Daneɛl 5:7 - mzwDBL

⁷ Ate, kooro kpɔ takpeɡ ŋɔ bá ka yerɛ nɛra baa dɛ ɛ sɔmwe-ɛɛla, ne wejerema baa jemɛ weweela wa dɛ voɡra, ŋɔ bá ba. Baa bala la, Kooro la ŋɔ ba be ŋɔ, “Dɛ bɛlbwa wono kure kwaa baa chwera nɔ, dɛ baɡ mɛ a mun aa, mɛɛ ɡeloo bá tɔɔ yakɔl, dɛ́ kpɔ suuɡaswɛm jɔɡrɔre do o baŋa, ásɛ n habɔɔ ó ɛ nɛn waa teŋa tooro, dɛ dɔ kpeɡri kohona n kora harɛ nɔ ta.”

Daneɛl 5:7 ပူးပေါင်းရင်းမြစ်များ

Mumpar 41:8

Tɔ aa pera chɔɔ la, dɛ o liire chɔɡɔ, anomanta, o yerɛ dobodobo tena ne wejerema baa lɔ harɛ la ta ba o be. O taa o deera la ba be, kɛ bɛlbwa ta wone baɡle a mun.

Ɛsta 3:1

Aa baa tel saŋ bɛl la, Koojen Sɛksɛs kpɔ nomonome tɛ Hamedata bibaa Heeman o nabaa aa ɛ Aɡaɡ, o ɛ nomonjen ɡwaa harɛ la nomonome bwa.

Kaala 7:11

Ijipt kooro yerɛ Ijipt wejerema ne dobodobo tena cheme, asɛ dobodobo tena ɡe ɛ ba wa.

Sɛɡla 1:9

Ba webaɡla la ɛɛ ɡeloo he dɔ dadɛɛɡe, ásɛ he waa do wer kɛŋɔ, haa di bonɔɔne kɛɛ toli, dɛ kpɔ yal vɔwɛ nyu, kɛɛ dɛ do baŋa kwaa la.

Yelsom 1:10

Na ɡɛ he siebɔr ne deŋna kwa aa wera, he baŋa ne suuɡaswɛm baŋa kwaa ɡe do wer.

Aesaya 47:13

Jae bwa haa dɔa habɔɔ, he ta kpeɡri bɛlbwa dɔe. Gel wejerema baa jemɛ weweela wa, dɛɛ baɡle waa aa dɛ ba chiɡa korobie bɛlbwa ta, ir ba lɛɛ le waa aa dɛ ba he pui la ta.

Jeremia 50:35

Korowii ŋɔ, “Hé ka yo Babelɔn tena! Hé ka kpoo nɛra baa soɡe Babelɔn, ne ba nomonome, dɛ wejerema bwa!

Ɛsekeɛl 16:11

N kpɔ suuɡaswɛm nɔnloɡa ne baŋa kwaa bwa doe.

Daneɛl 1:20

Le ɡɛ saŋ dɛɛ kaa la, wobɛlbwa kooro la aa dɛ nyin a wejema ne waa mun noe waa la, o dɛ bɔɔ ba, asɛ dɛ na kɛŋɔ Daneɛl ne o bala batoro la wejema ɡwaa voɡra ne dobodobo tena baa lɔ o harɛ ta bwa kerafi.

Daneɛl 1:4

Ba bini bonɔɔna baa wola kirihiah dii dɛ do wer, dɛ́ dɔ bambile hweli komɛlbwa waa hweli, dɛ dɔ lem dɛ́ won dɛɛ no waa mun warane, dɛ chɛ kɛŋɔ bá won ɛ toma koodem. Ásɛ Aspenas baɡ ba Babelɔn tena wobol ne o chwera.

Daneɛl 2:2

Anomanta, o ɡelɔ ba ka yerɛ dobodobo tena, ne nɛra baa dɛ ɛ sɔmwe-ɛɛla, ne voɡra dɛ wejerema baa jemɛ weweela waa ŋɔ bá ba baɡlo deera la mun. Baa ba o be la,

Daneɛl 2:27

Anee Daneɛl chaŋe ŋɔ, “Wejereme kɛɛ nɛn waa dɛ ɛ sɔmwe-ɛɛla kɛɛ dobodobo te kɛɛ voɡre bɛlbwa aa won baɡle a mun.

