Daneɛl 12:4 - mzwDBL

⁴ Ate, nyundua torome la ŋɔ n be ŋɔ, “Daneɛl, laa tɔn la tɔ dɛ́ kpɔ kwaa marɛ o nyoa ka tel waa bwa jaɡa saŋ. Nɛra ɛɛ warɔɔ dɛ́ la dɛɛ ba, dɛɛ nyin Korowii waa la dɛ́ jemɛ, ásɛ wejema warɛ taeh.”

Daneɛl 12:4 ပူးပေါင်းရင်းမြစ်များ

Aesaya 11:9

Nɛra aa ba dɔŋaa kpo kɛɛ dɛ chɔɡ komɛlbwa kpa, Korowii Bwejen waa do ɡoroŋ la ta. Nɛra ɛɛ jemɛ Korowii harɛ la bwa taa, kɛŋɔ mpo aa yɛɛra la ken.

Aesaya 29:11

Waa aa dɛ ba chiɡa kerekere ba naa kɛŋɔ chaahna ta nɔ, he bee a do kɛŋɔ waa chwera do tɔn ta, dɛ marɛ o nyoa. Asɛ dɛ he kpɔɔ tɛ nɛn waa jemɛ kura dɛ ŋɔ, “N poori, kure ń no aa,” o ŋɔ, “Maa won kure, ba marɛ o nyoa.”

Aesaya 30:26

Korobie ɛɛ lɔɔ dɛ chaah bɔr kɛŋɔ wee ken, ásɛ wee chaah bɔr kohona kɛŋɔ baa lɔ tɔpera anuanɛ wee bɔr chaahna pɛ ken. A ɡɛ saŋ Korowii ɛɛ vɔrɔwe bola waa do o nɛra laanee, dɛ́ chaah ba.

Aesaya 32:3

Banla baa dɛ na aa ba sie laa kpɔ kpa, baa cheɡ deŋne ɡee dɛɛ no.

Aesaya 8:16

Pa waa Korowii aa kpɔa tɛ mɛ la bwa pɛ. Marɛ o nyoa dɛ́ kpɔ cheɡ n habɔteŋra be.

Jeremia 5:1

Korowii ŋɔ, “Jeremia, ir la ka nyiŋi Jerusalam fɔɡbaahna. Nyiŋi o bini kɛrɛdɛ dɛ́ bar, ásɛ dɛ ɡaaɡe bela nɛra aa dɛ cheme bwa. Dɛ hɛɛ won dɔ nɛmbeŋkpoŋ kwaraa o wa aa wera dɛɛ di kasinteŋ aa, mɛɛ kpɔ Jerusalam tena wechɔɡaa kɛ ba.

Daneɛl 10:1

Kooro Saeros aa di kora Pɛɛsea harɛ bentooro te ta la, Korowii pili waane bini baɡle Daneɛl, baa bera dɛ yerɔ Bɛltesasa. Dɛ waa la ɛ kpela dɛ ɛ laajen wa. Wepila la taa o che dɛ no waa la mun.

Daneɛl 10:14

Taraken, n balɔ dɛ́ ɡel he jemɛ waa aa dɛ ba he harɛ ta nɛra nɛɛ chiɡa kerekere, dɛkalkɛ ɡɛ wepila nɔ cheɡɔ tɛ waane a ta aa dɛ ba saŋ bɛl.”

Daneɛl 10:21

kɛ anɔ la aa tɔ sie la, mɛɛ baɡle waa aa lɔ Kasinteŋ Tɔn la binii. Nomɛlbwa toole dɛ́ che n habɔɔ n ne o yo, atane nyundua torome Maekel waa dɛ di kpeɡri Israel harɛ la ɡbo.”

Daneɛl 11:33

Nomonome baa jemɛ waa la ɛɛ ɡeloo nɛra ɡalɡa jemɛ wa, kɛ aa biɡri ba kpoo bane keri ne, kɛɛ dɛ́ fuh bane, dɛ́ lawɛ bane laa ta, kɛɛ dɛ́ pa ba laala laa ta kaa.

