Daneɛl 2:28 - mzwDBL

²⁸ Kɛ Korowii Waa Dɛ Di Kora Nyundua lole dɛ́ won pili waa aa sɔah bini. Waa aa dɛ ba chiɡa kerekeree o kpɔ baɡle hen n naa Kooro Nebukadnesa la. He deera ne wepila haa chɔa dɛ na laanee teŋa nɔ.

Daneɛl 2:28 ပူးပေါင်းရင်းမြစ်များ

Mumpar 40:8

Anee ba chaŋe ŋɔ, “Ya deero, kɛ bɛlbwa deera waa deera la ɡe korɔ, ya ta nomɛlbwa dɔe ó baɡle yaa a mun bonɔ yaa lole nɔ.” Ate Josef ŋɔ, “Korowiirii dɛɛ tɛ nɛn wejema ó won baɡle nɛn deera mun. Hé baɡle ásɛ n no.”

Mumpar 41:16

Anee Josef ŋɔ, “N naa, n laa dɛ́ baɡle deera nɔ mun. Korowiirii dɛ́ won baɡle a mun tɛɛ.”

Mumpar 41:25

Belaa Josef ŋɔ Ijipt kooro be ŋɔ, “N naa kooro, he deera anɛ la bwa dɛ baɡle webeŋkpoŋ. Korowii ɡelɔ he na waa waa dɛ ba ɛɛ.

Mumpar 49:1

Jekɔb yerɛ o bibaala asɛ dɛ ŋɔ, “Hé bwa ba cheme, ásɛ n baɡle heyaa waa aa dɛ ba he nɛɛ bala kerekere.

Yela 115:3

Korowii yaa dɛ tomɔ la lɔ nyundua, waa aa too o tea laanee wɛɛ ɛ.

Aesaya 2:2

Tɔpere bɛl dɛ ba ásɛ bwe Korowii Dea aa chɔŋɛ o ta Jerusalam la waa ba hiah ɡwaa bwea bwa, ásɛ o sɔn le bwea bwa bini, ásɛ harɛre nɛra warɛ dɛ́ ba o ta.

Jeremia 10:7

Harɛre nɛra bwa Kooro, umee dɛ ŋɔ waa duuree kpɔ tɛɛ nɔ? A chɛ kɛ nomɛlbwa duuri. Harɛre bwa nɛra ne wejerema dɛ ba koranar, bɛlbwa ta do kɛ hen.

Jeremia 30:24

Korowii bandia waa do ɔma la nyoa aa won sɔɔh, atane o tonɛ o bambile bini wa. Tɔpera ane ta dɛ ba mɔɔ, ásɛ n nɛra won no waa nɔ mun.

Jeremia 48:47

Kɛ tɔpera ane dɛ ba ásɛ n berɛ ɡel Moab harɛ do ɡɛ o fa aa doa ja. Men Korowiirii bola.” Bonɔɔ men Jeremia Korowii waa maa bola ŋɔ wɛɛ pa Moab tena bolchɔɡe la jaɡɛ.

Ɛsekeɛl 28:3

He wejema ɡwaa Danɛl aa? Wobɛlbwa toole he nɛɛ dɛ sɔh aa?

Ɛsekeɛl 38:16

Hɛɛ ba tɔ n nɛra Israel tena nɛɛ kɛŋɔ bam yon tɔ harɛ ta la. Awola tɔpere la, mɛɛ ɡeloo hen nomonjen Gɔɡ ba yo n nɛra Israel tena, ásɛ harɛre ta nɛra jem mɛ, maa ba che he nɛɛ dɛ́ baɡle kɛŋɔ n do ɡoroŋ ba siwi ta la.

Ɛsekeɛl 38:8

Bene ane habɔɔ la, mɛɛ ɡeloo o nyin dɔmkwa, dɛ́ ka bar Israel harɛ ba fa aa yoo o chɔ pɛɛ la. O nɛraa ba boa ba nyoa le harɛre ta, ba ba so deŋnesɔɔhna ta la.

Daneɛl 1:20

Le ɡɛ saŋ dɛɛ kaa la, wobɛlbwa kooro la aa dɛ nyin a wejema ne waa mun noe waa la, o dɛ bɔɔ ba, asɛ dɛ na kɛŋɔ Daneɛl ne o bala batoro la wejema ɡwaa voɡra ne dobodobo tena baa lɔ o harɛ ta bwa kerafi.

Daneɛl 10:14

Taraken, n balɔ dɛ́ ɡel he jemɛ waa aa dɛ ba he harɛ ta nɛra nɛɛ chiɡa kerekere, dɛkalkɛ ɡɛ wepila nɔ cheɡɔ tɛ waane a ta aa dɛ ba saŋ bɛl.”

Daneɛl 2:18

Daneɛl ŋɔ bá soŋe Korowii Waa Dɛ Di Kora Nyundua ó na ba sum waa aa do ɔma nɔ ta, ásɛ ba bɛ o ne o daamanar la bwa pɛ kpoo ja Babelɔn harɛ ta wejerema baa kaa la nɛ.

