Daneɛl 4:12 - mzwDBL

¹² O papooni wer, o nɔna warɛ harɛ nɔ ta nɛra bwa dɔ dɛɛ di. O chunchule taa kpɔɡ bini ola ɛɛ chɔ, jumbii ɛɛ sɔh a kɔne o kpala ta. Belaa kontaale bɛlbwa dɔ kwaa dɛɛ di.

Daneɛl 4:12 ပူးပေါင်းရင်းမြစ်များ

Job Tɔn 12:24

Korowii dɛ lɛ harɛre la nomonome liire, dɛ́ ɡel ba wili do hɛŋle ɡbo harɛ ta dɛɛ ɡaaɡe.

Job Tɔn 14:7

Hwɛɡa lole dɛ tɛ daa baa teŋo ta, wɛɛ berɔɔ pamɛ dɛ moɡɛ.

Job Tɔn 14:9

dɛ berɛ dɔ nee tama aa, o berɔ dɛɛ ir dɛ ta kpala kɛŋɔ daa baa chɔɔro ken.

Wiile 4:20

Ba lawɛ kooro Korowii aa leo tɛ yaa. Ya liiro kɛŋɔ o nɛɛ yá che dɛ́ dɔ mkpa. Onee ya yarada kɛŋɔ wɛɛ lɛ yaa le nomɛlbwa waa ba lɔ tɔ ya nɛɛ la be.

Ɛsekeɛl 17:23

Israel bwejen doaa mɛɛ ba o chɔɔra. Wɛɛ ta kpalaa, dɛ́ do wer dɛ́ nɔnɛ. Jumbii bwa soo siwi ba sɔh a kɔne bela, dɛ́ so o chunchule ta.

Ɛsekeɛl 31:17

Banɔ la baa soɡe o chunchule ta, dɛ ɛ o chamene tena baa lɔ harɛre ta ne o kaa lalabwɛ, dɛ ka ja nɛra baa kpoo ba keri ne la nɛ.

Daneɛl 4:14

O kpɔ takpeɡ ŋɔ, “Hé teŋe daa la ta dɛ́ choo o kpala, dɛ́ nɛɛ o papooni le o kpala la ta, dɛ́ nɔr o nɔna la merɛ. Hé doŋi kpɔɡ bini ola la le o chunchule ta, ásɛ dɛ doŋi jumbii la ɡe le o kpala ta.

Matiu 13:32

Kwaa bie baa dɛ du bwa bini onjeɡaa. Kɛ dɛ o leɔ dɛ kpeɡ aa, o dɛ ɡwaa konduula bwa, dɛ́ yon kpeɡ dajen, ásɛ jumbii ɡba ba sɔh a kɔne o kpala ta.”

Amanesoma Mak Aa Chwera Tɔn 13:32

Nomɛlbwa aa Korowii Tɔpere la ne saŋ ɡɛ waa la aa dɛ ba chiɡa jemɛ. Nyundua toroma la ne Men Nɛn Bie la ɡba aa jemɛ. N Mɛɛ la ɡboo jema.

Amanesoma Mak Aa Chwera Tɔn 4:32

Kɛ o baa le dɛ kpeɡ aa, o kan ɡwaa konduula bwa, dɛ peɡri kpaljena, asɛ jumbii sɔh kɔne do o papooni lɔɡre.”

Amanesoma Luk Aa Chwera Tɔn 13:19

O waa tamaa bɛlbwa won yɛɛra kɛŋɔ baa bɛl aa ira dɛ kpɔ mastad bii waa do jeɡaa ɡwaa daa bɛlbwa bi, dɛ kpɔ ka du, asɛ o le dɛ ɛ da, jumbii sɔh kɔne do o kpala ta.”