Daneɛl 3:1 - mzwDBL

¹ A habɔɔ la, Kooro Nebukadnesa ɡelɔ ba kpɔ suuɡaswɛm kwaa voɡ, o jaŋne dɛ́ kaa nyundua lɔ naɡale fifraanuanaarɛ, asɛ o paɡri lɔ naɡale anuanaarɛ. Asɛ dɛ ka cheɡo Babelɔn deŋɡarere dor harɛ ta bobɛl waa chɔa kaa baa yerɛ bela Dura.

Daneɛl 3:1 ပူးပေါင်းရင်းမြစ်များ

1 Koranar 12:28

O ja o te, dɛ kpɔ suuɡaswɛm ɛ nabali anɛ. Dɛ ŋɔ Israel tena la be ŋɔ, “He bɛ he te koh dɛɛ la Jerusalam kpa. He voɡa aa cha heyaa he won le Ijipt harɛ ta he naawa bere saŋ ba laanee la.”

Ɛsta 1:1

Waa aa chiɡ Koojen Sɛksɛs bere saŋ, ɡɛ saŋ waa di kora Pɛɛsea harɛ ta laanee nɔ. Dɛ o dɛ nyiŋi harɛre lafa fifraanɛ dɛ anuanɛ ta, le India harɛ dɛ́ kpoŋe ba kaa Itiopia harɛ ta.

Yela 135:15

Suuɡapoŋa ne suuɡaswɛm nee ba ɛ harɛre la voɡare. Nɔɔra nee ba kwaara.

Kaala 20:23

He bɛ suuɡapoŋa kɛɛ suuɡaswɛm bɛlbwa kpɔ ɛ voɡa dɛɛ toma ka ja n nɛ.

Kaala 32:31

Anomanta, o la Korowii be dɛ ka soŋo ŋɔ, “N Naa Korowii, nɛra nɔ wechɔɡa baa ɛa kan kohona to. Ba kpɔ suuɡaswɛm kwaa voɡa dɛɛ toma.

Aesaya 2:20

Nɛra ɛɛ pa ba voɡa baa kpɔ suuɡapoŋa ne suuɡaswɛm ɛa, dɛɛ toma laanee ta a wola tɔpere, ásɛ a berɛ daŋɡboŋre ne jereme kwa.

Aesaya 30:22

Haa he voɡa haa kpɔ suuɡapoŋ ne suuɡaswɛm ɛ a bwara, laanee kpɔ ɛ wobɛlbwa kpa, dɛ́ kpɔa ka ta kɛŋɔ yakwara aa wola were ken, dɛ́ ŋɔ a be ŋɔ, “Hé le ya sie.”

Aesaya 46:6

Bane fuɡe suuɡaswɛm ne suuɡapoŋa le pure bini, dɛ kpɔa dawɛ kon baa kpɔa dɛɛ kari kwaa ta. Ba kpɔa tɛ nɛn waa dɔ suuɡaswɛm kpɔe dɛ ɛ kwaa wejema o kpɔ kwaa voɡ, asɛ ba ɡuŋi dɛɛ tomɔ.

Jeremia 10:9

Ba yon kpɔ suuɡapoŋa le bwɛjen Taases ne suuɡaswɛm le bwɛjen Ufas ta, dɛ baa ɛ ba voɡare bwara. Nɛra baa dɔ kwaa sɛɛh, ne suuɡaswɛm dɛ yale sɔeh wejema ɡe, yon kpɔ yaburum ne yakɔl ɛ a bwara.

Jeremia 16:20

Nɛwɛnyina ɛɛ won kwaa voɡa tɛ ba te naa? Ɔɔh, kɛ a bwa ɛ konsale.”

Daneɛl 2:48

Kooro la ɛ Daneɛl nɛnjen, dɛ kɛo konjena taeh, dɛ kpɔ Babelɔn harɛ ta kpeɡri bwa do o nɔn ta. O ɛo Babelɔn harɛ ta wejerema bwa nomoa.

Daneɛl 2:49

A bwa habɔɔ la, Daneɛl soŋe kooro la, asɛ o kpɔ Babelɔn harɛ ta bwa waa do Sadrak ne Mesak dɛ Abɛdnɛɡo nɔn ta. Asɛ Daneɛl te ta do koodem bela dɛ ɛ nomoa.

