Daneɛl 2:20 - mzwDBL

²⁰ O ŋɔ, “Hé kpɛɛ Korowii sɔn saŋ bɛlbwa dɛɛ la, onee dɔ wejema ne kpeɡri.

Daneɛl 2:20 ပူးပေါင်းရင်းမြစ်များ

Mumpar 14:20

Nemenɛ Korowiirii dɔ jam kɛŋɔ waa ba he dɔma ne harɛ asɛ he tiɡri ba nɛɛ nɔ.” Asɛ Abram bɔne koŋkwaare waa kaa lɛ o dɔma la be la bini bɔre fi, dɛ kpɔ bɔrbeŋkpoŋ tɛ kooro Mɛlkesɛdɛk.

1 Koranar 8:56

“Hé ɡel ya kpɛɛ Korowii kɛŋɔ waa ɡela o nɛra Israel tena dɔ deŋnesɔɔhna ɡɛ waa baɡɛ yaa nyoa la. Wedɛɛɡa waa cheɡɛ o bonɔɔ Mosis nɛɛ dɛ kpɔ baɡɛ yaa nyoa la, o ta o wobɛlbwa waa bola vɛɛh.

1 Webena 29:20

Belaa Kooro Devid ŋɔ nɛra la bwa be ŋɔ, “Hé kpɛɛ Korowii haa dɛ tomɔ.” Anomanta, ba kpɛɛ Korowii ba naawa aa tomɔ, dɛ chole kpɔ sie pi harɛ Korowii ne kooro sie.

2 Webena 20:21

Kooro ne nɛra la bane bol wa, asɛ o le yelɡoola bane ŋɔ bá ɡo yela kpɛɛ Korowii, o ɡoroŋ waa doa dɛ do kan kohona la wa, asɛ ba tɔ laa tena la sie dɛɛ ɡo yela ŋɔ, “Hé kpɛɛ Korowii o nyina waa dɛ nyin yaa lole saŋ bɛlbwa dɛɛ la.”

Nehemia 9:5

Ate, Jesua ne Kadmiel ne Bani, ne Hasabeneeya ne Sɛrebea ne Hodia, ne Sebania dɛ Pɛtahea ba ɡe aa ɛ Lewi dea tena la ŋɔ, “Hé ir che dɛ́ kpɛɛ Korowii haa dɛ tomɔ, onee lole saŋ bɛlbwa dɛɛ la. Bɛ́lbwa kpɛɛ o sɔn waa dɔ jirima la, o kan ɡwaa ɡɛ nɛwɛnyini aa kpɔ nyoa bol.

Job Tɔn 12:13

Korowii bee wejema ne kpeɡri, ne nɛra jae dɛ waa mun noe le.

Yela 113:1

Hé kpɛɛ Korowii! Nɛra haa dɛ tomɛ Korowii, hé kpɛɛro dɛ́ yerɛ o sɔn.

Yela 113:2

Hé kpɛɛro dɛ́ tɛo sɔn, le saŋ nɔ ne saŋ bɛlbwa dɛɛ la.

Yela 115:18

Kɛ yan ya taa soɡe le nɔ te, yaa kpɛɛroo le fini ne saŋ bɛlbwa dɛɛ la. Hé kpɛɛ Korowii!

Yela 147:5

Korowii yaa dɛ tomɔ kan, dɛɛ di kpeɡri kohona, o wejema ɡe ta jaɡa dɔe.

Yela 41:13

Korowii Israel tena aa dɛ tomɔ laanee dɔ jam, le saŋ waa wola jaɡa dɔe dɛɛ la. Aamen!

Yela 50:23

Nomɛlbwa kpɔ jam tɛ mɛ naa, dɛ sarahaa o ɛ tɛ mɛ la, onee dɛɛ duu mɛ. O kpɔɔ kwaa ŋwɛnɛ dɛɛ cheɡ, dɛ́ na ɡɛ men Korowii aa won nɛra lɛɛ.

Yela 62:11

N noɔ Korowii aa bola keraŋwɛnɛ bwa kɛŋɔ onee dɔ kpeɡri,

Sɛɡla 8:14

N dɛ baɡle nɛra waa bá kpɔ ɛ toma aa cha ba, n ɡelɔ baa no waa mun, dɛ́ dɔ kpeɡri.

Jeremia 32:19

He dɛ vɔrɔwe vɔrɔwa aa wera dɛɛ ɛ wejena. He sie lɔ wobɛlbwa nɛn aa dɛ ɛ ta, dɛɛ bɔ ba kem ɡɛ bɛlbwa we-ɛɛla aa doa.

Ɛsekeɛl 28:3

He wejema ɡwaa Danɛl aa? Wobɛlbwa toole he nɛɛ dɛ sɔh aa?

Matiu 6:13

Dɛɛ ke yaa wechɔɡa luɡri ta. Le yaa musu ta. He kora dii, ne he kpeɡri, ne he jirima ta jaɡa dɔe bwa. Aamen.’

Tɔn Jud Aa Chwera 1:24

Korowii waa wona dɔ kpeɡri dɛ lawɛ heyaa haa wola chole, dɛ laa he doŋa bwa kpɔ he nɛ, dɛ ɡel he dɔ silɛɛ dɛ che o sie dɛ na o jirima la,

Wepila 5:12

dɛ bwa pɛ bol takpeɡ ne ŋɔ, “Pebie la ba fa aa kpoo la, onee dɔ kpeɡri ne kondɔɔh ne wejema dɛ bokpeɡa, onee chɛ duure ne jirima ne kpɛɛra.”