Daneɛl 4:22 - mzwDBL

²² n naa kooro, henee daa waa kpeɡa dɛ do kpeɡri la che tɛ. He kpeɡo dɛ kaa leɡe nyundua, asɛ dɛɛ di kpeɡri harɛre bwa ta.

Daneɛl 4:22 ပူးပေါင်းရင်းမြစ်များ

Mumpar 11:4

Belaa ba yerɛ dɔŋa dɛ ŋɔ, “Amɔ hé ɡel ya pɛ nyoa, dɛ́ vɔrɔwe bwɛjen dɛ́ ma dejaŋ o ka tel nyundujaɡla, ásɛ a ɛ sɔn tɛ yaa ya bɛ lɔ peɡre harɛ nɔ ta.”

Mumpar 28:12

O chɔe bini la, o deero dɛ na kɛŋɔ sanjol le nyundua ba chiɡ harɛ, asɛ nyundua toroma teeh dɛ la dɛɛ ba.

2 Samoɛl 12:7

Belaa Netan ŋɔ Kooro Devid be ŋɔ, “Henee a ɡɛ nɛn la! Waa Korowii Israel tena aa dɛ tomɔ la aa dɛ bol laanee nɔ, ‘Menee lɛɛ le Kooro Sɔɔl nɔn ta, dɛ fuɡe noo do he nyu ta, dɛ cheɡe kora Israel harɛ ta.

2 Webena 28:9

Dɛ Korowii keame Ɔdɛd lɔ Samaria bela. O iro dɛ la ka cheme laa tena la ɡɛ saŋ baa ba Samaria la. O ŋɔ ba be ŋɔ, “Korowii he naawa aa tomɔ la baah di Juda tena nɛɛ waa o ɡel he yoo ba dɛ pɔ ba nɛɛ la. Kɛ he berɔ kpoo ba warɛ kohona to.

Yela 108:4

He nyina aa wola jaɡa dɔe kan dɛɛ tel nyundua, he wa aa dɔ kasinteŋ ɡe ɛɛ tel bela.

Yela 36:5

N Naa Korowii, he nyina aa wola jaɡa dɔe ɡwaa komɛlbwa, he kasinteŋ waa ɡe ta jaɡa dɔe.

Jeremia 27:5

“N kpeɡri waa kana kohona nee n ta harɛ nɔ bwa ne nɛwɛnyini dɛ ola aa lɔ o ta bwa, dɛ kpɔa do nomɛlbwa maa leo nɔn ta.

Ɛsekeɛl 17:3

dɛ ɡel ba jemɛ kɛ men Nemenɛ Korowii ŋɔ, ‘Keejen bɛl o kena aa kpeɡa, o pona do jaŋne dɛ do wer iro ba Lɛbanɔn, dɛ ba lawɛ peleme daa kpale waa pama kaa nyundua

Daneɛl 2:21

Onee dɛɛ beɡre tɔpera ne saŋ, onee dɛɛ chiɡ nɛn kora ta, dɛ́ berɛ iru kora ta. Onee dɛɛ tɛ wejerema wejema, dɛɛ tɛ lem ne waa mun noe.

Daneɛl 4:11

Dɛ daa la dɛ kpeɡ dɛɛ do kan kohona, dɛ kpeɡ kaa leɡe nyundua. Nɛn cheɡɛ harɛ jaɡa bobɛlbwa naa, o dɛ nao.

Daneɛl 4:21

o papooni do wer, o nɔna warɛ nomɛlbwa dɔ ane dɛɛ di, kpɔɡ bini ola chɔ o chunchule ta, asɛ jumbii sɔh a kɔne o kpala ta la,

Daneɛl 4:29

Korobie fi dɛ anɛ habɔɔ, dɛ Kooro Nebukadnesa dɛ valɛ Babelɔn koodem saldoa.

Daneɛl 4:36

Gɛ saŋ n sie aa chole harɛ la. Korowii berɔ tɛ mɛ duure ne jirima n kora kan waa doa la wa. Nɛra baa dɛ ja mɛ ne n nomonome nyin n bɔr, dɛ berɛ kpɔ mɛ cheɡ kora ta, asɛ n berɛ dɔ kpeɡri waa ɡwaa wubwa kon la.

Matiu 14:4

dɛkalkɛ kooro la moo, asɛ Jɔn ŋɔ o be ŋɔ o ta an aŋwɛnɛ ta ɛɛ kɛ waa mo Hɛrɔdeas la.

Wepila 18:5

O wechɔɡa daŋɔ tel Korowii doa, Korowii kpaŋro bil.