Daneɛl 3:7 - mzwDBL

⁷ Anomanta, harɛre nɛra bwa ne wobol bɛlbwa nɛra baa le harɛre ta ba aa no bɛle, ne kalipere, ne janjelare dɛ kwaa bwa soo siwi baa kpɔa dɛɛ lɔ yela sii la, ba den ɡuŋi dɛ duu suuɡaswɛm voɡ Kooro Nebukadnesa aa cheɡo la.

Daneɛl 3:7 ပူးပေါင်းရင်းမြစ်များ

Jeremia 51:7

Babelɔn fa do kɛŋɔ suuɡaswɛm numol, dɛ do men Korowii nɔn ta, dɛ ɡel harɛre nɛra bwa nyɔ o bini sen, dɛ dɛɛ dɛ bwa ɛɛ we choɡla.

Daneɛl 2:46

Ate, Kooro Nebukadnesa kpɔ sie pi harɛ dɛ kpɔ duure tɛ Daneɛl. Dɛ ŋɔ bá ɛ saraha dɛ fuh konsɔɔhsoma tɛ Daneɛl.

Daneɛl 3:10

N naa kooro, he do mmara ŋɔ nomɛlbwa waa no bɛle, ne kalipere, ne janjelare dɛ kwaa bwa soo siwi baa kpɔa dɛɛ lɔ yela la, ó ɡuŋi dɛ́ duu suuɡaswɛm voɡ la.

Daneɛl 3:4

Ate, kooro keame bɛl ir che dɛ kpɔ takpeɡ ŋɔ, “Harɛre nɛra bwa ne wobol bɛlbwa nɛra haa le he harɛre ta ba, waa kooro aa dɛ do heyaa a ta laanee kɛŋɔ,

Daneɛl 3:5

dɛ he ba dɛ no bɛle, ne kalipere, ne janjelare, dɛ kwaa bwa soo siwi baa kpɔa dɛɛ lɔ yela sii aa, a chɛ kɛ he ɡuŋi, dɛ́ duu voɡ Kooro Nebukadnesa aa kpɔ suuɡaswɛm ɛo dɛ cheɡo la.

Daneɛl 3:6

Nomɛlbwa waa vɛh ɡuŋa dɛ́ duu voɡ la la, baa kpɔɔ ka do nii aa lɔ fononoo binii.”

Daneɛl 3:8

A ɡɛ saŋee, Babelɔn harɛ wejerema bane baa jemɛ weweela waa la Kooro Nebukadnesa be, dɛ ka chɔɡ Juu tena tɛo.

We-ɛɛla 14:16

A saŋ la, dɛ Korowii ɡelɔ he nɛra haa wola Juu tena ɛɛ la ɛɛ ɛ he tetoowa.

1 Jɔn 5:19

Ya jemɔ kɛŋɔ ya bwa ɛ Korowii bii, asɛ nɛra baa dɔ harɛ nɔ ta ɡbo liire, ne kwaa aa lɔ harɛ nɔ ta bwa ɡe do Bɔnsam lɔɡa.

Wepila 12:9

asɛ Korowii kpɔ kontuuɡi damanta waa ɛ harɛkon la yaa jemɛ o waa mumpar bwa, baa yerɔ Baradeɛre Te ne Bɔnsam, wɛɛ neɡre nɛra bwa baa nyoɡre la, ne o bala bwa ta harɛ.

Wepila 13:14

Waa cheɡɛ loɡle olchɔɡe la naa ta dɛɛ ɛ wejena la nomanta, o wono neɡre nɛra baa lɔ harɛ nɔ ta dɛ ŋɔ bá ma komɛl kɛŋɔ olchɔɡe la ba fa aa kpɔ kere doo bol o sewɛ dɛ ir la.

Wepila 13:3

Olchɔɡe la nyuune la bɛl ɛo kɛŋɔ ba fa aa doo bol o sewɛ dɛ ir, asɛ bol la tonɛ. O waa ɛ nɛra bwa nyokpoa ba teŋɛ o nɛ.

Wepila 13:8

Harɛ nɔ ta nɛra baa wola ba sɔna chwerɛ Pebie la baa kpoo la Mkpa Tɔn la bini harɛ mumpar bwa la, ba bwa ɛɛ duu olchɔɡe laanee kɛŋɔ Korowii ken.

Wepila 17:8

Olchɔɡe la haa nao la, o siwi fa lole. Kɛ taraken te o siwi toole kpa. O dɛ ba teehna dɛ́ le Bɔnsam Bɔluŋ la bini, dɛ́ la Korowii ka chɔɡo. Nɛra baa lɔ harɛ nɔ ta Korowii aa wola ba sɔna chwerɛ do Mkpa Tɔn la bini nyundua ne harɛ mumpar bwa la, ba nyoa ɛɛ kpoo ɡɛ saŋ baa na olchɔɡe la kɛŋɔ o fa aa lole waa wola berɛ do le kpa dɛ berɛ le la.

Wepila 19:20

Kɛ ba lawɛ olchɔɡe la, ne keamechɔɡe la o fa aa dɛ ɛ wejena dɛɛ tɛ olchɔɡe la, dɛɛ neɡre nɛra baa dɔ olchɔɡe la nso dɛɛ tomɛ kon baa mao o do kɛ olchɔɡe la. Ba kpɔ ba bwa ne ba siweela ka ta bela nii ne jebɔrɔwe aa yɛɛra chɔ kɛŋɔ moo dɛɛ fuh.