Daneɛl 4:25 - mzwDBL

²⁵ Baa doŋii le nɛra bini he ne kpɔɡ bini ola ka so. Hɛɛ chwe kpɔɡaa kɛŋɔ nao, ásɛ mɛn ta he nɛɛ bene anuanɛ, dɛ́ ka tel kɛŋɔ haa ba jemɛ kɛŋɔ Nemenɛ Korowiirii dɛɛ di kpeɡri harɛre kora bwa ta. Korowii ɡboo dɛɛ le nɛn waa dɛ nyin, dɛ́ kpɔɔ so kora ta.

Daneɛl 4:25 ပူးပေါင်းရင်းမြစ်များ

Daneɛl 4:17

Nyundua torome la ne o bala baa ja o nɛɛ dɛ do ɡoroŋ la bee ɡɛ deŋnetɛra waa nɔ le. Anee dɛ́ ɡel nomɛlbwa waa soɡe le jemɛ kɛŋɔ, Nemenɛ Korowiirii dɛɛ di harɛre kora bwa kpeɡri, dɛ kpɔ dɛɛ tɛ nɛn waa dɛ nyin, hale dɛ kpɔ tɛ nɛra baa do pwɛre dɛɛ so kora ta.”

Jeremia 27:5

“N kpeɡri waa kana kohona nee n ta harɛ nɔ bwa ne nɛwɛnyini dɛ ola aa lɔ o ta bwa, dɛ kpɔa do nomɛlbwa maa leo nɔn ta.

Yela 83:18

Gel ba jemɛ kɛ he ɡbosoo Nemenɛ Korowii, he habɔɔ, kooro bɛlbwa toole harɛ nɔ ta.

Daneɛl 2:21

Onee dɛɛ beɡre tɔpera ne saŋ, onee dɛɛ chiɡ nɛn kora ta, dɛ́ berɛ iru kora ta. Onee dɛɛ tɛ wejerema wejema, dɛɛ tɛ lem ne waa mun noe.

Yela 106:20

Ba kpɔ jirima baa kpɔ tɛ hen Korowii la, berɛ kaa tɛ kon o mar aa le nabale, waa dɛ chwe kpɔɡa.

Yela 75:7

Korowiirii bol nɛra waa dɛɛ pa bole. Onee dɛɛ pa boldɛɛɡe, dɛɛ pa bolchɔɡe ɡe.

Yela 103:19

Korowii kpɔ o kookara cheɡ nyundua, dɛɛ di kora harɛ nɔ nɛra bwa nɛ.

Daneɛl 2:37

N naa kooro, he ɛ koranar bwa kooro. Korowii Waa Dɛ Di Kora Nyundua ɛɛ koojen dɛ ɡel he do kan, dɛ tɛɛ kpeɡri ne jirima.

Daneɛl 2:47

Kooro la ŋɔ Daneɛl be ŋɔ, “Kasinteŋ, Korowii haa dɛ tomɔ la ɛ Dɔɔranar bwa Dɔɔ, ne Koranar Bwa Kooro dɛ ɡela nɛra won dɛɛ na chaahna dɛ won a mun baɡla, dɛkalkɛ he wono baɡle waa aa sɔah nɔ mun.”

Daneɛl 4:2

N sie lɛo kohona kɛŋɔ ń bol nyokpowaa ne we-ɛɛla Nemenɛ Korowii aa ɛa tɛ mɛ.

Daneɛl 4:16

Hé ɡel o liire charɛ ó kpɔ ol liire, o bɛ nɛn liire dɔ ka tel kɛŋɔ bene anuanɛ aa baa kaa.