Daneɛl 4:7 - mzwDBL

⁷ Ate, dobodobo tena, ne nɛra baa dɛ ɛ sɔmwe-ɛɛla, ne wejerema baa jemɛ weweela wa, dɛ voɡra bwa ba, asɛ n bol deera la baɡ ba, kɛ ba ta wone baɡ mɛ a mun.

Daneɛl 4:7 ပူးပေါင်းရင်းမြစ်များ

Mumpar 41:24

Anɔ la aa wola wone ta pure la kpɔ anuanɛ aa ta pure la liɡli. Maa taara baɡle dobodobo tena la, bɛlbwa ta wone baɡ mɛ a mun.”

Mumpar 41:8

Tɔ aa pera chɔɔ la, dɛ o liire chɔɡɔ, anomanta, o yerɛ dobodobo tena ne wejerema baa lɔ harɛ la ta ba o be. O taa o deera la ba be, kɛ bɛlbwa ta wone baɡle a mun.

Yela 37:35

N na nyubinikpeɡ te waa wola nɛn nɛɛ sune, o soɡa bini do wer kɛŋɔ, daa waa kpeɡa harɛdɛɛɡe ta ken,

Aesaya 44:25

Menee ɡela keame nyosonteŋna waa ɛ nyosone, dɛ ɡel voɡra waa ɛ ɡɛnewa, dɛ won beɡre harɛ nɔ ta wejerema wejema, a ɛ wesale.

Ɛsekeɛl 31:3

He do kɛŋɔ peleme daa waa lɔ Lɛbanɔn harɛ ta, o kpala ne papooni do wer dɛ tɔ kɔr. O pamɔ kaa nyundua dɛ do jaŋne dɛ kaa baama ta.

Daneɛl 1:4

Ba bini bonɔɔna baa wola kirihiah dii dɛ do wer, dɛ́ dɔ bambile hweli komɛlbwa waa hweli, dɛ dɔ lem dɛ́ won dɛɛ no waa mun warane, dɛ chɛ kɛŋɔ bá won ɛ toma koodem. Ásɛ Aspenas baɡ ba Babelɔn tena wobol ne o chwera.

Daneɛl 2:10

Asɛ wejerema baa jemɛ weweela waa la chaŋe kooro ŋɔ, “N naa kooro, nomɛlbwa toole harɛ nɔ ta, dɛ́ won ɛ waa hen kooro aa bola nɔ. Kooro bɛlbwa waa lɛ sɔn kɛɛ dɛ dɔ kpeɡri ta ɡɛ waa nɔ bɔɔrɛ le dobodobo te, kɛɛ nɛn waa dɛ ɛ sɔmwe-ɛɛla, kɛɛ wejereme be bwa.

Daneɛl 2:27

Anee Daneɛl chaŋe ŋɔ, “Wejereme kɛɛ nɛn waa dɛ ɛ sɔmwe-ɛɛla kɛɛ dobodobo te kɛɛ voɡre bɛlbwa aa won baɡle a mun.

Daneɛl 2:7

Ate, ba berɛ chaŋe ŋɔ, “N naa kooro, baɡle yaa deera la, ásɛ ya ɡe baɡle a mun.”

Daneɛl 3:8

A ɡɛ saŋee, Babelɔn harɛ wejerema bane baa jemɛ weweela waa la Kooro Nebukadnesa be, dɛ ka chɔɡ Juu tena tɛo.

Daneɛl 4:18

Deera men Kooro Nebukadnesa aa deera laanee nɔ. Bɛltesasa, baɡ mɛ a mun, dɛkalkɛ wejereme bɛlbwa toole n harɛ nɔ ta, dɛ́ won baɡ mɛ a mun. He te, voɡa aa wola nɛwɛnyina ɛɛ aa tɛɛ kpeɡri ane nɔ, hɛɛ wonoo baɡle.’ ”

Daneɛl 5:7

Ate, kooro kpɔ takpeɡ ŋɔ bá ka yerɛ nɛra baa dɛ ɛ sɔmwe-ɛɛla, ne wejerema baa jemɛ weweela wa dɛ voɡra, ŋɔ bá ba. Baa bala la, Kooro la ŋɔ ba be ŋɔ, “Dɛ bɛlbwa wono kure kwaa baa chwera nɔ, dɛ baɡ mɛ a mun aa, mɛɛ ɡeloo bá tɔɔ yakɔl, dɛ́ kpɔ suuɡaswɛm jɔɡrɔre do o baŋa, ásɛ n habɔɔ ó ɛ nɛn waa teŋa tooro, dɛ dɔ kpeɡri kohona n kora harɛ nɔ ta.”

Daneɛl 5:8

Ate, kooro wejerema la bwa laŋɔ, kɛ ba ta wone kure kwaa baa chwera la, á ba ɛ kɛŋɔ baa wonoo baɡle a mun.