Daneɛl 3:12 - mzwDBL

¹² Sadrak ne Mesak dɛ Abɛdnɛɡo baa ɛ Juu tena he kpɔ ba chɔ Babelɔn harɛ nɔ waa nyoa la, ba vɛh he waa la. Baa he voɡa tomɛ, dɛ vɛh suuɡaswɛm voɡ haa kpɔa cheɡ la ɡe ɡuŋa.”

Daneɛl 3:12 ပူးပေါင်းရင်းမြစ်များ

Ɛsta 3:8

Belaa Heeman la ka ŋɔ Kooro Sɛksɛs be ŋɔ, “N naa kooro, nɛra bane perɛ he kora harɛre la ta bobɛlbwa. Ba we-ɛɛla korɛ nɛra bwa we-ɛɛla ta. Baa he kora mmarare ɡe ta teŋɛ, anomanta, dɛ he le ba ne naa, a fe wer.

Sɛɡla 27:4

Nɛn o baah aa dɛ di wɛɛ tɔ waa wel la, o nyu bini kpeɡri dɛɛ chɔɡ wa, kɛ bɔweela te ɡwaalo.

Wejereme 4:4

Ate, n na kɛŋɔ toma nɛra aa dɛ ɛ dɛ́ dɔ kwaa bwa, le o dɔŋ bɛl komɛl waa dɔa, o na o siwi beɡre la ta. Anɔ ɡe ɛ wepuu, a do kɛŋɔ nɛn waa dɛ loo vii habɔɔ dɛ ɡel o bini la ken.

Daneɛl 1:7

Babelɔn koodem nomoa la tɛɛ ba sɔnfala. Daneɛl sɔne Bɛltesasa, Hanania sɔne Sadrak, Mesael sɔne Mesak, asɛ Asaria ɡe sɔne Abɛdnɛɡo.

Daneɛl 2:48

Kooro la ɛ Daneɛl nɛnjen, dɛ kɛo konjena taeh, dɛ kpɔ Babelɔn harɛ ta kpeɡri bwa do o nɔn ta. O ɛo Babelɔn harɛ ta wejerema bwa nomoa.

Daneɛl 2:49

A bwa habɔɔ la, Daneɛl soŋe kooro la, asɛ o kpɔ Babelɔn harɛ ta bwa waa do Sadrak ne Mesak dɛ Abɛdnɛɡo nɔn ta. Asɛ Daneɛl te ta do koodem bela dɛ ɛ nomoa.

Daneɛl 3:11

Dɛ berɛ ŋɔ nomɛlbwa waa wola ɡuŋe dɛ duuru la, bá kpɔɔ do nii aa lɔ fononoo bini.

Daneɛl 3:16

Asɛ Sadrak ne Mesak dɛ Abɛdnɛɡo chaŋe ŋɔ, “N naa kooro, a ta hiaih kɛŋɔ ya won lɛ ya te he sie waa nɔ ta.

Daneɛl 3:29

Taraken n dɛ do mmara kɛŋɔ, harɛ bɛlbwa nɛn kɛɛ nomɛlbwa kɛɛ wobol bɛlbwa nɛra bol waa yaɡɛ Korowii Sadrak, ne Mesak dɛ Abɛdnɛɡo aa dɛ tomɔ la aa, bá teŋni naate bini, ásɛ o dem berɛ dimɡbia. Dɛkalkɛŋɔ voɡ bɛlbwa toole, dɛ́ won lɛ nɛn waa aa do ken nɔ ta.”

Daneɛl 3:30

Ate, kooro la berɛ ɛ Sadrak, ne Mesak dɛ Abɛdnɛɡo nomonjena Babelɔn harɛ bwa ta.

Daneɛl 6:13

Asɛ ba ŋɔ kooro be ŋɔ, “Daneɛl waa ja nɛra baa laɡ ba le Juda harɛ bojaŋ ba la aa hen duu, waa mmara haa doa la ɡe ta teŋɛ. O ta dɛ soŋe Korowii tɔpere bɛlbwa keraatoro.”

Daneɛl 6:14

Kooro la aa no ɡɛ la, a we o nɛɛ kohona. Dɛ o siwi beɡrɔ wɛɛ nyin ŋwɛnɛ waa che o ta dɛ́ lɛ Daneɛl ta. O lii a waa ka tel kɛŋɔ wee aa joa.

We-ɛɛla 17:7

asɛ Jasen ɡe lɛɛ ba do o dem. Waa ya Koojen Siisa aa wola nyin laanee baa ɛ. Ba ŋɔ Koojen bɛl ɡe berɔ do le ja ya Koojen nɔ nɛ. Dɛ o sɔne Yeesu.”

We-ɛɛla 5:28

“Yaa kah heyaa ŋɔ he bɛ too ɡel ya na heyaa hɛɛ bol baa nɔ waa la, ɛrɛɛ he berɛ dɛɛ ɛ ja nɔɔ? Hé nyiŋi na kɛŋɔ haa bol o waa a perɛ Jerusalam bwa ɡɛ! Ɛrɛɛ he chaa o seo waa dɛɛ choɡ yaa ŋɔ yan ɡela ba kpoo nɔɔ?”