Daneɛl 3:28 - mzwDBL

²⁸ Kooro Nebukadnesa ŋɔ, “Hé kpɛɛ Korowii Sadrak, ne Mesak dɛ Abɛdnɛɡo aa dɛ tomɔ la. O ɡelɔ o nyundua torome ba, dɛ ba lɛ o bonɔɔna. Ba kpɔ ba te tɛo, dɛ vɛh waa maa do ba a ta, dɛ sɛh kɛŋɔ ba sewɔ bɔ ba be kɛŋɔ ba ɡuŋi kɛɛ dɛ tomɛ voɡ bɛlbwa, atane Nemenɛ Korowii baa dɛ tomɔ ɡbo.

Daneɛl 3:28 ပူးပေါင်းရင်းမြစ်များ

Mumpar 9:26

Asɛ o berɛ ŋɔ, “Hé kpɛɛ Korowii Sɛm aa dɛ tomɔ, Keenan ɛɛ tomɛ Sɛmii.

1 Webena 5:20

Korowii cha ba dɛ ɡel ba pɔ ba nɛ, dɛ kpɔ Haɡri tena ne nɛra baa ja ba nɛɛ bwa do ba nɔn ta, dɛkalkɛ laa la ta la, ba wio no Korowii.

2 Webena 20:20

Tɔ aa pera chɔɔ la, ba leɔ kaa Tekoa pua hɛŋle ɡbo harɛ ta bela. Baa dɛ ba kaala la, Kooro Jehosafat iro che dɛ ŋɔ, “Hé no, Juda ne Jerusalam tena. Hé yarada Korowii haa dɛ tomɔ la, dɛ́ yarada waa o keamere ɡe aa bola la, aa chiɡ heyaa kɛrɛdɛɛ.”

2 Webena 32:21

Asɛ Korowii tomɛ nyundua torome bɛl o ba kpoo Asiiria laa tena ne ba laa sitɔɔla, dɛ nomonome baa lɔ bela baa soɡa bwa. Anomanta, Koojen Senakerib kpɔ sihiih berɛ ba kaa Asiiria harɛ ta. Waa laŋa la, o kaa jo o voɡ dea, asɛ o bibaala bane ka kpoo keri ne.

Ɛsra 1:3

Taraken, hé nɛra haa dɛ tomɛ Korowii bwa ir kaa bela, dɛ́ ka berɛ kwaa ma Korowii Israel tena aa dɛ tomɔ Dea waa lɔ Jerusalam. Onee dɛ́ ja he nɛ.

Ɛsra 6:11

N berɔ dɛɛ do heyaa kɛŋɔ nomɛlbwa waa ɛ deŋnekpeɡ waa nɔ ta la, bá tɛr dola le o dea ta dɛ́ seɡre o nyoa dɛ́ kpɔ tooh ó saɡɛ. O wechɔɡa waa ɛa nomanta, o dem paɡre dɛ́ berɛ puldoa.

Yela 103:20

Nyundua toroma haa kana dɛ do kpeɡri, heyaa dɛɛ teŋɛ o Mmarare ta, hé kpɛɛ Korowii.

Yela 147:11

o sie dɛ lɛ nɛra baa dɛ ɔmɔ, ne nɛra baa kpɔ ba te dawɛ o nɛ, ne o nyina aa wola jaɡa dɔe la ta.

Yela 33:18

Korowii sie lɔ nɛra baa dɛ teŋɛ o waa ta, nɛra baa dɛ hwɛɡɛ o nyina aa wola jaɡa dɔe ta la.

Yela 33:21

Ya dɛ hwɛɡɛ o sɔn waa do ɡoroŋ la ta, anomanta, ya dɛ hɛɡre.

Yela 34:22

Korowii ɛɛ lɛ o nɛraa, wɛɛ lɛ banɔ la baa chwaa kaa marɔ laanee.

Yela 62:8

Yabala, hé kpɔ he hwɛɡa do Korowii nɛɛ saŋ bɛlbwa, dɛ́ kpɔ he wehiah bwa bil o sie, dɛkalkɛ onee ya chwa kaa marɛ wɛɛ lɛ yaa.

Kaala 20:5

He bɛ an ɡuŋi á ba ɛ kɛ hɛɛ tomaa, dɛkalkɛ menee Korowii haa dɛ tom mɛ la, n dɛ mee. N dɛ tɛr banɔ la baa hah mɛ deŋne, hale dɛ́ kpoŋe ka tel ba bii ne ba naanar bele batoro kɛɛ banaarɛ baa ka ba la nɛ.

Aesaya 12:2

Kasinteŋ, Korowiirii n Lɛɛ. Mɛɛ dɛɛ yaradao dɛ bɛ dɛɛ ɔmɛ. Korowii bee n bokpeɡa do, n yel maa ɡo bwa ɡee kɛŋɔ Korowii. Onee n Lɛɛ.”

Aesaya 37:36

Ate, awola jwaana, Korowii nyundua torome la bela Asiiria laa tena aa lole la, dɛ ka kpoo ba bini kaɡboŋa lafa fifraanuatoro dɛ banue. Nɛra iro chɔɔ, dɛ ba na ɡɛ nɛra la aa serewa chɔ bobɛlbwa.

Aesaya 50:10

He banɔ la bwa haa dɛ ɔmɛ Korowii, dɛɛ no o bonɔɔ waa la, a balɔ kɛ he dɛ valɛ biro ta kwaraa naa, hé yarada Korowii, dɛ́ kpɔ he te dawɛ o nɛ.

