Daneɛl 4:18 - mzwDBL

¹⁸ Deera men Kooro Nebukadnesa aa deera laanee nɔ. Bɛltesasa, baɡ mɛ a mun, dɛkalkɛ wejereme bɛlbwa toole n harɛ nɔ ta, dɛ́ won baɡ mɛ a mun. He te, voɡa aa wola nɛwɛnyina ɛɛ aa tɛɛ kpeɡri ane nɔ, hɛɛ wonoo baɡle.’ ”

Daneɛl 4:18 ပူးပေါင်းရင်းမြစ်များ

Mumpar 40:12

Anee Josef ŋɔ o be ŋɔ, “Kenii he deera la mun ɛɛ baɡle. Daa kpala atoro la cheɡɔɔ tɛ tɔpera atoro.

Mumpar 41:15

Kooro ŋɔ Josef be ŋɔ, “N deero, kɛ nomɛlbwa toole dɛ baɡ mɛ a mun, n no he waa kɛŋɔ he won deera mun baɡla.”

Mumpar 41:8

Tɔ aa pera chɔɔ la, dɛ o liire chɔɡɔ, anomanta, o yerɛ dobodobo tena ne wejerema baa lɔ harɛ la ta ba o be. O taa o deera la ba be, kɛ bɛlbwa ta wone baɡle a mun.

Aesaya 19:3

Ijipt tena hwɛɡa bwa ɛɛ tonɔɔ, ásɛ ba maɡla baa maɡla bil bwa ɛ pɛɛpɛɛ, bá kaa bɔɔ voɡa ne lala ne ba voɡra ne ba bebeela.

Daneɛl 1:20

Le ɡɛ saŋ dɛɛ kaa la, wobɛlbwa kooro la aa dɛ nyin a wejema ne waa mun noe waa la, o dɛ bɔɔ ba, asɛ dɛ na kɛŋɔ Daneɛl ne o bala batoro la wejema ɡwaa voɡra ne dobodobo tena baa lɔ o harɛ ta bwa kerafi.

Daneɛl 2:38

He nɔn taa o kpɔ nɛra, ne kpɔɡ bini ola, dɛ jumbii aa dɛ ɡah do. Henee dɛɛ nyiŋi a nɛ, bobɛlbwa aa lole. Henee kon la nyu baa kpɔ suuɡaswɛm tenten ɛo la.

Daneɛl 2:7

Ate, ba berɛ chaŋe ŋɔ, “N naa kooro, baɡle yaa deera la, ásɛ ya ɡe baɡle a mun.”

Daneɛl 5:15

Ba ba nɛra baa dɔ wejema ne nɛra baa dɛ ɛ sɔmwe-ɛɛla ne n be ŋɔ, bá kure kwaa baa chwera dawɛ bonɔ nɔ, dɛ́ baɡ mɛ a mun, kɛ ba ta wone baɡle a mun.

Daneɛl 5:8

Ate, kooro wejerema la bwa laŋɔ, kɛ ba ta wone kure kwaa baa chwera la, á ba ɛ kɛŋɔ baa wonoo baɡle a mun.

Emɔs 3:7

Nemenɛ Korowii aa waanee ɛ, dɛ o ta a bini pile baɡle o bonɔɔna baa ɛ o keamere.