Daneɛl 4:5 - mzwDBL

⁵ N deero asɛ dɛ na waane ɔmee laɡ mɛ. Maa chɔa la n na wepila, asɛ koŋkwaa ane soo siwi ɡale n sie ta a ɡel mɛɛ ɔmɛ kohona.

Daneɛl 4:5 ပူးပေါင်းရင်းမြစ်များ

Mumpar 41:1

Bene anɛ habɔɔ la, awola bɛl, Ijipt harɛ ta kooro deero, dɛ o cheɡɛ Nael Moo nyoa o harɛ ta bela,

Daneɛl 1:7

Babelɔn koodem nomoa la tɛɛ ba sɔnfala. Daneɛl sɔne Bɛltesasa, Hanania sɔne Sadrak, Mesael sɔne Mesak, asɛ Asaria ɡe sɔne Abɛdnɛɡo.

Daneɛl 2:1

Kooro Nebukadnesa aa di kora bennɛɛte ta la, awola bɛl o deero, asɛ o liire chɔɡ o ta wone chɔ.

Daneɛl 2:3

o ŋɔ ba be ŋɔ, “N liire chɔɡ n deera ane maa deera wa, asɛ mɛɛ nyin a mun dɛ́ jemɛ.”

Daneɛl 4:10

Wepila ane maa chɔa dɛ na laanee nɔ. N na daa bɛl, asɛ o che harɛ bɛl baah ta. Dɛ o kpeɡo kɛrɛdɛ.

Daneɛl 4:13

N ta aa chɔa dɛɛ lii deera nɔ waa la, n nyiŋo dɛ na nyundua torome bɛl waa do ɡoroŋ, o tu le Korowii be nyundua dɛɛ ba.

Daneɛl 4:15

Hé ɡel o muŋkpul la che, dɛ kpɔ buni jɔɡrɔre ne ayaawa vɔwɔ ó che kpɔɡ bini bela. Hé ɡel mɛn lee o nɛ, ásɛ o ne kpɔɡ bini ola so kpɔɡ bini, harɛ nɔ ta.

Daneɛl 4:19

Ate, Daneɛl baa bera dɛɛ yerɔ Bɛltesasa la bwara yɔr kohona, o wili waa waa dɛ lii ta. Anomanta, kooro la ŋɔ, “Bɛltesasa, bɛ ɡel deera la kɛɛ a mun baɡla dɔe ɔmee.” Ate, Bɛltesasa chaŋe ŋɔ, “N naa kooro, n dɛ nyin kɛ deera nɔ ne a mun fe bɛ he waa ɛ, dɛ fee ɛ he dɔma wa.

Daneɛl 5:10

Kooro nya aa no kooro ne o nomonjena ɡbɔɡa la, asɛ o ir la dea baa di kondikonjena o ta la, dɛ ka ŋɔ, “N naa kooro, Korowii tɛɛ mkpajaŋ saŋ bɛlbwa! Bɛ ɡel a hae ásɛ he siebɔr foo ɡɛ!

Daneɛl 5:11

Baa bɛl lɔ he harɛ nɔ ta voɡa aa wola nɛwɛnyina ɛɛ tɛo kpeɡri ane. He mɛɛ kora dii saŋ la, o nao kɛŋɔ o ɛ wejereme, dɛ jemɛ waa kɛŋɔ voɡa ken. He mɛɛ Kooro Nebukadnesa ɡbaɡba kpɔɔ ɛ dobodobo tena, ne nɛra baa dɛ ɛ sɔmwe-ɛɛla, ne wejerema baa jemɛ weweela waa dɛ voɡra bwa nomoa.

Daneɛl 7:1

Babelɔn Kooro Bɛlsasa aa di kora benanyoa beŋkpoŋ ta la, men Daneɛl deero dɛ na wepila ane ɡɛ saŋ maa chɔ mpa ta jwaana. Asɛ n chwerɛ waa maa naa deera la ta jwaana la bil.

Daneɛl 7:28

Waa la jaɡaa la. Men Daneɛl aa naa la, n ɔmɔ kohona n siebɔr ɡwaŋɛ, kɛ n kpɔ wobɛlbwa do n nyu bini.”