Daneɛl 2:47

Kooro la ŋɔ Daneɛl be ŋɔ, “Kasinteŋ, Korowii haa dɛ tomɔ la ɛ Dɔɔranar bwa Dɔɔ, ne Koranar Bwa Kooro dɛ ɡela nɛra won dɛɛ na chaahna dɛ won a mun baɡla, dɛkalkɛ he wono baɡle waa aa sɔah nɔ mun.”

Daneɛl 3:25

Asɛ kooro ŋɔ o nomonome la be ŋɔ, “Hé nyiŋi na. N dɛ na nɛra banaarɛ baa valɛ nii la ta, ba ta ban vɔrɔwɛ, ba ta fueh ɡe. Onɔ la waa jaa naarɛ la dɛ le nyundua torome.”

Daneɛl 4:34

Kooro Nebukadnesa ŋɔ, “Bene anuanɛ la aa baa kaa la, n ha sie nyiŋi nyundua, ate dɛ n sie chole harɛ, asɛ n kpɛɛ Nemenɛ Korowii, dɛ kpɛɛro dɛ tɛo jirima kɛŋɔ onee lole saŋ bɛlbwa dɛɛ la. Wɛɛ di kora saŋ bɛlbwaa dɛɛ la, o kora ɛɛ cheo saŋ te bɛlbwa.

Daneɛl 6:16

Ate, Kooro Dareɔs ɡel ba lawɛ Daneɛl ba, dɛ kpɔɔ ka ta nyujentena be a bɔɔ bini. Kooro la ŋɔ Daneɛl be ŋɔ, “Kórowii haa dɛ tomɔ tɔpere bɛlbwa la lɛɛ.”

Daneɛl 6:26

N do mmara harɛ maa dɛ di kora o ta la kɛŋɔ, nomɛlbwa ɛɛ ɔmɛ dɛɛ duu Korowii Daneɛl aa dɛ tomɔ la. O ɛ Korowii waa lole saŋ bɛlbwa, o lole saŋ bɛlbwa dɛɛ la. O kora aa ɡu bwa, o kpeɡri waa dɔa ta jaɡa dɔe.

Matiu 4:10

Anee Yeesu kɔro ŋɔ, “Le n jwɛɛh kaa, Bɔnsam! Korowii Tɔn baɡlɔ ŋɔ, ‘Dɛɛ duu N Naa Korowii dɛɛ tomɛ o ɡbo.’ ”

We-ɛɛla 4:19

Anee Pita ne Jɔn chaŋe ŋɔ, “Hé ɡbabir di kasinteŋ. He ɔma ne Korowii ɔma, amee maɡra Korowii be nɔ?

We-ɛɛla 5:19

Awola jwaana la, Korowii nyundua torome bɛl baa ya dea la ɡbera, dɛ le Yeesu toroma la ne buse, dɛ ŋɔ ba be ŋɔ,

Tɔn Pɔɔl Aa Chwerɛ Rom Tena 12:1

Anomanta, yabala, n dɛ soŋe heya. Hé nyiŋi Korowii suna waa sune ya nɛɛ la dɛ́ kpɔ he te tɛo. Gɛ baa kpɔ kondɛɛɡa aa chɛ Korowii dɛɛ su o siwi dɛ kpo dɛ ɛ saraha tɛo dɛɛ tomɔ la, hé ɡe kpɔ he te kɛŋɔ ɡɛ saraha la, dɛ́ laa doŋa bɛlbwa kpɔ he nɛɛ dɛɛ tomɔ he bokpeɡa ne. Gɛɛ a chɛ kɛ hɛɛ tomɛ Korowii.

1 Kɔrent 13:3

Dɛ n wono kpɔ n komɛlbwa kɛ nyaara ba lɛ di, asɛ n berɛ koh Yeesu waa la waa dɛ sɛh ŋɔ mɛɛ ɡeloo bá kpɔ nii fuuh mɛ, dɛ maa nɛn nyin aa, dɛ a ɛ pɛɛpɛɛ.

Felepae 1:20

Waa maa dɛ nyin n siwi swɛɛ a ta laanee kɛŋɔ, n bɛ n toma ba ɛ kahonɛ sihiih kpo mɛ, kɛɛ n won dɔ bambile kɛrɛdɛ taraken kɛŋɔ n fa aa dɔ bambile la, ásɛ Yeesu Kristo won dɔ jirima n we-ɛɛla bini. Dɛ ba ɡelɔ n so le noo, ba kpo mɛ noo, Yéesu Kristo dɔ jirima a bwa bini.

Hibru 1:14

Korowii bonɔɔna laa o nyundua toroma la te naa? Nɛra Korowii aa ba lɛ la waa o yon dɛɛ tomɛ o nyundua toroma la ásɛ baa cha o nɛra o won lɛɛ ba.

Hibru 11:37

Ba foɡre bane bwea dɛ kpoo ba, dɛ kpɔ seradaa teŋni bane bini anɛnɛ, dɛ kpoo bane ɡe tokobie ne. Dɛ booh tɔne ne pee tɔnee bane kpɔ berɛ laala dɛɛ do. Dɛ ba nyao kɛrɛdɛ, asɛ nɛra che ba nɛ, asɛ bane ɡe ɛɛ ba hɔhɔrɔwa aa wola were.

1 Pita 1:21

O nɛɛ a che he yarada Korowii. Korowii ɡee iru seo ta dɛ tɛo jirima. Anomanta, he yarada ne he hwɛɡa haa dɛ hwɛɡɛ la, Korowii nɛɛ a bwa do.

Wepila 12:11

Ba cheɡɛ Pebie la chal la ne Korowii Waa baa bola la ta dɛ pɔ o nɛ. Ba ta ɡelɛ ba mkpa waa swɛɛ ba siwi, ba sɛh seo kwara.