Daneɛl 12:3 - mzwDBL

³ Nomonome baa ɛ wejerema la ɛɛ chaahnoo kɛŋɔ nyundua, ásɛ banɔ la baa baɡle nɛra bane waa a che a ta ba waa toɡre la, baa doo kɛŋɔ weweela dɛɛ chaah saŋ bɛlbwa.”

Daneɛl 12:3 ပူးပေါင်းရင်းမြစ်များ

Kaala 34:35

asɛ ba na kɛŋɔ o siebɔr dɛ nyɛɡle. Ba nao ɡɛ naa, dɛ o berɔ kpɔ yal la tɔ o sie ka tel kɛŋɔ saŋ waa berɛ ba jo Korowii be bá ka bol waa ja.

Sɛɡla 11:30

Nɛn o wa aa toɡra we-ɛɛla ɡelɔ nɛra ɛɛ dɔ mkpa, kɛ naɡrenyin te dɛ chɔɡ o bala.

Sɛɡla 3:35

Wejeremaa dɛɛ dɔ jirima, ɡɛna ɡee dɛɛ so sihiih ta.

Sɛɡla 4:18

Nɛra ba wa aa toɡra waa do kɛŋɔ, bɔr aa chaahna chɔmbibii ka tel kɛŋɔ wee aa baŋa.

Wejereme 12:9

Wejereme la aa dɔ wejema nomanta, o baɡle bane ɡe ba dɔ wejema. O hweli wobosɛɡla, dɛ na a bini kasinteŋ kɛrɛdɛ ken.

Aesaya 53:11

O soɡa bini wahala waa baa na habɔɔ la, wɛɛ berɔɔ dɔ mkpa, dɛ́ jemɛ kɛŋɔ o ta wahala nae pɛɛpɛɛ. N bonɔɔ o waa aa toɡra, o lɛ nɛndamanta wechɔɡa che nomanta, mɛɛ che o seo la taa, dɛ́ kpɔ ba wechɔɡa kɛ ba.

Jeremia 23:22

Dɛ n ne ba fe chemo, ba jemɛ n liire ne n wesɔɔhla la aa, n nɛraa ba fee ka bol n waa la baɡle, ásɛ ba charɛ ba liire le ba wechɔɡa ne nyubinikpeɡ we-ɛɛla bwa ta.

Daneɛl 11:33

Nomonome baa jemɛ waa la ɛɛ ɡeloo nɛra ɡalɡa jemɛ wa, kɛ aa biɡri ba kpoo bane keri ne, kɛɛ dɛ́ fuh bane, dɛ́ lawɛ bane laa ta, kɛɛ dɛ́ pa ba laala laa ta kaa.

Daneɛl 11:35

Baa kpoo ba bini wejerema la banee, ásɛ a che a ta Korowii laa doŋa kpɔ ba nɛɛ dɛ́ lɛɛ ba, ka tel waa bwa jaɡa saŋ waa lea cheɡ ŋɔ wɛɛ bao la.

Daneɛl 12:10

Baa laa doŋaa kpɔ nɛra ɡalɡa nɛɛ bá waa toɡre wechɔɡa aa ba nɛɛ do, kɛ nyubinikpeɡ tena ɛɛ teŋɔɔ dɛɛ ɛ nyubinikpeɡ. Nyubinikpeɡ te bɛlbwa aa a munii no, kɛ wejerema te ɛɛ no a munii.

Matiu 13:43

Ásɛ name nɛra baa dɛ ɛ wedɛɛɡa ba wa ɛɛ su Korowii siwi la chaah kɛŋɔ wee ken ba Mɛɛ Kora la ta bela. Nomɛlbwa waa no la, ó no.”

Matiu 19:28

Anee Yeesu ŋɔ o be ŋɔ, “Kasinteŋ, n dɛ ŋɔ he be, ɡɛ saŋ Korowii aa ba beɡre kwaa bwa anfala, ásɛ Men Nɛn Bie nɔ ba so n kookarajen la ta la, he nɛra fi dɛ banɛ nɔ haa teŋɛ n nɛɛ nɔ ɡee so kookane fi dɛ anɛ taa, dɛ́ bol nɛra baa le Israel deene fi dɛ anɛ la bwa waa dɛ́ pa ba bole.

