Daneɛl 3:27 - mzwDBL

²⁷ Asɛ koobii ne nomonome baa chɔ harɛ nyoo, ne laa sitɔɔla dɛ nomonome baa kaa dɛ do harɛ la ta bwa ba bar nɛra batoro la cheme dɛɛ nyiŋ ba. Ba nao kɛŋɔ nii la ta ba bwadabii fueh, á ba ɛ kɛŋɔ ba nyumpona ɛɛ nyaaroo, ba laala baa doa ɡe ta fueh. Nii sɔɔh ɡe ta ba nɛɛ tɔe.

Daneɛl 3:27 ပူးပေါင်းရင်းမြစ်များ

1 Koranar 13:28

O lawɛ ŋwɛnɛ dɛ ka na kɛŋɔ o chɔɔ, keeɡo la ne nyujente la che o jwɛh. Nyujente la ta on chwee, o ta keeɡo la ɡe kpoe.

2 Koranar 19:19

Korowii yaa dɛ tomɛ, lɛ yaa le Asiiria koojen Senakerib nɔn ta, ásɛ harɛre bwa nɛra jemɛ kɛŋɔ he ɡboo Korowii.”

Yela 83:18

Gel ba jemɛ kɛ he ɡbosoo Nemenɛ Korowii, he habɔɔ, kooro bɛlbwa toole harɛ nɔ ta.

Aesaya 26:11

N Naa Korowii, he dɔma aa jemɛ kɛŋɔ he dɛ ba ba deŋne tɛra. Gel ba na ɡɛ haa dɛ nyin he nɛra, ásɛ sihiih kpo ba. Kpɔ deŋnetɛra haa maɡla bil ba la chɔɡ ba.

Aesaya 43:2

He dɛ ɡale vile aa, ń ja he nɛ, haa morɛ, wobɛlbwa aa heyaa ɛ. He jo nii ta naa, haa fuh. Aa heyaa nyaa, á ba ɛ kɛŋɔ hɛɛ fuuh.

Daneɛl 3:21

Ate, ba vɔrɔwe nɛra batoro la, dɛ ba ta do batakaarejaŋa ne yapejaŋa, dɛ yapondɛɛɡa baa kpɔa vɔrɔwe nyuune bwa ne laala baa doa bwa, dɛ kpɔ ba ka ta fononoo nijena la bini.

Daneɛl 6:23

Kooro sie lɛo kohona, o ŋɔ bá ka lawɛ Daneɛl le bɔɔ la bini. Asɛ ba la ka lawɔ le bɔɔ la bini, dɛ komɛlbwa ta o bobɛlbwa ɛɛ, dɛkalkɛ o yarada Korowii waa dɛ tomɔ.

Daneɛl 6:7

Ya nomonome bwa yaa dɛ nyiŋi Babelɔn harɛ nɔ ta, nomonome baa dɛ nyiŋi nɛra nɛ, ne nomonome baa chɔ harɛre nyoo, ne laa sitɔɔla dɛ nomonome baa jaa, sɛoh kɛŋɔ hen n naa kooro do mmara, dɛ nyiŋi na kɛŋɔ wɛɛ ɛ tomaa. Gel bɛlbwa jemɛ kɛŋɔ nomɛlbwa ta ŋwɛnɛ dɔe kɛŋɔ, ó ɡuŋi voɡ kɛɛ nɛn tɔpera fifraatoro nɔ baah ta, atane he ɡbo. Nomɛlbwa waa vɛh ɡɛ mmara nɔ la, bá lawɔ ka do nyujentena bɔɔ bini.

Matiu 10:30

He nyumpona kwara, o jemɛ a nyoa.

We-ɛɛla 26:26

N Naa kooro Aɡrepa te jemɛ waa maa dɛ bol nɔ bwa. A waa maa wola waa bola o sie ɔmɛ la. N jemɔ kɛŋɔ a bɛlbwa ta o habɔɔ leɛ, dɛkalkɛŋɔ a bɛlbwa ta waa baa sɔah ɛ ɛɛ.

We-ɛɛla 27:34

N poo heya, hé di kwaa tama, dɛ́ won yo lɛ he nyuune. Haa waa nɔ nyoa kae ba. Wobɛlbwa aa he bɛlbwa ɛɛ ba.”

Hibru 11:34

Ba wono che nijena baah ta dɛ sɔɔh a nyoa, a ta wone fuuh ba, dɛ won lɛ ba te nɛra baa kpoŋe tokobie dɛɛ nyin ba kpoora nɔn ta. Ba wono dɔ bokpeɡa ɡɛ saŋ baa ɡwɛɡra, dɛ won yo laa kɛrɛdɛ, dɛ won pɔ harɛre ane tena nɛɛ laa ta ba chwaaɡe.