Daneɛl 2:45 - mzwDBL

⁴⁵ Daneɛl berɔ ŋɔ, “Bwekuŋi la waa wola nɛn nɔn ta leɛ, dɛ le bwejen tenten bɛl ta, dɛ ba lɔ buni ne ayaawa ne choh ne suuɡapoŋ dɛ suuɡaswɛm la, dɛ kuuɡu burbur ken la munii. Nemenɛ Korowiirii baɡle kooro waa aa dɛ ba chiɡa kerekere. Deera haa deera la munii n baɡle dɛ berɛ baɡle a mun kɛrɛdɛ ken tɛɛ la.”

Daneɛl 2:45 ပူးပေါင်းရင်းမြစ်များ

Mumpar 41:26

Nae anuanɛ aa do bwara la cheɡɔ tɛ bene anuanɛ, asɛ boyu anuanɛ aa ta pure kɛrɛdɛ la ɡe che tɛ bene anuanɛ. Webeŋkpoŋii a bwa ɛɛ baɡle.

Mumpar 41:28

N naa kooro, ɡɛ n fa aa bol he be la, waa Korowii aa dɛ nyin ɛɛ laanee o ɡel he na la.

Mumpar 41:32

He deera bele anɛ la dɛ baɡle kɛŋɔ Korowii ɡbaɡbaa ɛa ɡɛ, kɛ waa ɡel a biɡri ásɛ a chiɡ.

2 Samoɛl 7:22

Nemenɛ Korowii, he kan kohona. Nomɛlbwa toole dɛ do kɛ hen, ya te jemɔ saŋ bɛlbwa kɛŋɔ he ɡboo Korowii.

1 Webena 16:25

Korowii kan, a chɛ kɛ ya kpɛɛro kohona, onee chɛ kɛ ya kpɔ duure tɛ dɛ ɡwaa voɡa.

Nehemia 4:14

N iro dɛ ka na kɛŋɔ a ɛ waa tɛ nɛra la, anomanta, n ŋɔ ba ne ba sitɔɔla ne ba nomonome, ne banɔ la baa jaa la bwa be ŋɔ, “He bɛ ban ɔmɛ, hé lii ɡɛ Korowii aa do kan dɛ do ɔma kohona, ásɛ dɛ yo tɛ he bwɛɛ tena, ne he bibaala ne bihaahna, ne he haahna dɛ he deremi.”

Nehemia 9:32

Nemenɛ Korowii yaa dɛ tomɛ, he kan dɛ do kpeɡri, he waa ɔma kohona. He waa dɔ kasinteŋ hɛɛ teŋɛ fɔo he ne ya naawa aa fɔwa ta. Dɛ le saŋ Asiiria koranar aa fiiɡi yaa dɛ ba le saŋ nɔ, na ɡɛ ya bwara aa nyɛɡa. Ya koranar ne nomonome, ne sɔfore ne Korowii keamere ne ya naawa, dɛ nɛra bwa na bonyɛɡa, na ɡɛ ya bwara aa nyɛɡa.

Job Tɔn 36:26

Na ɡɛ Korowii aa kana! O kan waa doa ɡwaa nɛn liire ta, nomɛlbwa aa saŋ waa lea do le, ba le fini jemɛ.

Yela 135:5

N jemɔ kɛ Korowii yaa dɛ tomɔ nɔ kan. O kan ɡwaa voɡare bwa.

Yela 145:3

N Naa Korowii, he kan dɛ chɛ kpɛɛra. He kan haa doa ɡwaa nɛwɛnyina liire ta.

Yela 2:9

Hɛɛ di kora ba nɛɛ kpeɡri ne, hɛɛ pɔ ba nɛɛ dɛ́ ɛɛ ba kɛŋɔ, ba yon paɡre vii burbur la ken.’ ”

Yela 48:1

Korowii yaa dɛ tomɔ kan, a chɛ kɛ yá kpɛɛro o bwɛjen waa chɔŋɛ bwejen waa do ɡoroŋ la ta.

Yela 96:4

Korowii kan, a chɛ kɛ ya kpɛɛro kohona. Onee chɛ kɛ ya kpɔ duure tɛ dɛ́ ɡwaa voɡa.

Aesaya 28:16

Waa Nemenɛ Korowii aa dɛ bolee nɔ. “Na, n pɛne Bwedɛɛɡe o wa aa hiah, dɛ kpɔ pa n Dea mun Saayɔn, o lawɔ kpoŋe kiŋkiŋ.

Daneɛl 2:24

Ate, Daneɛl la Areɔk Kooro Nebukadnesa aa leo ŋɔ ó kpoo Babelɔn harɛ ta wejerema la be dɛ ka ŋɔ, “Bɛ Babelɔn harɛ wejerema la kpoo. Kɛ kpɔ mɛ la kooro be, ásɛ n ka baɡlo o deera la mun.”

