Daneɛl 4:2 - mzwDBL

² N sie lɛo kohona kɛŋɔ ń bol nyokpowaa ne we-ɛɛla Nemenɛ Korowii aa ɛa tɛ mɛ.

Daneɛl 4:2 ပူးပေါင်းရင်းမြစ်များ

Job Tɔn 7:14

bela kwaraa la, he dɛ aah mɛ deera ta, he ɡelɔ mɛɛ na wepila dɛɛ ɔmɛ,

Yela 51:14

N Naa Korowii, dɛ n kpo nɛn dɛ di a bolchɔɡe aa, lɛɛ mɛ. Ásɛ n ɡo yela silɛɛ ne, dɛ́ baɡle ɡɛ he wa aa toɡra.

Yela 65:9

He dɛ dawɛ ya wa, dɛ ɡel bwaala ɛɛ nɛ harɛ nɔ ta, o do wer dɛɛ ɛ konduula kohona. He ɡelɔ nenabɔɔne bwa suuɡi, nɛra dɔ kondikwaa dɛɛ di. Gɛ haa ɛa laanee teŋa nɔ,

Yela 66:16

Hé ba, dɛ́ ba no, he nɛra haa dɛ tomɛ Korowii, ásɛ n baɡle waa waa ɛa tɛ mɛ.

Yela 71:18

Hale n hwɛɛhrɔ n nyumpona to kwaraa naa, N Naa Korowii, bɛ men ta. Ja n nɛ, ásɛ n bol he kpeɡri ne he kan haa doa waa baɡle n naanar baa ka ba bwa.

Daneɛl 2:1

Kooro Nebukadnesa aa di kora bennɛɛte ta la, awola bɛl o deero, asɛ o liire chɔɡ o ta wone chɔ.

Daneɛl 3:26

Ate, Kooro Nebukadnesa ka che bɛne fononoo nijena la nyoa bɔr, dɛ kpɔ takpeɡ yerɛ ŋɔ, “Nemenɛ Korowii bonɔɔna Sadrak ne Mesak dɛ Abɛdnɛɡo, hé le nii la ta ba!” Buɡ la ta, ba den le ba che.

Daneɛl 4:17

Nyundua torome la ne o bala baa ja o nɛɛ dɛ do ɡoroŋ la bee ɡɛ deŋnetɛra waa nɔ le. Anee dɛ́ ɡel nomɛlbwa waa soɡe le jemɛ kɛŋɔ, Nemenɛ Korowiirii dɛɛ di harɛre kora bwa kpeɡri, dɛ kpɔ dɛɛ tɛ nɛn waa dɛ nyin, hale dɛ kpɔ tɛ nɛra baa do pwɛre dɛɛ so kora ta.”

Daneɛl 4:24

N naa kooro, deera la munii la. Gɛɛ Nemenɛ Korowii ŋɔ aa chiɡ he nɛɛ.

Daneɛl 4:25

Baa doŋii le nɛra bini he ne kpɔɡ bini ola ka so. Hɛɛ chwe kpɔɡaa kɛŋɔ nao, ásɛ mɛn ta he nɛɛ bene anuanɛ, dɛ́ ka tel kɛŋɔ haa ba jemɛ kɛŋɔ Nemenɛ Korowiirii dɛɛ di kpeɡri harɛre kora bwa ta. Korowii ɡboo dɛɛ le nɛn waa dɛ nyin, dɛ́ kpɔɔ so kora ta.

Daneɛl 4:34

Kooro Nebukadnesa ŋɔ, “Bene anuanɛ la aa baa kaa la, n ha sie nyiŋi nyundua, ate dɛ n sie chole harɛ, asɛ n kpɛɛ Nemenɛ Korowii, dɛ kpɛɛro dɛ tɛo jirima kɛŋɔ onee lole saŋ bɛlbwa dɛɛ la. Wɛɛ di kora saŋ bɛlbwaa dɛɛ la, o kora ɛɛ cheo saŋ te bɛlbwa.

Daneɛl 5:18

N naa kooro, Nemenɛ Korowii ɛ he mɛɛ Kooro Nebukadnesa koojen, dɛ tɛo jirima ne nyanyini dɛ kpeɡri kohona.

Daneɛl 6:27

Onee dɛɛ lɛ nɛn dɛ ɡel o dɔ o nyu dɛɛ di, dɛɛ ɛ nyokpowa, o we-ɛɛla ɡe do kan nyundua ne harɛ bwa. Onee lɛ Daneɛl nyujentena nɔn ta aa wola on kpoe.”

Daneɛl 7:25

Wɛɛ bol waa yaɡɛ Nemenɛ Korowiirii, ásɛ dɛ fiiɡi Korowii nɛra ba waa aa toɡra, dɛ́ takapɔ kɛŋɔ wɛɛ beɡre Korowii nɛra mmarare baa cheɡɛ a ta dɛɛ tomɛ Korowii ne tɔpejenaa. Ásɛ Korowii nɛra ba waa aa toɡra la do o lɔɡa bene atoro korobie anumɛl.

Amanesoma Jɔn Aa Chwera Tɔn 4:48

Belaa Yeesu ŋɔ o be ŋɔ, “He bɛlbwa ta nyokpowaa ne wekpeɡa ane nae yaa, haa men yarada bwa.”

Josua 7:19

Anee Josua ŋɔ Akan be ŋɔ, “N bie, ɔmɛ Korowii, kpɔ duure tɛ Korowii Israel tena aa dɛ tomɔ la, dɛ́ bol he wechɔɡa haa ɛa la, dɛ bɛ nyosone teŋe. Bol wobɛlbwa haa ɛa, bɛ kpɔ sɔɔh mɛ.”