Daneɛl 2:27 - mzwDBL

²⁷ Anee Daneɛl chaŋe ŋɔ, “Wejereme kɛɛ nɛn waa dɛ ɛ sɔmwe-ɛɛla kɛɛ dobodobo te kɛɛ voɡre bɛlbwa aa won baɡle a mun.

Daneɛl 2:27 ပူးပေါင်းရင်းမြစ်များ

Mumpar 40:8

Anee ba chaŋe ŋɔ, “Ya deero, kɛ bɛlbwa deera waa deera la ɡe korɔ, ya ta nomɛlbwa dɔe ó baɡle yaa a mun bonɔ yaa lole nɔ.” Ate Josef ŋɔ, “Korowiirii dɛɛ tɛ nɛn wejema ó won baɡle nɛn deera mun. Hé baɡle ásɛ n no.”

Mumpar 41:8

Tɔ aa pera chɔɔ la, dɛ o liire chɔɡɔ, anomanta, o yerɛ dobodobo tena ne wejerema baa lɔ harɛ la ta ba o be. O taa o deera la ba be, kɛ bɛlbwa ta wone baɡle a mun.

Aesaya 19:3

Ijipt tena hwɛɡa bwa ɛɛ tonɔɔ, ásɛ ba maɡla baa maɡla bil bwa ɛ pɛɛpɛɛ, bá kaa bɔɔ voɡa ne lala ne ba voɡra ne ba bebeela.

Aesaya 44:25

Menee ɡela keame nyosonteŋna waa ɛ nyosone, dɛ ɡel voɡra waa ɛ ɡɛnewa, dɛ won beɡre harɛ nɔ ta wejerema wejema, a ɛ wesale.

Jeremia 10:7

Harɛre nɛra bwa Kooro, umee dɛ ŋɔ waa duuree kpɔ tɛɛ nɔ? A chɛ kɛ nomɛlbwa duuri. Harɛre bwa nɛra ne wejerema dɛ ba koranar, bɛlbwa ta do kɛ hen.

Daneɛl 1:20

Le ɡɛ saŋ dɛɛ kaa la, wobɛlbwa kooro la aa dɛ nyin a wejema ne waa mun noe waa la, o dɛ bɔɔ ba, asɛ dɛ na kɛŋɔ Daneɛl ne o bala batoro la wejema ɡwaa voɡra ne dobodobo tena baa lɔ o harɛ ta bwa kerafi.

Daneɛl 2:2

Anomanta, o ɡelɔ ba ka yerɛ dobodobo tena, ne nɛra baa dɛ ɛ sɔmwe-ɛɛla, ne voɡra dɛ wejerema baa jemɛ weweela waa ŋɔ bá ba baɡlo deera la mun. Baa ba o be la,

Daneɛl 4:7

Ate, dobodobo tena, ne nɛra baa dɛ ɛ sɔmwe-ɛɛla, ne wejerema baa jemɛ weweela wa, dɛ voɡra bwa ba, asɛ n bol deera la baɡ ba, kɛ ba ta wone baɡ mɛ a mun.