We-ɛɛla 21:5

Ya kaala aa tela la, ya le bela dɛ chiɡ ŋwɛnɛ ta dɛɛ kaa. Ba ne ba haahna ne bii bwaa baa do yaa ŋwɛnɛ dɛ le bwɛɛ la ta, dɛ ka tel nee nyoa, asɛ ya ɡuŋi harɛ nee nyoa bela dɛ soŋe Korowii dɛ kal dɔŋa.

We-ɛɛla 3:1

Awola bɛl, Pita ne Jɔn la Korowii Dea wekee saŋ. A ɡɛ saŋ nɔɔ nɛra la bwa cheme dɛɛ soŋe Korowii webaŋa.

We-ɛɛla 4:29

N Naa Korowii, berɛ na ɡɛ baa dɔa aah he bonɔɔna, dɛ́ tɛɛ ba kpeɡri bá won bol he waa bansua bwa ne.

We-ɛɛla 5:20

“Hé la ka che Korowii Dea la bini dɛ́ ka bol Yeesu ŋwɛnɛfale nɔ waa bwa nɛra be.”

We-ɛɛla 5:29

Belaa Pita ne o bala troma la ŋɔ, “Korowii chɛ kɛŋɔ ya ɔmɛ ɡwaa nɛwɛnyini.

We-ɛɛla 7:60

Belaa o ɡuŋi harɛ dɛ bol waa takpeɡ ne ŋɔ, “N Dɔɔ, bɛ ɡel a ɡɛ wechɔɡa nɔ ɡure ba nɛ.” Waa ŋɔ ɡɛ tonɛ, o den sewɛ.

We-ɛɛla 9:40

Pita doŋi ba bwa le buse dɛ ɡuŋi harɛ, dɛ soŋe Korowii, dɛ berɛ sie lale la be dɛ ŋɔ, “Tabita, ir!” Haah la pili o sie. Waa na Pita la, o iro so.

Ɛfesos 3:14

Anomanta, n dɛ ɡuŋi N Naa Korowii harɛ.

Felepae 1:14

Asɛ n dea chɔe la berɛ ɡel yabala ɡalɡa ɡee yarada ya Dɔɔ Yeesu kohona, dɛ́ dɔ bambile dɛ́ɛ baɡle Korowii Waa la kɛrɛdɛ, baa wola ɔmɛ.

Felepae 1:20

Waa maa dɛ nyin n siwi swɛɛ a ta laanee kɛŋɔ, n bɛ n toma ba ɛ kahonɛ sihiih kpo mɛ, kɛɛ n won dɔ bambile kɛrɛdɛ taraken kɛŋɔ n fa aa dɔ bambile la, ásɛ Yeesu Kristo won dɔ jirima n we-ɛɛla bini. Dɛ ba ɡelɔ n so le noo, ba kpo mɛ noo, Yéesu Kristo dɔ jirima a bwa bini.

Felepae 4:6

He bɛ ɡel wobɛlbwa ha heya, kɛ hé kpɔ wobɛlbwa dɛɛ do Korowii nɔn ta dɛɛ soŋo waa aa hiah heya, dɛ́ɛ jaamo kɛ waa dɛ no he wesoŋa.

Kolosi 3:17

Wobɛlbwa haa dɛ ɛ ne anɔ la bwa haa dɛ bol la, hɛ́ɛ ɛa ya Dɔɔ Yeesu sɔn ta, dɛ́ che o nɛɛ dɛ́ɛ jam o Mɛɛ Korowii.

Hibru 13:15

Anomanta, a chɛ kɛ ya che Yeesu nɛɛ dɛ ɛ ya saraha dɛɛ tɛ Korowii saŋ bɛlbwa. Saraha yaa dɛ ba ɛɛ laanee kɛŋɔ yáa dɛɛ kpɛɛroo dɛɛ yerɛ o sɔn.

Hibru 4:16

Anomanta, hé ɡel ya lɔ bambile dɛ́ tel Korowii waa dɛ sune nɛra nɛɛ dɛɛ cha ba la sie. Wɛɛ na ya sumii dɛɛ cha yaa ɡɛ saŋ aa hiah yaa.

Wepila 2:10

He bɛ wahala bɛlbwa haa ba na la ɔmɛ. Hɛ́ɛ no! Bɔnsam ɛɛ ɡeloo bá larawe he bane do dea, dɛ́ daah heyaa na. Hɛɛ na wahalaa kohona tɔpera fi. Dɛ seo bini kwara, he cheɡɛ kiŋkiŋ naa, mɛɛ tɛ heyaa mkpaa o ɛ kompoŋ haa yoa dɛ lɛ ba vɔwɛ heya.

Wepila 2:13

N jemɛ bela haa soɡa. Bɔnsam soŋnibɔree he do la, kɛ dɛ ta che kiŋkiŋ. Hale ɡɛ saŋ ba fa aa kpo Antipas waa ɛ kasinteŋ te dɛ che tɛ mɛ he bwɛjen Bɔnsam soŋnibɔr bela la, he ta tɔeh kɛŋɔ haa men yarada.