Daneɛl 2:28

Kɛ Korowii Waa Dɛ Di Kora Nyundua lole dɛ́ won pili waa aa sɔah bini. Waa aa dɛ ba chiɡa kerekeree o kpɔ baɡle hen n naa Kooro Nebukadnesa la. He deera ne wepila haa chɔa dɛ na laanee teŋa nɔ.

Daneɛl 2:29

N naa kooro, haa chɔa la, dɛ he liire dawɛ waane aa dɛ ba bala kerekere ta, asɛ Korowii waa won waa aa sɔah bini pila la ɡel he na waa aa dɛ ba chiɡa.

Daneɛl 2:44

A ɡɛ koranar la kora dii ta la, Korowii Waa Dɛ Di Kora Nyundua ɛɛ chiɡ kora waa wola chɔɡ, kɛɛ nomɛlbwa aa wola won pɔ o nɛ. Wɛɛ ba chɔɡ kora bele anaarɛ la bwaa a ba a jaɡa. Kɛ o te ɛɛ cheo dɛ́ do le saŋ bɛlbwa dɛɛ la.”

Daneɛl 8:25

Wɛɛ che kasinteŋ bɛ bola taa dɛ́ do wer. Wɛɛ dɛɛ liiruu kɛŋɔ o ɡwaa nomɛlbwa, dɛ che a ta chɔɡ nɛra ɡalɡa ɡɛ saŋ baa so dɛɛ lii kɛŋɔ deŋnesɔɔhna lole. Wɛɛ muɡli koranar bwa kooro baahnee, kɛ a bwa habɔɔ la, wɛɛ chɔɡoo dɛ nɛn kpeɡri ta laa.

Haɡae 2:22

Mɛɛ lɛ koranar kpeɡri ba bee, dɛ́ ɡel harɛre kora kpeɡri ba a jaɡa. Dɛ beɡre torɔɡore baa vɔwa dɛɛ pɛl jaɡre piiɡi. Jaɡre ɛɛ choɡluu, ásɛ nɛra baa dɛ so a ta kpoo dɔŋa keri ne.

Sekaria 12:3

Awola tɔpere la, mɛɛ ɡeloo Jerusalam do kɛŋɔ bwe, waa yiiɡi. Harɛ nɔ nɛra bwa aa pɛ nyoa dɛ́ ba yoo ba la, bɛlbwa waa ŋɔ wɛɛ ɡɔɔ bwe laanee la, wɛɛ doo bolii.

Malakae 1:11

Harɛre nɛra ɛɛ duu mɛ kohonaa, le wee leebɔr ba kaa wee cholibɔr. Baa fuh daawiile a sɔɔh aa somaa, dɛ́ kpɔ saraha kwaa aa wera le harɛ bɛlbwa ta ba, dɛ́ kpɔ dɛɛ duu mɛ.

Matiu 21:24

Anee Yeesu ŋɔ, “N ɡba dɔ waane mɛɛ nyin n pɛɛ heya. Dɛ he wono chaŋ mɛ kɛrɛdɛ naa, n ɡee chaɡle heyaa kpeɡri maa dɔa dɛɛ ɛ a ɡɛ waa nɔɔ.

Matiu 24:35

Nyundua ne harɛ ɛɛ chɔɡoo. Aa lee ba do kpa. Kɛ n waa maa bola te bwa ɛɛ do lee saŋ te bɛlbwa.

Amanesoma Luk Aa Chwera Tɔn 17:20

Awola bɛl, Farisii tena bane bɔɔ Yeesu ŋɔ, “Bɛweeree Korowii Kora la ɛɛ ba bala ɔ?” Anee o ŋɔ, “Korowii Kora la ta komɛl haa dɛ ba o nae ɛɛ.

Mmarare 10:17

Korowii haa dɛ tomɔ nɔ ɡwaa voɡa bwa, onee dɔɔranar bwa Dɔɔ, O kan, o waa do ɔma kohona. Waa nɛn siebɔr nyiŋi, haa won yawɔ sen ɡe.

Wepila 1:19

Chwerɛ waa haa naa nɔ, ne anɔ la aa lole taraken, ne anɔ la aa dɛ ba bala anɔ nɔ habɔɔ.

Wepila 19:17

N berɔ na nyundua torome bɛl o che wee ta, dɛ kpɔ takpeɡ ŋɔ jumbii aa dɛ ɡah nyundua bwa be ŋɔ, “Hé bwa ba cheme Korowii kondikonjena la mun.

Wepila 4:1

Anɔ bwa habɔɔ la, n nao kɛŋɔ doonyoa bɛl pilo ta Korowii bwɛɛ la ta, dɛ no taa bɛl n fa aa noo kɛŋɔ bɛla la. Taa la ŋɔ n be ŋɔ, “Teeh ba bonɔ ń baɡle waa aa dɛ ba ɛɛ anɔ nɔ habɔɔ.”