Daneɛl 2:12 - mzwDBL

¹² A ɡelɔ kooro la baah di kohona, asɛ o ŋɔ ba kpoo wejerema baa lɔ Babelɔn harɛ ta bwa.

Daneɛl 2:12 ပူးပေါင်းရင်းမြစ်များ

Daneɛl 3:13

Ate, Kooro Nebukadnesa baah di kohona, asɛ o ɡel ba ka yerɛ Sadrak ne Mesak dɛ Abɛdnɛɡo, dɛ ba ba ne o sie.

Matiu 2:16

Kooro la aa baa jemɛ kɛŋɔ wejerema la neɡro la, o bwaawee iro taeh. Dɛ o fa ta sie dɛ na kɛ ɡɛ saŋ wejerema la aa ŋɔa ba na wewee bɛl la, aa dɔ bene anɛɛ. Anomanta, o do nɛra ŋɔ bá ɡaaɡe dɛ́ kpoo bibaala ba taa ɛ bechasɔɔhne ka tel banɔ la baa di bene anɛ, dɛ do Bɛtlɛham ne o bwɛɛre aa baro cheme la bwa ta.

Daneɛl 3:19

Ate kwaraa Kooro Nebukadnesa baah di Sadrak, ne Mesak dɛ Abɛdnɛɡo nɛɛ kohona, o ŋɔ ba kwaa fononoo nii la do a ɡwaa ɡɛ aa doa la keraanuanɛ,

Yela 76:10

Kasinteŋ, he baah di nɛra nɛ aa, a ɡelɔ baa kpɛɛre. Banɔ la baa le he bandia nyoa la, ba dɛ nyiŋi ba te kɛrɛdɛ.

Daneɛl 2:5

Anee Kooro Nebukadnesa ŋɔ wejerema baa jemɛ weweela waa la be ŋɔ, “Waa maa liira laanee kɛŋɔ, dɛ he ta wone na n deera nɔ dɛ baɡ mɛ a mun aa, mɛɛ ɡeloo bá chɛwɛ he ola, dɛ́ kuuɡi he deremi a berɛ dimɡbeeni.

Sɛɡla 29:22

Nɛn o baah aa dɛ di warawara la, dɛ ba naɡra ne. Nɛn o baah aa dɛ di kohona dɛ ba wechɔɡa ne taeh.

Sɛɡla 20:2

Kooro bandia do kɛŋɔ nyujente aa dɛ si ken. Nomɛlbwa waa dɛ doo bwaawee la dɛ ta o nyu.

Sɛɡla 19:12

Kooro bandia do kɛŋɔ nyujente aa sia ken, asɛ o silɛɛ ɡe do kɛŋɔ mɛn aa ta kpɔɡa ta ken.

Sɛɡla 16:14

Kooro baah diu waa, wɛɛ won ɡel ba kpoe, wejeremee jemɛ o larawa.

Job Tɔn 5:2

Bandia dɛ kpo ɡɛne, sibeɡra ɡe ɛɛ kpo nɛn waa wola wobɛlbwa jemɛ.

Matiu 5:22

Kɛ taraken, n dɛ ŋɔ he be, nomɛlbwa o baah aa di o dɔŋ nɛɛ la, o ɛ wechɔɡa kɛŋɔ bá bol o waa dɛ́ pa bole. Nomɛlbwa ɡe waa yerɛ o dɔŋ nɛnsala la chɛ kɛ ó che Juu tena nomonome bwa sie. Ásɛ nomɛlbwa o ɡe aa yerɛ o dɔŋ koŋɡɛne bɛl la, a chɛ kɛ bá tao Bɔnsam nii ta.

Daneɛl 2:24

Ate, Daneɛl la Areɔk Kooro Nebukadnesa aa leo ŋɔ ó kpoo Babelɔn harɛ ta wejerema la be dɛ ka ŋɔ, “Bɛ Babelɔn harɛ wejerema la kpoo. Kɛ kpɔ mɛ la kooro be, ásɛ n ka baɡlo o deera la mun.”

Daneɛl 5:19

Kpeɡri waa tɛo nomanta, dɛ nomɛlbwa ne harɛre ta nɛra ne wobol bɛlbwa tena dɛ ɔmɔ dɛɛ chel. Nɛra waa dɛ nyin ba kpoora la, o kpoo ba. Banɔ la waa wola ba kpoora nyin la, o ɡel ba. Nomɛlbwa waa dɛ nyin o ɡɔɔ o sɔn la, o dɛ ɛo ɡɛ. Nomɛlbwa waa dɛ nyin o ba o ne harɛ ɡe la, o dɛ ɛo ɡɛ.