Daneɛl 11:40

Aa ba ka tama Siiria kooro waa ba a jaɡa la, Ijipt kooro ɛɛ ba yoo laalee, ásɛ Siiria kooro la kpɔ kwaa aa do kɛ torɔɡore, ne laa tena baa soɡe jaɡre ta, ne stiimaere aa wara, o kpeɡri bwa ne dɛ́ ka puu yo. Wɛɛ lɔɔ ka tɔ harɛre ɡalɡa nɛra nɛɛ kɛŋɔ nee yon su dɛɛ kpɔ bobɛlbwa la ken, dɛ́ ba lɛ harɛre dɔɔh.

Daneɛl 12:13

Kɛ hen Daneɛl, he te kaa, di kasinteŋ ka tel waa bwa jaɡa saŋ. Hɛɛ sewɔɔ kɛ hɛɛ iruu, dɛ́ dɔ he kembɔr waa bwa jaɡa saŋ.”

Daneɛl 12:5

Asɛ men Daneɛl nyiŋi dɛ na baala banɛ ba che nee bɛl nyoa, bɛl lɔ o baŋ le, bɛl ɡe do o baŋ bonɔ.

Daneɛl 12:9

O ŋɔ, “Daneɛl, kaa taraken, dɛkalkɛ a ɡɛ waa nɔ ɛ waa aa chɛ kɛ ba laa tɔ, dɛ marɛ o nyoa ka tel waa bwa jaɡa saŋ.

Daneɛl 8:17

Ate, Gebreɛl ba che bɛne bela maa cheɡa la, asɛ n ɔmɛ kohona dɛ chole kpɔ sie pi harɛ. Anee o ŋɔ n be ŋɔ, “Nɛwɛnyini bie, n dɛ nyin he jemɛ kɛŋɔ wepila nɔ mun dɛ baɡle waa bwa jaɡa saŋ wa.”

Daneɛl 8:19

O ŋɔ n be ŋɔ, “N dɛ ba waa aa dɛ ba Korowii bandia kohona la habɔɔ bala he be bola. Wepila la dɛ baɡle waa bwa jaɡa saŋ wa.

Daneɛl 8:26

Chɔɔ ne jɔmɔre sarahare wepila baa baɡle a mun tɛɛ la ɛɛ ɛ kpelaa. Anomanta, marɛ wepila la nyoa, dɛkalkɛŋɔ aa la sie tama mɔɔ á chiɡ.”

Matiu 24:14

Baa bol Korowii Kora Amanesoma nɔ waa harɛ nɔ ta bobɛlbwaa, ásɛ nɛwɛnyini te bɛlbwa no mɔɔ waa bwa jaɡa saŋ la tel.”

Tɔn Pɔɔl Aa Chwerɛ Rom Tena 10:18

Mɛɛ bɔɔ heyaa webeŋkpoŋii. Kpelaa kɛŋɔ ba ta noɛ yaa? Ba noɔ, dɛkalkɛŋɔ Korowii Tɔn bolɔ ŋɔ, “Ba waa baa dɛ bol la la harɛ ta bobɛlbwa nɛra aa lole, a tel harɛ jaɡa bwa.”

Wepila 10:4

Bwaala kɔra la aa dɛ bol waa la, n fe dɛ nyin n chwerɛ, dɛ berɛ no taa bɛl nyundua o ŋɔ, “Gel waa bwaala kɔra anuanɛ la aa bola la do he ɡbo nyu bini. Gel a chwera!”

Wepila 22:10

O ŋɔ n be ŋɔ, “Bɛ waa aa dɛ ba bala kerekere dɛ do tɔn nɔ bini kpɔ sɔh. Ka baɡla, dɛkalkɛŋɔ tɔpere la telo tonɛ kɛŋɔ waa nɔ bwa ba ɛ.

Wepila 5:1

Asɛ n nyiŋi dɛ na kɛŋɔ naate waa soɡe kookara la ta la kpoŋe tɔn bɛl o nɔndiɡ ta. Tɔn la sie ne habɔɔ bwa taa ba chwerɛ, dɛ ɡuɡru, dɛ marɔ kera anuanɛ.