Daneɛl 2:22

O dɛ le kwaa aa sɔah baa wola an na ne baŋ, o jemɛ kon waa lɔ biro ta, asɛ nii baro cheme dɛɛ chaah.

Daneɛl 2:44

A ɡɛ koranar la kora dii ta la, Korowii Waa Dɛ Di Kora Nyundua ɛɛ chiɡ kora waa wola chɔɡ, kɛɛ nomɛlbwa aa wola won pɔ o nɛ. Wɛɛ ba chɔɡ kora bele anaarɛ la bwaa a ba a jaɡa. Kɛ o te ɛɛ cheo dɛ́ do le saŋ bɛlbwa dɛɛ la.”

Daneɛl 2:45

Daneɛl berɔ ŋɔ, “Bwekuŋi la waa wola nɛn nɔn ta leɛ, dɛ le bwejen tenten bɛl ta, dɛ ba lɔ buni ne ayaawa ne choh ne suuɡapoŋ dɛ suuɡaswɛm la, dɛ kuuɡu burbur ken la munii. Nemenɛ Korowiirii baɡle kooro waa aa dɛ ba chiɡa kerekere. Deera haa deera la munii n baɡle dɛ berɛ baɡle a mun kɛrɛdɛ ken tɛɛ la.”

Daneɛl 2:47

Kooro la ŋɔ Daneɛl be ŋɔ, “Kasinteŋ, Korowii haa dɛ tomɔ la ɛ Dɔɔranar bwa Dɔɔ, ne Koranar Bwa Kooro dɛ ɡela nɛra won dɛɛ na chaahna dɛ won a mun baɡla, dɛkalkɛ he wono baɡle waa aa sɔah nɔ mun.”

Daneɛl 4:5

N deero asɛ dɛ na waane ɔmee laɡ mɛ. Maa chɔa la n na wepila, asɛ koŋkwaa ane soo siwi ɡale n sie ta a ɡel mɛɛ ɔmɛ kohona.

Hosia 3:5

Tɔpere bɛl dɛ ba bala, ásɛ Israel tena berɛ ba Korowii baa dɛ tomɔ, ne kooro waa ɛ Kooro Devid naa be. Bochela nee baa ba Korowii be bala, ásɛ o swee andɛɛɡa tɛɛ ba.

Emɔs 4:13

Korowiirii ta bwejena dɛ ta peu ɡe, dɛ ɡel nɛn jemɛ o liire. Onee ɡela webaŋa won jwaana bera, bwejena dor ɛ o natiɡribɔr, o sɔne Korowii Waa Ɛ Kpeɡri Bwa Dɔɔ.

Nɛra Kura 24:14

Taraken n berɔ dɛɛ kaa n nɛra be, kɛ ɡel ń ŋɔ he be waa Israel tena aa dɛ́ ba kpɔe ɛ he nɛra kerekere.”

Matiu 6:9

Kenii chɛ kɛ hɛɛ soŋe Korowii, ‘Ya Mɛɛ haa lɔ nyundua, henee chɛ duura.

Mmarare 31:19

Korowii ŋɔ Mosis ne Josua be ŋɔ, “N dɛ ba heyaa yel baɡla, he chwerɛ bil, dɛ́ kpɔ baɡle Israel tena, ásɛ a ɛ waa dɛ́ chɔ tɛɛ ba.

Mmarare 4:30

Dɛ ɡɛ wahala nɔ bwa ba he nɛ aa, he siwi ɛɛ beɡroo ásɛ he ba Korowii be dɛ́ baa duuru.

2 Timoti 3:1

Jemɛ kɛŋɔ tɔpera aa ba ka mun ba la, aa do kpeɡrii tɛ nɛra,

Hibru 1:1

A saŋ la dɛ Korowii cheɡɛ o keamere nɛɛ dɛɛ bol waa ya naawa be. Kera aŋwɛnɛ bwaa o bol waa ba be. Dɛ ŋwɛnɛre waa cheɡɛ a ta dɛɛ bol waa ba be fuuh.

2 Pita 3:3

Anɔ la aa tɔ siee kɛŋɔ, a chɛ kɛ he jemɛ kɛŋɔ tɔpera aa ka mun nɔ ta nɔ, nɛra ɛɛ dɛɛ mamɛ heyaa. Ba sie ɛɛ dɛɛ lɛ ba pɛlchɔɡa taa.

Wepila 1:1

Waa nɔ aa lɔ tɔn nɔ bini nɔ, Korowiirii kpɔa baɡle Yeesu Kristo, ásɛ o kpɔ baɡle o bonɔɔna ne toli bá won jemɛ wa aa dɛ ba ɛɛ taraken. Yeesu Kristo ɡelɔ nyundua torome bɛl ba o bonɔɔ Jɔn be dɛ ba baɡlo a wa.