Daneɛl 2:48

Kooro la ɛ Daneɛl nɛnjen, dɛ kɛo konjena taeh, dɛ kpɔ Babelɔn harɛ ta kpeɡri bwa do o nɔn ta. O ɛo Babelɔn harɛ ta wejerema bwa nomoa.

Daneɛl 2:6

Kɛ dɛ he wono baɡ mɛ deera la ne a mun aa, mɛɛ kɛ heyaa kwaa a su he siwi, dɛ́ tɛ heyaa sɔn ɡe taeh. Anomanta, hé baɡ mɛ deera la ne a mun.”

Daneɛl 4:14

O kpɔ takpeɡ ŋɔ, “Hé teŋe daa la ta dɛ́ choo o kpala, dɛ́ nɛɛ o papooni le o kpala la ta, dɛ́ nɔr o nɔna la merɛ. Hé doŋi kpɔɡ bini ola la le o chunchule ta, ásɛ dɛ doŋi jumbii la ɡe le o kpala ta.

Daneɛl 5:11

Baa bɛl lɔ he harɛ nɔ ta voɡa aa wola nɛwɛnyina ɛɛ tɛo kpeɡri ane. He mɛɛ kora dii saŋ la, o nao kɛŋɔ o ɛ wejereme, dɛ jemɛ waa kɛŋɔ voɡa ken. He mɛɛ Kooro Nebukadnesa ɡbaɡba kpɔɔ ɛ dobodobo tena, ne nɛra baa dɛ ɛ sɔmwe-ɛɛla, ne wejerema baa jemɛ weweela waa dɛ voɡra bwa nomoa.

Daneɛl 5:15

Ba ba nɛra baa dɔ wejema ne nɛra baa dɛ ɛ sɔmwe-ɛɛla ne n be ŋɔ, bá kure kwaa baa chwera dawɛ bonɔ nɔ, dɛ́ baɡ mɛ a mun, kɛ ba ta wone baɡle a mun.

Daneɛl 5:16

Taraken, n noɔ kɛŋɔ he won waa mun baɡla, waa a mun noe aa kpeɡa ɡe la, he won a mun baɡla. Dɛ he wono kure kwaa baa chwera nɔ dɛ baɡ mɛ a mun aa, mɛɛ tɔe yakɔlee, dɛ́ kpɔ suuɡaswɛm jɔɡrɔre do he baŋa, ásɛ n habɔɔ henee dɛ́ teŋɛ tooro, dɛ́ dɔ kpeɡri n kora ta harɛ nɔ ta.”

Daneɛl 5:29

Ate, buɡ la ta, Kooro Bɛlsasa ɡel ba ka kpɔ yakɔl ba tɔ Daneɛl, dɛ kpɔ suuɡaswɛm jɔɡrɔre do o baŋa, asɛ dɛ ɛo nɛntoorote waa dɔ kpeɡri o kora ta harɛ la ta.

Nɛra Kura 22:17

Mɛɛ bɔe kemee kɛrɛdɛ, ásɛ wobɛlbwa ɡe haa bol la, mɛɛ ɛo. Ba tomɛ ba toma tɛ mɛ.”

Nɛra Kura 22:7

Ate, Moab nomonome ne Midian nomonome la kpɔ suuɡa baa kpɔ ka tomɛ toma la kaa. Baa la Balam be la, ba bol waa Kooro Balak aa ŋɔa la.

Nɛra Kura 24:11

Le warane kaa bela haa lea! N ŋɔ n fe ɛɛ bɔe kemee kɛrɛdɛ ɡa, kɛ Korowii tɔa ŋwɛnɛ.”

1 Samoɛl 17:25

Name dɛ Israel tena la dɛ bol ŋɔ, “Hé na ɡɛ baa nɔ aa naa dɛɛ ba ya be nɔ kenɛ? O balɔ dɛ baa muɡli ya Israel tena baah. Nomɛlbwa waa won kpo baa nɔ la, kooro ɛɛ tɛo kondɔɔh kohonaa. Wɛɛ berɔ lawɛ o bihaah tɛo ó mo, ásɛ dɛ ɡel naate mɛɛ nɛra ɡel toɔ bɔe Israel harɛ ta.”