Daneɛl 5:5 - mzwDBL

⁵ Buɡ la ta, dɛ nɛn nɔn ba dɛ chwerɛ koodem danjwɛɛ baa maalo ta, dɛ kandea cheɡɛ bela dɛɛ chaah. Asɛ Kooro Bɛlsasa ɛɛ nyiŋi ɡɛ nɔn la aa doa dɛɛ chwerɛ la.

Daneɛl 5:5 ပူးပေါင်းရင်းမြစ်များ

Job Tɔn 20:5

nyubinikpeɡ tena silɛɛ aa biɡri, nɛra baa wola Korowii jemɛ dɔ silɛɛ, kɛ aa ɡɛɛ ka.

Sɛɡla 29:1

Dɛ he dɛ ɛ lwɛmkpeɡ saŋ bɛlbwa ba kaeh kahonaa, he ne ba jara la, dɛ he dɔ wa, haa a nyoa tɛɛɡaa dɔ.

Jeremia 50:43

Babelɔn kooro no ba wa, ɔmee ɡel o bwara yɔr. Weweele ne bambiteŋa ɡel o ɔmɛ kɛŋɔ haah loltea aa lɔɔ ken.

Daneɛl 4:31

O nyoa ta lee, dɛ taa bɛl le nyundua dɛ ŋɔ, “Kooro Nebukadnesa, dɛɛ no, kpeɡri haa dɔa he kora ta la le he nɔn ta.

Daneɛl 4:33

Waa nyundua torome la aa ŋɔa aa chiɡ Kooro Nebukadnesa nɛɛ la ɛ kpela. A chiɡ o nɛɛ buɡ la ta, asɛ ba doŋu le nɛra bini, asɛ o chwe kpɔɡa kɛŋɔ nao ken. Mɛn ta o nɛ, o nyumpona do kɛŋɔ kee kena ken, o nonie ɡe kpeɡ kɛŋɔ jumbie nanie ken.

Daneɛl 5:15

Ba ba nɛra baa dɔ wejema ne nɛra baa dɛ ɛ sɔmwe-ɛɛla ne n be ŋɔ, bá kure kwaa baa chwera dawɛ bonɔ nɔ, dɛ́ baɡ mɛ a mun, kɛ ba ta wone baɡle a mun.

Daneɛl 5:4

Baa dɛ nyɔ sen la, dɛ ba dɛ kpɛɛ voɡa baa kpɔ suuɡaswɛm, ne suuɡapoŋa, ne bune, ne ayaawa, ne daa dɛ bwea ɛa la.

Daneɛl 5:6

O siebɔr ɡwaŋɔ, o liire chɔɡ, asɛ ɔmee lawɔ kohona o natuune ɛɛ sa dɛɛ lɔ dɔŋa.

Daneɛl 5:8

Ate, kooro wejerema la bwa laŋɔ, kɛ ba ta wone kure kwaa baa chwera la, á ba ɛ kɛŋɔ baa wonoo baɡle a mun.

Kolosi 2:14

Teŋa haa ŋɔa ŋɔ hɛɛ teŋɛ o Mmara taa dɛ berɛ horɛ a bar heyaa la, a bwa taa o le heya. Waa a waa pɛɛ kpa. Korowii kpaa a bwa pɛl Yeesu daɡaɡre la ta a tonɛ.