Daneɛl 5:20 - mzwDBL

²⁰ Kɛ waa baa ɛ deŋnekpeɡ o nyu bini do kpeɡri wɛɛ ɛ mbarafo la, Korowii iru kora ta, jirima waa dɔa la paŋɔ.

Daneɛl 5:20 ပူးပေါင်းရင်းမြစ်များ

2 Koranar 17:14

Kɛ Israel tena ta noɛ, dɛ ɛ deŋnekpeɡ kɛŋɔ ɡɛ ba naawa aa wola Korowii baa dɛ tomɔ yaradae la.

2 Webena 32:25

Kɛ mbarafo nomanta, o siwi ta waa Korowii aa ɛa tɛo la sui, anomanta, Korowii baah di o ne Juda ne Jerusalam tena nɛ.

2 Webena 36:13

Kooro Sedekia berɔ ɛ Kooro Nebukadnesa waa ɡela o ŋwɛɛ Korowii sɔn ta ŋɔ, wɛɛ kpɔ o tenee do o lɔɡa la deŋnekpeɡ. O taŋ deŋne, o ta o liire charɛ dɛ ba Korowii Israel tena aa dɛ tomɔ la be.

Kaala 18:11

N deno jemɛ name kɛŋɔ Korowii kpeɡri ɡwaa voɡa bwa kpeɡri, dɛ le anɔ waa kpɔa ɛ nɛra baa dɛ nyiŋi Israel tena nyubaahna la wa.”

Kaala 9:17

Kɛ ane a bwa, he ta dɛ maŋkura he te dɛɛ tɔ n nɛra nɛɛ ŋɔ haa ɡel ba kaa.

Kaala 9:7

Belaa kooro tomɛ nɛra a wa, asɛ ba la dɛ ba ŋɔ o be ŋɔ Israel tena te kondɛɛre beŋkpoŋ ɡba ta sewɛ. Kɛ ane a bwa, o ta o deŋnekpeɡ la ɡelɛ. O ta nɛra la ŋwɛnɛ tɛɛ ba kaa.

Sɛɡla 16:18

Mbarafo dɛ ba chɔɡa ne, asɛ maŋkurae ɡe ɛɛ ba harɛ lɔe ne.

Sɛɡla 16:5

Korowii hah nɛn waa dɛ ɛ mbarafo, kpelaa, naate ɛɛ di bolchɔɡee dɛ́ dɔ deŋnetɛra.

Aesaya 47:1

Korowii ŋɔ, “Babelɔn, bwɛjen baa wola yoi dɛ pɔ he nɛ, he do kɛŋɔ bitolo waa wola baa jemɛ. Tu he kookara ta, dɛ́ ba so harɛ. Taraken baa hen ɡbɛɡbɛ kpa, he berɛ yom.

Jeremia 13:18

Korowii berɔ ŋɔ ń ŋɔ kooro ne o nya be ŋɔ, “Hé le he kookane ta tu ba, dɛkalkɛ he kooɡbɛrɛre aa wera dɛ́ ba he nyuune ta lee.”

Jeremia 19:15

“Koranar Bwa Kooro, Israel tena aa dɛ tomɔ la ŋɔ, ‘Hé no! N dɛ ba wenaale bwa maa ŋɔa ŋɔ mɛɛ kpɔɔ ba ta bwɛjen nɔ ne bwɛjeɡre bwa aa baro bwa nɛra nɛɛ la ne, dɛkalkɛ ba ɛ lwɛmkpeɡ tena dɛ vɛh n waa la noe.’ ”

Jeremia 48:18

Debɔn tena, hé le he soŋnibɔr waa dɔ jirima ba, dɛ́ ba so harɛ bomboɡ ta. Nɛn waa ba chɔɡ Moab la balɔ dɛ́ ba kuuɡi danjwɛjen waa baro la.

Ɛsekeɛl 30:6

Anomanta, Korowii ŋɔ, “Ijipt chamene tena baa dɛ chao la bwa ɛɛ serewoo. O laa tena baa do kpeɡri wɛɛ ɛ mbarafo ba waa la bwa ɛɛ serewoo. Baa kpoo ba bwa laa taa le Miɡdol dɛ ba Aswan. Men Nemenɛ Korowiirii bola.

Ɛsekeɛl 31:10

Name kenii men Nemenɛ Korowii ɛɛ bol waa aa dɛ ba daa waa kpeɡa kaa baama ta la pui. Waa do jaŋne kohona nomanta, o mbarafo.

Daneɛl 11:36

Siiria kooro la ɛɛ ɛ ɡɛ waa dɛ nyinii, dɛɛ ɛ mbarafo, dɛɛ ɡɔɔ o te ŋɔ o ɡwaa voɡ bɛlbwa, hale Nemenɛ Korowii waa kana la. Wɛɛ ɛ ɡɛ waa nɔ bwaa ka tel saŋ Korowii aa tɛr o deŋne. Korowii ɛɛ ɛ waa waa bola ŋɔ wɛɛ ɛo laanee.

Daneɛl 4:26

Daa la muŋkpul ne o lune la nyundua torome la aa ŋɔa ó che la munii kɛŋɔ, dɛ he baa jemɛ kɛŋɔ Korowiirii dɔ kpeɡri harɛ nɔ bwa ta naa, he kora ɛɛ berɔɔ che.

Daneɛl 4:28

A ɡɛ waa la bwa chiɡ Kooro Nebukadnesa nɛ.

Daneɛl 4:37

Name, men Kooro Nebukadnesa, n dɛ kpɛɛ Korowii waa dɛ di kora nyundua, dɛɛ tɛo sɔn ne jirima dɛkalkɛŋɔ, o waa toɡrɔ o wobɛlbwa ɡe do wer. Nomɛlbwa waa dɛ ɡɔɔ o te la, o won naate ne harɛ bala.”

Daneɛl 8:8

Booh la baa dɔ kpeɡri kɛrɛdɛ, kɛ o ta aa dɛ di kpeɡri la, o nyeɡlejen la kuu asɛ nyeɡlare anaarɛ aa kana le paaɡe o buɡ ta. Bɛl chaɡɛ weekaŋle nyundua, bɛl chaɡɛ wee leebɔr, bɛl chaɡɛ weekaŋle harɛbɔr, asɛ bɛl chaɡɛ wee cholibɔr.

Amanesoma Luk Aa Chwera Tɔn 18:14

Anee Yeesu ŋɔ, “N dɛ ŋɔ he be ŋɔ, toɔ lɛɛ la bee Korowii no dɛ kpɔ o wechɔɡa kɛo dɛ doo nɛndɛɛɡa bini, asɛ o kaa o dem. Farisii te la te, o ta o be noɛ. Nomɛlbwa waa dɛ maŋkura o te la, Korowii ɛɛ ba o ne harɛɛ, asɛ nomɛlbwa waa pwɛr o te la, Korowii ɛɛ ɛo nɛnjenii.”

Hibru 3:13

Anomanta, hɛ́ɛ ja dɔŋa tɔperee bwa mɔɔ tɔpere la o Domadɛɛɡe aa bol o waa dɛ ŋɔ “fini” la ɡarɛ, ásɛ wechɔɡa bɛ heyaa ba neɡre, he deŋne ba do kpeɡri.

1 Samoɛl 6:6

Ɛrɛɛ he deŋne do kpeɡri kɛŋɔ Ijipt kooro ne o nɛra nɔɔ? Hé lii ɡɛ Korowii fa aa tɛr ba deŋne kohona, dɛ ka tel kɛŋɔ baa tɛ Israel tena ŋwɛnɛ ba le Ijipt harɛ ta kaa la.