Matiu 24:45

Bonɔɔ waa dɔ kasinteŋ dɛ dɔ liire la nɔn taa o dɔɔ kpɔ o dem tena dɛɛ do, dɛ ŋɔ bɔr dɛ maɡre aa, ó tɛɛ ba kondikwa.

Amanesoma Jɔn Aa Chwera Tɔn 4:36

Nɛn waa komɛ kwaa dɛɛ tɛ Korowii la dɛ dɔ o kembɔr. Nɛwɛnyinaa naate ɛɛ komɛ, dɛɛ lɛɛ ba ásɛ ba dɔ Korowii mkpa aa wola jaɡa dɔe bwa la, ásɛ naate ne nɛn waa dua la bwa sie lɛ.

Amanesoma Jɔn Aa Chwera Tɔn 5:35

A ɡɛ Jɔn nɔ fa do kɛ kandea baa choŋu wɛɛ chaah bɔr kohona, asɛ hɛɛ nyin o bɔr chaahna la som dɛ na tama mɔɔ.

We-ɛɛla 13:1

Dɛ Korowii keamere ne nɛra baa dɛ chaɡle nɛra Korowii waa ɡe lɔ Anteɔk asɔre tena la bini. Banee Banabas ne Semeon baa dɛ yerɔ Nɛmbiŋi la, ne Lusias waa le Sairini la, ne Manaen baa dɛɛro Kooro Hɛrɔd mɛɛ dem la, dɛ Sɔɔl.

1 Kɔrent 3:10

Korowiirii cha mɛ n won ɛ toma kɛŋɔ nɛn waa jemɛ dea mae kɛrɛdɛ la, dɛ pa dea la mun, asɛ nomɛl ɡe ba ma dɛɛ chɔŋɛ. Kɛ bɛlbwa nyiŋi kɛrɛdɛ ɡɛ waa maa dɛɛ chɔŋɛ.

Ɛfesos 4:11

Onee kɛ nɛra kwaa la. Kwaa waa kɛ nɛra laanee nɔ. O cha bane ba won che o kpeɡri ta dɛ ɛ o toroma, dɛ cha bane ba won che o kpeɡri ta dɛ bol o wa, dɛ cha bane ɡe baa bol o Amanesoma la. O cha bane ɡe baa nyiŋi o nɛra nɛɛ dɛɛ baɡ ba o ŋwɛnɛ ta teŋa.

Hibru 5:12

Haa lea hweli waa nɔ biɡro, a chɛ kɛ saŋ nɔ he fe aa jema dɛɛ baɡle nɛra a wa. Kɛ he ta do kɛ nɛra baa pa mun dɛɛ hweli Korowii wa, asɛ a chɛ kɛ ba le mun ta dɛ́ baɡ ba a wa. A fe aa chɛ kɛ he won dɛɛ di kondikwaa tenten la, elee he ta ɛɛ ɔr.

2 Pita 3:15

Hé nyiŋi Korowii bambile waa lawa nɔ kɛŋɔ ŋwɛnɛɛ o tɛ heyaa kɛŋɔ he charɛ he liire, ásɛ o lɛ heya. Anee ya dɔŋ Pɔɔl yaa dɛ nyin o waa la fa kpɔ o wejema Korowii aa tɛo la dɛ chwerɛ heyaa la.

Wepila 1:20

Weweela anuanɛ haa naa a do n nɔndiɡ ta la, ne suuɡaswɛm kandea daa anuanɛ la, n dɛ baɡle a mun dɛ tɛɛ. Weweela anuanɛ la ɛ nyundua toroma baa cheɡa tɛ asɔrere bele anuanɛ aa lɔ bwɛɛre anuanɛ la ta la. Kandea daa anuanɛ la ɡe cheɡɔ tɛ asɔrere anuanɛ la.”

Sitɔɔla 5:31

N Naa Korowii, ɡel he dɔma bwa serewe, Kɛ nɛra baa dɛ nyini la, ɡel ba dɔ kpeɡri kɛŋɔ wee yon le kpeɡri nɛɛ la.” Ate, deŋnesɔɔhna ba harɛ la ta bene fifraanaarɛ.