Daneɛl 5:1 - mzwDBL

¹ Awola jwaana bɛl, Kooro Bɛlsasa ɡelɔ ba ɛ kondikonjena, o ta nɔn yerɛ o nomonjena nɛra kaɡboŋ, asɛ o ne baa di kwaa la dɛɛ nyɔ sen.

Daneɛl 5:1 ပူးပေါင်းရင်းမြစ်များ

Mumpar 40:20

A habɔɔ tɔpetooro wee la, kooro la dɛ di o lola tɔpere, asɛ dɛ yerɛ o nomonome bwa. O le o sendoola nomoa la ne paanowɔɔra nomoa la, dɛ kpɔ ba ba o nɛra la sie.

Ɛsta 1:3

Waa di kora bentooro te ta la, o yerɛ o nomonjena ne o nomonome bwa ba cheme, asɛ ba di kondikonjena dɛ lɛ ba sie. Pɛɛsea harɛ ne Midia harɛ laa nomonome, ne nomonome baa chɔ o harɛre bwa nyoo ne nomonjena balɔ.

Aesaya 22:12

Korowii, Koranar Bwa Kooro ŋɔ, hé dooɡe lɔŋɔre dɛ́ wi, dɛ́ fonɛ he nyuune dɛ́ kpɔ lweyale tɔ awola tɔpere, á baɡle kɛŋɔ he ɛ wechɔɡa.

Aesaya 22:14

Koranar Bwa Kooro ɡbaɡba bol n be ŋɔ, “Maa ɡɛ wechɔɡa nɔɔ kpɔ kɛ ba bwa ka tel ba seo tɔpere. Men Korowii, Koranar Bwa Kooroo bola.”

Jeremia 50:35

Korowii ŋɔ, “Hé ka yo Babelɔn tena! Hé ka kpoo nɛra baa soɡe Babelɔn, ne ba nomonome, dɛ wejerema bwa!

Jeremia 51:39

Ba dɛ nyin kondikwa kohona kɛɛ? Mɛɛ ɛ kondikondɛɛɡaa cheɡ ba, ásɛ ba di dɛ́ nyɔ sen dɛɛ lɛ ba sie, dɛ́ mamɛ dɛɛ moo. Baa iruu ka chɔ baa wola won ir kpa bwa. Men Korowiirii bola.

Jeremia 51:57

Mɛɛ ɡeloo o koranar ne nomonome, ne wejerema dɛ laa tena, nyɔ sen dɛɛ. Baa chɔ domii baa wola won ir kpa. Men Koranar Bwa Kooro maa ɛ Kooro laanee bola.”

Daneɛl 5:30

Awola jwaana la tentenee ba kpo Babelɔn Kooro Bɛlsasa,

Neehum 1:10

He sennyɔɔra, nii ɛɛ fuh heyaa kɛŋɔ sɔɔhne aa kaɡre dawii baah ken.