Daneɛl 5:13 - mzwDBL

¹³ Anomanta, ba laŋɔ ka kpɔ Daneɛl ba kooro sie, asɛ o pɛɛro ŋɔ, “Henee Daneɛl, haa ja nɛra n mɛɛ Kooro Nebukadnesa aa laɡ ba le Juda harɛ ta dɛ ba Babelɔn nɛɛ la aa?

Daneɛl 5:13 ပူးပေါင်းရင်းမြစ်များ

Ɛsra 10:16

Anomanta, nɛra baa laɡ ba kaa bojaŋ harɛfale ta ba berɛ ba la sɛh ɡɛ baa bola la ta. Asɛ sɔfo Ɛsra le baala baa ɛ deene nomonnyuune, asɛ ba chwerɛ bɛlbwa sɔn denaa ta. Korobie fi tɔpeloɡle ta la, ba soɡe harɛ dɛ nyiŋi waa la ta,

Ɛsra 10:7

Anomanta, ba kpɔ kala tɛ ba bola Juda harɛ ne Jerusalam bwa ŋɔ, nɛra baa kaa bane bojaŋ harɛ ta ba berɛ ba la bwa cheme Jerusalam.

Ɛsra 4:1

Juda ne Bɛnjamen tena dɔma noɔ kɛŋɔ Israel tena baa laɡ ba kaa bojaŋ harɛfale ta la berɔ ba, dɛ berɛ baa do Korowii Israel tena aa dɛ tomɔ la Korowii Dea.

Ɛsra 6:16

Belaa Israel tena bwa, sɔfore ne Lewi dea tena, dɛ nɛra baa kaa dɛ le bojaŋ harɛ, dɛ berɛ ba la bwa kpɔ silɛɛ kohona, dɛ kpɔ Dea la do Korowii nɔn ta.

Daneɛl 1:1

Kooro Jehoiakim aa di kora Juda harɛ ta bentooro te ta la, Babelɔn Kooro Nebukadnesa kpɔ o laa tena la ka chɔ bar bwɛjen Jerusalam dɛ yo bwɛɛ la tena.

Daneɛl 1:2

Korowii ɡelɔ o pɔ Juda Kooro Jehoiakim nɛ, dɛ pa laala baa kpɔa cheɡ Korowii Dea la ane kaa Babelɔn harɛ ka cheɡ o voɡ dea bini, bela baa dɛ cheɡ laala a yoɡ aa kpeɡa.

Daneɛl 1:21

Daneɛl soɡe koodem bela dɛɛ tomɛ, ka tel Pɛɛsea Koojen Saeros aa baa yo Babelɔn harɛ tena dɛ di kora.

Daneɛl 1:6

Nɛra baa kaa lee ba le Juda dea tena bini la banee, Daneɛl ne Hanania ne Mesael dɛ Asaria.

Daneɛl 2:25

Ate, Areɔk den ɛ warane kpɔ Daneɛl la kooro la be dɛ ŋɔ, “N na nɛra yaa kaa laɡ ba laa ta le Juda harɛ ta la bɛl ó won baɡle hen kooro deera la mun.”

Daneɛl 2:48

Kooro la ɛ Daneɛl nɛnjen, dɛ kɛo konjena taeh, dɛ kpɔ Babelɔn harɛ ta kpeɡri bwa do o nɔn ta. O ɛo Babelɔn harɛ ta wejerema bwa nomoa.

Daneɛl 5:11

Baa bɛl lɔ he harɛ nɔ ta voɡa aa wola nɛwɛnyina ɛɛ tɛo kpeɡri ane. He mɛɛ kora dii saŋ la, o nao kɛŋɔ o ɛ wejereme, dɛ jemɛ waa kɛŋɔ voɡa ken. He mɛɛ Kooro Nebukadnesa ɡbaɡba kpɔɔ ɛ dobodobo tena, ne nɛra baa dɛ ɛ sɔmwe-ɛɛla, ne wejerema baa jemɛ weweela waa dɛ voɡra bwa nomoa.

Daneɛl 5:14

N noɔ kɛŋɔ voɡa aa wola nɛwɛnyina ɛɛ tɛɛ kpeɡri ane, he dɔ wejema dɛ dɔ liire ɡa.

Daneɛl 5:18

N naa kooro, Nemenɛ Korowii ɛ he mɛɛ Kooro Nebukadnesa koojen, dɛ tɛo jirima ne nyanyini dɛ kpeɡri kohona.

Daneɛl 5:2

Ba ta aa dɛ nyɔ sen la, Kooro Bɛlsasa tomɛ o bonɔɔna ŋɔ bá ka kpɔ suuɡaswɛm ne suuɡapoŋa numoli o mɛɛ Kooro Nebukadnesa fa aa paa le Korowii Dea waa lɔ Jerusalam la ba, ásɛ o ne o nomonjena ne o haahna dɛ o sɛnanar kpɔ nyɔ sen.

Daneɛl 6:13

Asɛ ba ŋɔ kooro be ŋɔ, “Daneɛl waa ja nɛra baa laɡ ba le Juda harɛ bojaŋ ba la aa hen duu, waa mmara haa doa la ɡe ta teŋɛ. O ta dɛ soŋe Korowii tɔpere bɛlbwa keraatoro.”

Daneɛl 8:1

Kooro Bɛlsasa aa di kora bene atoro ta la, men Daneɛl na wepila ja anɔ la n fa aa naa la habɔɔ.

Daneɛl 8:27

Men Daneɛl, dɛ n ɡwɛɡrɔ, n bwara wee mɛ la sie tama mɔɔ n ta won ba ir dɛ ɛ toma tɛ kooro. N ta wepila la mun noɛ, dɛ a ɡwaa n liire ta.

Amanesoma Jɔn Aa Chwera Tɔn 7:1

Anɔ habɔɔ la, dɛ Galilia harɛ ta ɡboo Yeesu do dɛɛ ɡaaɡe. Dɛ waa nyin kɛ o la Juda harɛ te ta, dɛkalkɛ dɛ bela nomonome la dɛ nyin o bɔr dɛ́ kpoo.

Amanesoma Jɔn Aa Chwera Tɔn 7:3

Anee Yeesu nimanar ŋɔ o be ŋɔ, “Le bonɔ dɛ́ kaa Juda harɛ ta, ásɛ he habɔteŋra baa lɔ bela la ka na he nyokpowaa haa dɛ ɛ nɔ.