Daneɛl 12:6 - mzwDBL

⁶ Ate, bɛl pɛɛ nyundua torome waa do laalapoŋa la, dɛ o cheɡɛ nee la nyunduabɔr dɛ ŋɔ, “Dɛ́ ka tel saŋ besoo ɡɛ nyokpowaa nɔ ɛɛ ba ɛɛ yɔ?”

Daneɛl 12:6 ပူးပေါင်းရင်းမြစ်များ

Yela 74:9

Korowii keamere toole kpa, ásɛ ya na he nyokpowe-ɛɛla. Nomɛlbwa ɡe aa jemɛ saŋ ya wenaale aa ba a jaɡa.

Ɛsekeɛl 9:2

Belaa n na baala banumɛl ba le Korowii Dea doonyoa o sie aa chaɡɛ weekaŋle nyunduabɔr dɛɛ ba, bɛlbwa kpoŋe dɔmkon. Dɛ baa bɛl jao dɛ tɔ yapoŋ, asɛ kwaa waa kpɔa dɛɛ chwerɛ do o be. Ba bwa baa jo Dea la bini dɛ ba che saraha kon baa kpɔ ayaawa ɛo jwɛh.

Daneɛl 12:5

Asɛ men Daneɛl nyiŋi dɛ na baala banɛ ba che nee bɛl nyoa, bɛl lɔ o baŋ le, bɛl ɡe do o baŋ bonɔ.

Daneɛl 12:8

N no waa waa bola, kɛ n ta a mun noɛ. Anomanta, n bɔɔrɔ ŋɔ, “N dɔɔ, ɛrɛɛ waa nɔ ɛɛ ba chiɡa ka tonɛ ɔ?”

Daneɛl 8:13

Asɛ n no kɛŋɔ nyundua torome bɛl aa dɛ bɔɔ o dɔŋ ŋɔ, “Saŋ besoo waa baa naa wepila la ta ɛɛ ba a jaɡa bala ɔ? Bɛweeree wechɔɡa aa do ɔma dɛ ba chiɡ tɔpere bɛlbwa sarahare naa ta nɔ ɛɛ ba ɡela ɔ? Saŋ besoo bá tiɡri Korowii dɔm baa wara ne Korowii Dea nɛɛ ka tel ɔ?”

Daneɛl 8:16

asɛ n no nomɛl taa Ulai Moo la nyoa o ŋɔ, “Gebreɛl, baɡle baa nɔ o wepila waa naa la mun.”

Matiu 24:3

Yeesu teehnɔ ka so Ɔlevere Bwejen la doa. Belaa o habɔteŋra la ɡbo ka puu bela, dɛ ba bɔɔro ŋɔ, “Chaɡle yaa ɡɛ saŋ ɡɛ waa nɔ bwa aa dɛ́ ba chiɡa, ne waa aa dɛ ba bala dɛ chaɡle kɛŋɔ he bala saŋ la ne waa bwa jaɡa saŋ la telo.”

Amanesoma Mak Aa Chwera Tɔn 13:4

“Waa la haa bola la, saŋ besoo aa ba chiɡa ɔ? Bɔkwaa dɛɛ ba baɡla kɛ ɡɛ waa nɔ chiɡa teloo?”

Ɛfesos 3:10

O ɛ ɡɛ ásɛ nyundua toroma, ne kwaa aa dɔ kpeɡri bwa dɛ do Korowii be nyundua bwa pese asɔre tena waa dɛ́ jemɛ ɡɛ bwa Korowii wejema aa kana ne ɡɛ waa dɛ ɛ o toma.

1 Pita 1:12

Korowii ɡelɔ a ɡɛ keamere la jemɛ kɛŋɔ ba koeh baa dɛ koh la, ba laa dɛ́ di a tɔnɔ, heyaa ba koh dɛɛ tɛ. Waa haa noa taraken dɛ le Amanesoma baa bola he be la ta la, ban fa bola. Korowii Domadɛɛɡe waa tomɔ ya be laanee cha ba ba bola he be la. Korowii nyundua toroma kwaraa dɛ nyin a ɡɛ waa nɔ dɛ́ jemɛ.

Wepila 15:6

Asɛ nyundua toroma banuanɛ baa kpoŋe hɔhɔrɔwa bele anuanɛ la le Korowii Dea la bini. Ba laala baa doa la wer dɛɛ nyɛɡle. Ba kpɔ suuɡaswɛm kirisore vɔrɔwe ba bambile.

Wepila 19:14

Nyundua dɔm baa dɛ la laa do yapondɛɛɡa aa wera, dɛ so jaaɡɔpoŋa ta dɛ teŋɛ o nɛ.

Wepila 6:10

Ba kpɔ takpeɡ ŋɔ, “Nemenɛ Korowii haa do ɡoroŋ dɛ dɔ kasinteŋ, saŋ besoo hɛɛ ba nɛra baa lɔ harɛ ta nɔ waa bola dɛ́ pa bole, dɛ́ bɔ ba ya kpoora nɔ kem ɔ?”