Daneɛl 3:10 - mzwDBL

¹⁰ N naa kooro, he do mmara ŋɔ nomɛlbwa waa no bɛle, ne kalipere, ne janjelare dɛ kwaa bwa soo siwi baa kpɔa dɛɛ lɔ yela la, ó ɡuŋi dɛ́ duu suuɡaswɛm voɡ la.

Daneɛl 3:10 ပူးပေါင်းရင်းမြစ်များ

1 Webena 15:16

Kooro Devid ŋɔ Lewi dea nomonome la be ŋɔ, bá le ba bini bane, bá ɡo silɛɛ yela dɛɛ lɔ janjelare, ne kwaa anɛ ane baa kpɔ ayaawa ɛa dɛɛ hɛlɛ.

1 Webena 15:28

Gɛɛ Israel tena bwa kpɔ silɛɛ lɔŋɔre teŋɛ Korowii Ne Nɛwɛnyina Fɔo Daka la nɛɛ ba Jerusalam. Dɛɛ hoh pebal nyeɡle bɛle, ne bɛle tenten ne kwaa anɛ ane baa kpɔ ayaawa ɛa dɛɛ hɛlɛ, dɛ janjelare dɛɛ lɔ yela.

2 Webena 29:25

Kooro Hɛsɛkea ɡelɔ Lewi dea tena la do Korowii Dea bela, dɛ kpoŋe kwaa bwa soo siwi baa kpɔa dɛɛ hɛlɛ, ɡɛ Kooro Devid ne Gad waa dɛ na chaahna, dɛ Korowii keame Netan aa baɡla la. Korowiirii cheɡɛ o keamere nɛɛ dɛ do ba.

Yela 94:20

He ne nɛnchɔɡa baa wola waa bol aŋwɛnɛ ta, ne nɛra baa kpɔ nyosone berɛ kasinteŋ la toole wobɛlbwa bini.

Kaala 1:16

“Dɛ he dɛ lɛ Hibru haahna lol dɛ na kɛŋɔ bibaalaa yaa, hé kpoo ba, kɛ dɛ bihaahnaa tenaa, hé ɡel ba.”

Kaala 1:22

Ate, Ijipt kooro la ŋɔ nɛra bwa be ŋɔ, “Bibaa bɛlbwa Hibru te haah naa lolɔ la, hé lɛo dɛ́ kpɔɔ ka ta Nael Moo ta. Kɛ dɛ bihaahnee te naa, hé ɡel ó do le.”

Wejereme 3:16

N berɔ na waane harɛ nɔ ta ja, nyubinikpeɡ chiɡ kasinteŋ bole pae naa ta, wechɔɡa ɡe chiɡ waa aa toɡra naa ta.

Aesaya 10:1

Nɛra baa dɛ do mmarare aa wola aŋwɛnɛ ta ɛɛ, ne mmarakpeɡa dɛ́ fiiɡi nɛra la, ba bwɛɛlɛ.

Daneɛl 3:11

Dɛ berɛ ŋɔ nomɛlbwa waa wola ɡuŋe dɛ duuru la, bá kpɔɔ do nii aa lɔ fononoo bini.

Daneɛl 3:15

Dɛ he baa no bɛle, ne kalipere, ne janjelare dɛ kwaa bwa soo siwi baa kpɔa dɛɛ lɔ yela sii, dɛ ɡuŋi suuɡaswɛm voɡ la aa, dɛ a wer. Kɛ dɛ he vɛh ɡuŋa aa, baa denoo kpɔ heyaa ka do fononoo nijena aa dɛ hɔ kohona la bini. Dɛ voɡ besoo dɛ́ won lɛ heyaa le n nɔn ta jaɔ?”

Daneɛl 6:12

Anomanta, ba la Kooro Dareɔs be dɛ ka ŋɔ, “He ta mmara doe ŋɔ tɔpera fifraatoro aa lɔ ya sie nɔ ta, nomɛlbwa waa ɡuŋi voɡ kɛɛ nɛn, dɛ he kooro laa o ba ɡuŋi dɛ́ soŋe la, bá lawɔ ka do nyujentena bɔɔ bini naa?” Ate, kooro chaŋe ŋɔ, “Mmara la ta chɔ le dɛ che kiŋkiŋ ɡɛ Midia ne Pɛɛsea tena mmara baa wola won berɔ la.”

Emɔs 6:5

Hé dɛ nyin yela kɛŋɔ Kooro Devid ken, dɛɛ lɔa he janjelare ne.

Amanesoma Jɔn Aa Chwera Tɔn 11:57

Dɛ Sɔfonomonome la ne Farisii tena la te dɔɔ bol ŋɔ, dɛ nomɛlbwa jemɛ bela waa lole naa, ó baɡ ba ásɛ ba ka lawɔ.