Daneɛl 3:14

Anee Kooro Nebukadnesa bɔɔ ba ŋɔ, “A ɛ kpela kɛŋɔ he vɛh n voɡa la ne suuɡaswɛm voɡ maa cheɡo la toma aa?

Daneɛl 3:30

Ate, kooro la berɛ ɛ Sadrak, ne Mesak dɛ Abɛdnɛɡo nomonjena Babelɔn harɛ bwa ta.

Daneɛl 5:23

He ɛ deŋnekpeɡ Korowii waa dɛ di kora nyundua nɛ, dɛ ka kpɔ numoli aa lɔ o Dea he ne he nomonjena, ne he haahna dɛ he sɛnanar kpɔ nyɔ sen. He kpɛɛ voɡa baa kpɔ suuɡapoŋa, ne suuɡaswɛm, ne ayaawa, ne bune, ne daa dɛ bwea ɛa aa wola na, aa wola waa no kɛɛ dɛɛ no waa mun la. Kɛ Korowii he mkpa ne he wobɛlbwa aa lɔ o nɔn ta la te, he ta duure kpɔe tɛo.

Daneɛl 5:4

Baa dɛ nyɔ sen la, dɛ ba dɛ kpɛɛ voɡa baa kpɔ suuɡaswɛm, ne suuɡapoŋa, ne bune, ne ayaawa, ne daa dɛ bwea ɛa la.

Hosia 2:8

O ɡbabir ta liire kɛŋɔ menee tɛo kwaa kɛŋɔ mea, senfala ne ɔleve no, ne suuɡapoŋa dɛ suuɡaswɛm kohona, o kpɔ kaa tomɛ voɡ Baal la.

Hosia 8:4

Ba cheɡ koranar maa wola a waa jemɛ, dɛ le nomonome le n habɔɔ. Ba kpɔ ba ɡbaɡba suuɡapoŋa ne suuɡaswɛm ɛ voɡa dɛ kpɔ chɔɡ ba te.

Habakuk 2:19

Nɛn waa ŋɔ dakpul be ŋɔ ó dɔ mkpa, kɛɛ dɛ ŋɔ bwe waa wola hweera dɔe be ŋɔ ó ir la, ó bwɛɛlɛ! Wɛɛ won baɡle wa aa? Suuɡaswɛm ne suuɡapoŋee ba kpɔ fɔɡle o bwa, o ta hweera bɛlbwa dɔe.

We-ɛɛla 17:29

Korowii biirii yan, anomanta, ya bɛ on kpɔ maɡɛ suuɡaswɛm ne suuɡapoŋ ne bwea koŋkwaare nɛwɛnyini ɡbaɡba aa kpɔ ba liire maa la.

We-ɛɛla 19:26

Kɛ taraken, he ɡbabir na waa Pɔɔl nɔ aa dɛ ɛ, dɛ no waa waa dɛ bol. Ɛfesos bonɔ ɡbo laa wɛɛ ɛ o waa nɔ. Eesia harɛ kɛrɛdɛ bwaa wɛɛ ɛa. O wono berɛ nɛndamanta bwa liire baa teŋɛ waa waa dɛ baɡle la ta. O waa waa dɛ bol laanee kɛ voɡa nɛwɛnyini ɡbaɡba aa kpɔ nɔn dɛɛ ɛa la ta kasinteŋ dɔe.

Mmarare 7:25

Hé fuh ba voɡare, he bɛ ɡel he pɛla lawɛ suuɡapoŋa ne suuɡaswɛm aa lɔ a ta la ásɛ dɛ ba kpɔa, dɛkalkɛŋɔ a do kɛŋɔ bela, dɛ́ won lawɛ heya. Korowii haa dɛ tomɔ nɔ kii.

Wepila 9:20

A ɡɛ waa nɔ kwaraa ta la, nɛra baa kaa baa wola sewɛ a ɡɛ waa la ta la ta ba liire charɛ, dɛ le ba tonchɔɡa ta, dɛ ta ɛɛ tomɛ Bɔnsam toroma ne voɡa. Suuɡaswɛm ne suuɡapoŋa ne bwea ne daa baa kpɔa ɛ voɡa la aa na, aa waa no, aa won ir valɛ ɡe, kɛ ba dɛ toma.