Daneɛl 2:44 - mzwDBL

⁴⁴ A ɡɛ koranar la kora dii ta la, Korowii Waa Dɛ Di Kora Nyundua ɛɛ chiɡ kora waa wola chɔɡ, kɛɛ nomɛlbwa aa wola won pɔ o nɛ. Wɛɛ ba chɔɡ kora bele anaarɛ la bwaa a ba a jaɡa. Kɛ o te ɛɛ cheo dɛ́ do le saŋ bɛlbwa dɛɛ la.”

Daneɛl 2:44 ပူးပေါင်းရင်းမြစ်များ

Mumpar 49:10

Koodaŋɡbala aa o nɔn ta lee ba, mmarare doe ɡe aa o habɔɔ le, ásɛ harɛre nɛra kpɔ koŋkɛɛla baa tɛo, dɛ́ ba ɡuŋi o sie dɛɛ duuru.

2 Samoɛl 7:13

Onee dɛ́ do n Dea tɛ mɛ n sɔn ta, ásɛ n ɡel o kora che kiŋkiŋ saŋ bɛlbwa dɛɛ la.

2 Samoɛl 7:16

He naanar ɛɛ do lee saŋ bɛlbwa, ásɛ n ɡel he kora che kiŋkiŋ saŋ bɛlbwa dɛɛ la.”

Yela 145:13

He kora dii ta jaɡa dɔe, hɛɛ di koraa saŋ bɛlbwaa dɛɛ la. N Naa Korowii, he waa dɔ kasinteŋ hɛɛ teŋɛ he nyobaɡa ta, dɛ dɔ nyina tɛ kwaa haa taa bwa.

Aesaya 60:12

Harɛre nɛra baa ŋɔa baa heyaa tomɛ la, ba harɛre ɛɛ paɡroo dɛ́ chɔɡ kwara.

Ɛsekeɛl 37:25

Harɛ maa kpɔa tɛ n bonɔɔ Jekɔb la taa baa ba soɡa, harɛ ba naawa fa aa soɡe o ta la. Ba ne ba bii ne naanar, dɛ ba ɡe bii ɛɛ so o taa saŋ bɛlbwa dɛɛ la, ásɛ kooro waa do kɛ n bonɔɔ Kooro Devid ɛ ba kooro saŋ bɛlbwa dɛɛ la.

Daneɛl 2:28

Kɛ Korowii Waa Dɛ Di Kora Nyundua lole dɛ́ won pili waa aa sɔah bini. Waa aa dɛ ba chiɡa kerekeree o kpɔ baɡle hen n naa Kooro Nebukadnesa la. He deera ne wepila haa chɔa dɛ na laanee teŋa nɔ.

Daneɛl 2:34

Haa dɛ nyiŋu la, bwekuŋi bɛl waa wola nɛn nɔn ta leɛ kuu, dɛ ba lɔ kon baa mao kɛŋɔ nɛn la napaala aa ɛ buni ne choh la, dɛ kuuɡa burbur ken.

Daneɛl 2:35

Belaa buni la, ne choh, ne ayaawa, ne suuɡapoŋ, dɛ suuɡaswɛm la bwa den kuuɡi buɡ la ta, dɛ do kɛŋɔ baa lɔ kwaa pɛla ta lɔmɔɡa saŋ a pɛɡa chɔ la ken. Asɛ peu ta dɛ kpɔa kaa, bɛlbwa ta kae. Kɛ bwekuŋi waa baa lɔ kon waa do kɛ nɛn la, baa ɛ bwejen tenten dɛ tɔ harɛ nɔ ta bwa.”

Daneɛl 2:37

N naa kooro, he ɛ koranar bwa kooro. Korowii Waa Dɛ Di Kora Nyundua ɛɛ koojen dɛ ɡel he do kan, dɛ tɛɛ kpeɡri ne jirima.

Daneɛl 2:43

Gɛ haa na buni ne choh a koo dɔŋa la, ɡɛɛ kora la nɛra ɛɛ ba dɔŋa koora ba nyoa aa wola pɛ bwa, ɡɛ buni ne choh aa wola won pɛ la.

Daneɛl 4:3

Korowii nyokpowe-ɛɛla waa ɛa tɛ yaa ta nyoa dɔe. O waa waa dɛ ɛ ɡe kan taeh. O kora ta jaɡa dɔe, wɛɛ di koraa saŋ bɛlbwaa dɛɛ la.

Daneɛl 4:34

Kooro Nebukadnesa ŋɔ, “Bene anuanɛ la aa baa kaa la, n ha sie nyiŋi nyundua, ate dɛ n sie chole harɛ, asɛ n kpɛɛ Nemenɛ Korowii, dɛ kpɛɛro dɛ tɛo jirima kɛŋɔ onee lole saŋ bɛlbwa dɛɛ la. Wɛɛ di kora saŋ bɛlbwaa dɛɛ la, o kora ɛɛ cheo saŋ te bɛlbwa.

