Daneɛl 4:30 - mzwDBL

³⁰ O ŋɔ, “Bwɛjen Babelɔn waa do kan ken nɔ, menee doo o ɛ n koobwɛ, dɛ́ kpɔ baɡle n kpeɡri kohona ne n jirima maa dɔa.”

Daneɛl 4:30 ပူးပေါင်းရင်းမြစ်များ

Mumpar 10:10

Bwɛjena waa tɔ sie di o kora a ta laanee, Babelɔn ne Ɛrɛk ne Akad dɛ Kalne aa lɔ Sina harɛ ta.

Ɛsta 1:4

O kpɔ kondɔɔh aa lɔ kara la mun bwa le asɛ nɛra ba naa, dɛ na ɡɛ o kondɔɔh ne o kora kan aa doa. O ɛ ɡɛ korobie anumɛl bwa.

Yela 104:1

N dɛ kpɛɛ Korowii n bambile bwa ne, Korowii maa dɛ tomɛ, he kan kohona! He kpɔ he kan ne he jirima tɔ kɛŋɔ yal ken,

Yela 49:20

Nɛn waa dɔ kondɔɔh waa wola waa mun no la, ɡɛ ola aa dɛ sewɛ laanee o ɡe ɛɛ ba sewa.

Yela 73:8

Ba dɛ mamɛ ba bala, dɛɛ bol ba bwara wechɔɡa, ba dɔ mbarafo, dɛɛ vɔrɔwe ɡɛ baa fiiɡi ba bala.

Sɛɡla 11:2

Mbarafo dɛ ba sihiih ne, asɛ pwɛre doe ɡe ɛɛ ba wejema ne.

Sɛɡla 16:18

Mbarafo dɛ ba chɔɡa ne, asɛ maŋkurae ɡe ɛɛ ba harɛ lɔe ne.

Sɛɡla 29:23

He dɛ maŋkura he te naa, harɛɛ hɛɛ lɔ, kɛ he pwɛr he te naa, he dɛ dɔ duure.

Aesaya 13:19

Babelɔn kora wer ɡwaa bwɛɛre bwa kora, bela tena kpɔɔ dɛɛ ta nyoa. Kɛ men Korowii, mɛɛ chɔɡ kora laanee kɛŋɔ maa ɛ Sodom ne Gomoora la.

Ɛsekeɛl 29:3

Ŋɔ o be ŋɔ men Nemenɛ Korowii ŋɔ, ‘Ijipt kooro, n ne he dɔɔ, he do kɛŋɔ lɛŋɔ damanta dɛ do he nenabɔɔne ta. He ŋɔ Nael Moo ɛ he kon, he ɡbabirii ɛo.

Daneɛl 4:31

O nyoa ta lee, dɛ taa bɛl le nyundua dɛ ŋɔ, “Kooro Nebukadnesa, dɛɛ no, kpeɡri haa dɔa he kora ta la le he nɔn ta.

Habakuk 1:11

Asɛ dɛ wur kaa kɛŋɔ peu yon ta dɛ kpɔ haahra kaa la. A ɡɛ nɛra nɔ, ba kpɔ ba te dawɛ ba bokpeɡa ta kɛŋɔ nɛn aa kpɔ sie dawɛ o voɡ ta la.”

Amanesoma Luk Aa Chwera Tɔn 14:11

Nomɛlbwa waa dɛ maŋkura o te la, Korowii ɛɛ ba o ne harɛɛ, asɛ nomɛlbwa waa dɛ pwɛr o te la, Korowii ɛɛ ɛo nɛnjenii.”

Amanesoma Luk Aa Chwera Tɔn 14:9

Dɛ o balaa, naate waa yerɛ he bwa la ɛɛ ba ŋɔ he bee ŋɔ hé ir dɛ́ kpɔ nomombɔr la tɛ nomoa la. Belaa hɛɛ ba sihiih kpɔe dɛ́ ir ka so bechasobɔr nɛra la bwa habɔɔ.

1 Kɔrent 10:31

Anomanta, wobɛlbwaa hɛɛ ɛ oo, kwaa hɛɛ di oo, komɛlbwaa hɛɛ nyɔ oo, hé ɛ dɛ́ kpɔ jirima dɛɛ tɛ Korowii.

1 Pita 5:5

He bonɔɔna ɡe la, hɛ́ɛ tɛ he nomonome duure. Hé bwa pwɛr he te dɛɛ tɛ dɔŋa, dɛɛ cha dɔŋa, dɛkalkɛŋɔ Korowii Tɔn bolɔ ŋɔ, “Korowii ne mbarafo tena aa jo, kɛ o dɛ sune nɛra baa dɛ pwɛr ba te nɛɛ dɛɛ cha ba.”

Wepila 14:8

Nyundua torome nɛɛte ɡe iro teŋɛ onɔ la nɛɛ dɛ ŋɔ, “O paɡrɔ! O paɡrɔ! Babelɔn bwɛjen la waa ɡela pɛlchɔɡa ne wedoŋa dɛɛ harɛ nɔ ta bwa nɛra kɛŋɔ sen asɛ ba waa fuh Korowii baah la paɡrɔ.”

Wepila 16:19

Bwɛjen la peɡri atoro, asɛ harɛ nɔ ta bwɛɛre bwa paɡre. Korowii lii Babelɔnjen tena wechɔɡa la wa, dɛ ɡel ba nyɔ o danana nee a nyoa aa kpeɡa kohona kɛŋɔ seŋkpeɡa la.

Wepila 17:5

Ba chwerɛ sɔn bɛl pɛl haah la tile ta. O ɛ sɔn o mun aa sɔah. Sɔn laanee babelɔnjen, jwamane tena ne harɛ nɔ ta wedoŋa bwa nya.

Wepila 18:10

Baa che bojaŋee, dɛkalkɛŋɔ baa ɔmɛ o hɔhɔrɔwa waa dɛ na laanee dɛ́ɛ ŋɔ, “Akwe! Akwe! Bwɛjen Babelɔn la o tena fa aa dɛ di kpeɡri ɡa la, waa puu kerabeŋkpoŋ o paɡre.”

Wepila 18:21

Belaa nyundua torome bokpeɡa te bɛl ɡɔɔ bwe bɛl waa do kan kɛŋɔ nambwejen, dɛ kpɔ ta mpo ta, dɛ ŋɔ, “Kenii baa ba bwɛjen Babelɔn la kpɔe dɛ́ ta kpeɡri nɛɛ baa wola on na kpa bwa.