Daneɛl 12:8 - mzwDBL

⁸ N no waa waa bola, kɛ n ta a mun noɛ. Anomanta, n bɔɔrɔ ŋɔ, “N dɔɔ, ɛrɛɛ waa nɔ ɛɛ ba chiɡa ka tonɛ ɔ?”

Daneɛl 12:8 ပူးပေါင်းရင်းမြစ်များ

Daneɛl 10:14

Taraken, n balɔ dɛ́ ɡel he jemɛ waa aa dɛ ba he harɛ ta nɛra nɛɛ chiɡa kerekere, dɛkalkɛ ɡɛ wepila nɔ cheɡɔ tɛ waane a ta aa dɛ ba saŋ bɛl.”

Daneɛl 12:6

Ate, bɛl pɛɛ nyundua torome waa do laalapoŋa la, dɛ o cheɡɛ nee la nyunduabɔr dɛ ŋɔ, “Dɛ́ ka tel saŋ besoo ɡɛ nyokpowaa nɔ ɛɛ ba ɛɛ yɔ?”

Daneɛl 12:7

Nyundua torome la ir nɔɔra anɛ bwa nyundua, asɛ n no ɡɛ waa ŋwɛɛ Korowii Waa Lole Saŋ Bɛlbwa sɔn ta ŋɔ, “Aa ɛ bene atoro ne faah. Gɛ saŋ nɛra baa teŋɛ Korowii nɛɛ bonyɛɡa aa ba a jaɡa la, dɛ waa nɔ bwa ɡe chiɡo.”

Daneɛl 12:9

O ŋɔ, “Daneɛl, kaa taraken, dɛkalkɛ a ɡɛ waa nɔ ɛ waa aa chɛ kɛ ba laa tɔ, dɛ marɛ o nyoa ka tel waa bwa jaɡa saŋ.

Daneɛl 8:13

Asɛ n no kɛŋɔ nyundua torome bɛl aa dɛ bɔɔ o dɔŋ ŋɔ, “Saŋ besoo waa baa naa wepila la ta ɛɛ ba a jaɡa bala ɔ? Bɛweeree wechɔɡa aa do ɔma dɛ ba chiɡ tɔpere bɛlbwa sarahare naa ta nɔ ɛɛ ba ɡela ɔ? Saŋ besoo bá tiɡri Korowii dɔm baa wara ne Korowii Dea nɛɛ ka tel ɔ?”

Amanesoma Luk Aa Chwera Tɔn 18:34

Yeesu aa bol ɡɛ waa la ba be la, ba ta a bɛlbwa mun noɛ, dɛkalkɛŋɔ dɛ Korowii kpɔ a mun noe sɔɔh ba. Ba ta ɡɛ waa dɛ bol la mun noɛ.

Amanesoma Jɔn Aa Chwera Tɔn 12:16

Dɛ o habɔteŋra la ta o waa nɔ mun noɛ loɡla la, dɛ ka tel kɛ Korowii aa tɛo jirima mɔɔ ba ta lii kɛŋɔ ba chwerɛ o bwara waa Korowii Tɔn bini ɡɛ, asɛ ba ɛo ɡɛ kpela.

We-ɛɛla 1:7

Belaa Yeesu ŋɔ, “N Mɛɛ nɔn taa wobɛlbwa ne a tɔpere bwa do. He ta kpeɡri dɔe kɛŋɔ he jemɛ tɔpere la waane aa dɛ ba chiɡa.

1 Pita 1:11

Dɛ Kristo Doma soɡe ba nɛɛ dɛɛ baɡle wahala Kristo aa dɛ ba nae, dɛ baɡle jirima aa dɛ ba bala wahala la habɔɔ. Ba takapɔ kɛŋɔ bá fee won jemɛ tɔpere aa dɛ ba chiɡa, ne ɡɛ aa dɛ ba ɛɛ.