Daneɛl 5:12 - mzwDBL

¹² Gɛ baa la sɔne Daneɛl, dɛ he mɛɛ dɛ yerɔ Bɛltesasa. He mɛɛ nao kɛŋɔ o liire wer o dɔ wejema dɛɛ no waa mun, dɛ won deera mun baɡla. O won waa aa kpeɡa ne sɛɡla ɡe bwa mun baɡla. Gel ba la ka yerɛ Daneɛl, ásɛ o ba baɡle a mun.”

Daneɛl 5:12 ပူးပေါင်းရင်းမြစ်များ

Yela 16:3

Korowii nɛra ba wa aa toɡra harɛ nɔ ta la, ba waa wer n be kɛrɛdɛ, asɛ n bwara ɛɛ sɔɔh mɛ ba waa taeh.

Sɛɡla 12:26

Nɛn o wa aa toɡraa dɛɛ tɛ o dɔŋ liidɛɛɡa, nɛnchɔɡee dɛɛ neɡre o dɔŋ.

Sɛɡla 17:27

Wejereme wobol lɔ tamaa ken, nɛn waa dɛ no waa mun la jemɛ o te lawa.

Ɛsekeɛl 28:3

He wejema ɡwaa Danɛl aa? Wobɛlbwa toole he nɛɛ dɛ sɔh aa?

Daneɛl 1:17

Korowii tɛ ɡɛ bonɔɔna banaarɛ la wejema ne waa mun noe, ba won kure tɔne dɛ jemɛ chwera ɡe kɛrɛdɛ. Dɛ Daneɛl berɔ won wepila ne deera bwa soo siwi mun baɡla.

Daneɛl 1:7

Babelɔn koodem nomoa la tɛɛ ba sɔnfala. Daneɛl sɔne Bɛltesasa, Hanania sɔne Sadrak, Mesael sɔne Mesak, asɛ Asaria ɡe sɔne Abɛdnɛɡo.

Daneɛl 2:26

Belaa kooro bɔɔ Daneɛl baa bera dɛɛ yerɔ Bɛltesasa ŋɔ, “Hɛɛ won jemɛ n deera la dɛ́ baɡ mɛ a mun aa?”

Daneɛl 4:19

Ate, Daneɛl baa bera dɛɛ yerɔ Bɛltesasa la bwara yɔr kohona, o wili waa waa dɛ lii ta. Anomanta, kooro la ŋɔ, “Bɛltesasa, bɛ ɡel deera la kɛɛ a mun baɡla dɔe ɔmee.” Ate, Bɛltesasa chaŋe ŋɔ, “N naa kooro, n dɛ nyin kɛ deera nɔ ne a mun fe bɛ he waa ɛ, dɛ fee ɛ he dɔma wa.

Daneɛl 4:8

A habɔɔ la, Daneɛl baa bera dɛɛ yerɔ Bɛltesasa maa kpɔ n voɡ sɔn pao la, ba n be. Voɡa aa wola nɛwɛnyina ɛɛ tɛo kpeɡri ane, anomanta, n bol n deera la o be.

Daneɛl 5:14

N noɔ kɛŋɔ voɡa aa wola nɛwɛnyina ɛɛ tɛɛ kpeɡri ane, he dɔ wejema dɛ dɔ liire ɡa.

Daneɛl 5:16

Taraken, n noɔ kɛŋɔ he won waa mun baɡla, waa a mun noe aa kpeɡa ɡe la, he won a mun baɡla. Dɛ he wono kure kwaa baa chwera nɔ dɛ baɡ mɛ a mun aa, mɛɛ tɔe yakɔlee, dɛ́ kpɔ suuɡaswɛm jɔɡrɔre do he baŋa, ásɛ n habɔɔ henee dɛ́ teŋɛ tooro, dɛ́ dɔ kpeɡri n kora ta harɛ nɔ ta.”

Daneɛl 6:3

Daneɛl baɡlɔ kɛ o won toma ɛɛ dɛɛ ɡwaa o bala la, ne nɛra baa lee ba baa nyiŋi harɛ la bamperi ta la, asɛ o toma su kooro la siwi. A ɡɛ nomanta, kooro la liiro kɛŋɔ ó den kpɔ harɛ la waa bwa do o nɔn ta wɛɛ nyiŋi o ta.

Daneɛl 6:4

Anee o bala nomonjena la ne nomonome baa lee ba baa nyiŋi harɛ la bamperi la, ɛɛ nyin Daneɛl bwara wechɔɡa dɛ́ le kora la be pera, kɛ ba ta wone. Ba ta o bwara wechɔɡe bɛlbwa nae, dɛkalkɛ o waa wer dɛ dɔ kasinteŋ.

Kolosi 1:29

A waa ɡela n swɛɛ siwi dɛ takapɔ dɛɛ ɛ toma la. Yeesu Kristoo tɛ mɛ kpeɡri ɡa n won dɛɛ ɛ ɡɛ toma la.