Daneɛl 6:26

N do mmara harɛ maa dɛ di kora o ta la kɛŋɔ, nomɛlbwa ɛɛ ɔmɛ dɛɛ duu Korowii Daneɛl aa dɛ tomɔ la. O ɛ Korowii waa lole saŋ bɛlbwa, o lole saŋ bɛlbwa dɛɛ la. O kora aa ɡu bwa, o kpeɡri waa dɔa ta jaɡa dɔe.

Daneɛl 6:27

Onee dɛɛ lɛ nɛn dɛ ɡel o dɔ o nyu dɛɛ di, dɛɛ ɛ nyokpowa, o we-ɛɛla ɡe do kan nyundua ne harɛ bwa. Onee lɛ Daneɛl nyujentena nɔn ta aa wola on kpoe.”

Daneɛl 7:27

Kpeɡri ne kan harɛ nɔ ta kora aa dɔa la ɛɛ berɔɔ ba ɛ Nemenɛ Korowii nɛra ba waa aa toɡra la kon. Korowii Kora la kpeɡri aa ɡu bwa, ásɛ koranar baa lɔ harɛ nɔ ta bwa ɛɛ tomɔ, dɛɛ no o wa.’

Daneɛl 8:25

Wɛɛ che kasinteŋ bɛ bola taa dɛ́ do wer. Wɛɛ dɛɛ liiruu kɛŋɔ o ɡwaa nomɛlbwa, dɛ che a ta chɔɡ nɛra ɡalɡa ɡɛ saŋ baa so dɛɛ lii kɛŋɔ deŋnesɔɔhna lole. Wɛɛ muɡli koranar bwa kooro baahnee, kɛ a bwa habɔɔ la, wɛɛ chɔɡoo dɛ nɛn kpeɡri ta laa.

Maeka 4:7

Mɛɛ ɡeloo boobie ka, dɛ́ le nɛra baa doŋ ba le harɛfale ta ba la, berɛ warɛ kohona dɛ́ do kpeɡri. Men Korowii ɛɛ di kora ba nɛɛ le awola, ne saŋ bɛlbwa dɛɛ la Saayɔn Bwejen waa lɔ Jerusalam.”

Haɡae 2:22

Mɛɛ lɛ koranar kpeɡri ba bee, dɛ́ ɡel harɛre kora kpeɡri ba a jaɡa. Dɛ beɡre torɔɡore baa vɔwa dɛɛ pɛl jaɡre piiɡi. Jaɡre ɛɛ choɡluu, ásɛ nɛra baa dɛ so a ta kpoo dɔŋa keri ne.

Haɡae 2:7

Mɛɛ chɔɡ nɛŋhɔɔhra baa wola Korowii tomɛ kpeɡri bwaa, ásɛ ba kpɔ kwaa a yoɡ aa kpeɡa kohona ba o bini, ásɛ n ɡel kondɔɔh ba su n Dea la bwa. Men Koranar Bwa Kooroo bola.

Matiu 28:18

Yeesu tel ba jwɛh dɛ ŋɔ, “Korowii kpɔ nyundua ne harɛ nɔ ta bwa kpeɡri do n nɔn ta.

Amanesoma Jɔn Aa Chwera Tɔn 12:34

Belaa nɛnlaa la chaŋe ŋɔ, “Ya noɔ Korowii Tɔn la ɛɛ baɡle kɛŋɔ dɛ Kristo la balaa, waa sewɛ bwa. Aah, ɛrɛɛ he te berɛ ŋɔ Nɛn Bie la chɛ kɛŋɔ bá saɡɔ nyundua ɔ? Umee Nɛn Bie nɔ kwaraa te nɔ?”

Hibru 12:28

Anomanta, a chɛ kɛ yaa jam Korowii saŋ bɛlbwa kɛŋɔ waa ɡela ya do o Kora waa wola yiiɡi ta nɔ. A chɛ kɛ yaa tomɔ ɡɛ aa too o tea, dɛɛ tɛo duure dɛɛ ɔmɔ,

Wepila 11:15

Nyundua torome waa teŋa nuanɛ la hoh o bɛla. Waa hoah la, asɛ n no takpeɡa kohona nyundua o ŋɔ, “Harɛ nɔ ta kora bwa berɛ N Naa Korowii ne o Kristo waa tomɔ la kora. Wɛɛ di koraa saŋ bɛlbwa.”

Wepila 2:27

‘Wɛɛ kpɔ kpeɡrii dɛɛ nyiŋi harɛ nɔ ta nɛra bwa nɛɛ aŋwɛnɛ ta, dɛ́ lɔɔ ba, dɛ́ chɔɡ ba kɛŋɔ baa paɡre vii la.’ N Mɛɛ tɛ mɛ ɡɛ kpeɡri nɔ. N ɡe ɛɛ kpɔɔ tɛ naate la ɡɛ tenten,