Daneɛl 4:37 - mzwDBL

³⁷ Name, men Kooro Nebukadnesa, n dɛ kpɛɛ Korowii waa dɛ di kora nyundua, dɛɛ tɛo sɔn ne jirima dɛkalkɛŋɔ, o waa toɡrɔ o wobɛlbwa ɡe do wer. Nomɛlbwa waa dɛ ɡɔɔ o te la, o won naate ne harɛ bala.”

Daneɛl 4:37 ပူးပေါင်းရင်းမြစ်များ

2 Webena 33:19

Gɛ waa soŋe Korowii asɛ o no o be, ne o wechɔɡa waa ɛa mɔɔ dɛ charɛ o liire, ne bɔra waa ɛa tɛ voɡtoroma baa tomɛ voɡare, ne voɡ Asera dajaŋa waa paaɡa, dɛ voɡa waa toma la, ba chwera do Korowii Keamere Waa Tɔne bini.

Ɛsta 6:10

Kooro do Heeman ŋɔ, “Ɛ warane ka kpɔ koolaala la ne jaaɡɔ la, dɛ́ ka ɛ ɡɛ haa bola nɔ bwa tɛ Mɔdekae, Juu te la. Bɛ a bini bɛlbwa ɡel. Hɛɛ nao kɛ waa soɡe koodem doonyoa bela.”

Yela 119:75

N Naa Korowii, n jemɔ kɛŋɔ he bole pae toɡrɔ, he che kasinteŋ ta dɛ tɛr n deŋne.

Yela 99:4

Korowii ɛ kooro, dɛ dɔ kpeɡri kohona, dɛɛ nyin waa aa toɡra, o ɡelɔ kasinteŋ do Israel harɛ ta. O ba wa aa toɡra dɛ do wer ne.

Kaala 18:11

N deno jemɛ name kɛŋɔ Korowii kpeɡri ɡwaa voɡa bwa kpeɡri, dɛ le anɔ waa kpɔa ɛ nɛra baa dɛ nyiŋi Israel tena nyubaahna la wa.”

Kaala 8:4

O ne o nomonome ne harɛ la ta tena bwa nɛɛ sapone la ɛɛ ba jaeh dɛɛ teeh.”

Aesaya 23:9

Koranar Bwa Kooroo ɡela a chiɡ. O ɛ ɡɛ ásɛ ba jirima baa dɔa dɛɛ ɡɔɔ ba te la tonɛ, dɛ́ ba banɔ la baa dɔ nyanyini harɛ nɔ ta la ne harɛ.

Aesaya 5:16

Nemenɛ Korowii ɛɛ bol waa dɛ́ pa bole kasinteŋ ne, dɛ́ che a ta dɛ́ baɡle o kan waa doa. Wɛɛ che waa aa toɡra taa, dɛ́ baɡle ɡɛ waa do ɡoroŋ.

Jeremia 50:29

“Hé yerɛ nɛra baa jemɛ hɛma tae bwa bá ba yo Babelɔn tena. Hé bar bwɛjen la cheme, he bɛ ɡel bɛlbwa dɔ bɔr chwa le. Hé bɔ ba kem ɡɛ ba we-ɛɛla aa doa, ɡɛ baa kpɔa ɛ ba bala la, dɛkalkɛ ba vɛh men Korowii, Israel Nɛŋɡoroŋ la.

Ɛsekeɛl 16:56

He fa aa dɔa dɛɛ ɛ mbarafo la, dɛ haa he nime Sodom komɛlbwa yerɛ,

Ɛsekeɛl 16:63

Mɛɛ kpɔ waa haa ɛa bwaa kɛɛ, kɛ hɛɛ ba liiraa, ásɛ sihiih kpoe kohona he pili nyoa kahonɛ.” Nemenɛ Korowiirii bola.

Daneɛl 4:26

Daa la muŋkpul ne o lune la nyundua torome la aa ŋɔa ó che la munii kɛŋɔ, dɛ he baa jemɛ kɛŋɔ Korowiirii dɔ kpeɡri harɛ nɔ bwa ta naa, he kora ɛɛ berɔɔ che.

Daneɛl 4:3

Korowii nyokpowe-ɛɛla waa ɛa tɛ yaa ta nyoa dɔe. O waa waa dɛ ɛ ɡe kan taeh. O kora ta jaɡa dɔe, wɛɛ di koraa saŋ bɛlbwaa dɛɛ la.

Daneɛl 4:34

Kooro Nebukadnesa ŋɔ, “Bene anuanɛ la aa baa kaa la, n ha sie nyiŋi nyundua, ate dɛ n sie chole harɛ, asɛ n kpɛɛ Nemenɛ Korowii, dɛ kpɛɛro dɛ tɛo jirima kɛŋɔ onee lole saŋ bɛlbwa dɛɛ la. Wɛɛ di kora saŋ bɛlbwaa dɛɛ la, o kora ɛɛ cheo saŋ te bɛlbwa.

Daneɛl 5:4

Baa dɛ nyɔ sen la, dɛ ba dɛ kpɛɛ voɡa baa kpɔ suuɡaswɛm, ne suuɡapoŋa, ne bune, ne ayaawa, ne daa dɛ bwea ɛa la.

Matiu 11:25

Belaa Yeesu kpɛɛ Korowii ŋɔ, “N Mɛɛ, nyundua ne harɛ bwa Dɔɔ! N dɛ jaame kɛ haa kpɔ he waa nɔ sɔh sipila tena ne wejerema, dɛ kpɔ baɡle nɛra baa wola wobɛlbwa jemɛ nɔ.

We-ɛɛla 17:24

Korowiirii ta harɛ ne kwaa aa lɔ o ta bwa. On dɔ nyundua ne harɛ bwa. O waane laa chɔɔbɔra nɛwɛnyini aa maa tɛo la wa.

Mmarare 32:4

O do kɛŋɔ Bwetal dɛɛ lɛ yaa, o wobɛlbwa toɡrɔ dɛ dɔ kasinteŋ. Waa nyosone teŋe, waa aa maɡra dɛ toɡree wɛɛ ɛ.

Wepila 15:3

dɛɛ ɡo Korowii bonɔɔ Mosis ne Pebie la yel ŋɔ, “Oo, Korowii Haa Ɛ Koranar Bwa Kooro, he we-ɛɛla kan ɡa. Harɛ nɔ bwa Kooro, he ŋwɛnɛre toɡrɔ dɛ ɛ kasinteŋ.

Wepila 16:7

Asɛ n no taa bɛl konsɔɔhsoma fuih bɔr, o ŋɔ, “Korowii Haa Ɛ Koranar Bwa Kooro la, he waa haa ɛa dɛ tɛr ba deŋne toɡrɔ dɛ ɛ kasinteŋ.”

1 Samoɛl 2:3

Gel mbarafo wobol bola, bɛ wobosale dɛɛ bol. Hen Korowii te, he jemɛ wobɛlbwa, he jemɛ wobɛlbwa nɛn aa dɛ ɛ, dɛɛ pa a bole.