Daneɛl 12:10 - mzwDBL

¹⁰ Baa laa doŋaa kpɔ nɛra ɡalɡa nɛɛ bá waa toɡre wechɔɡa aa ba nɛɛ do, kɛ nyubinikpeɡ tena ɛɛ teŋɔɔ dɛɛ ɛ nyubinikpeɡ. Nyubinikpeɡ te bɛlbwa aa a munii no, kɛ wejerema te ɛɛ no a munii.

Daneɛl 12:10 ပူးပေါင်းရင်းမြစ်များ

Yela 107:43

Nɛra baa jemɛ waa la, bá kpɔ ɡɛ waa nɔ do ba liire bini, dɛ́ lii Korowii nyina aa wola jaɡa dɔe la wa.

Yela 51:7

Fee n wechɔɡa, ásɛ doŋa bɛlbwa le n nɛ, laa doŋa kpɔ n bini, ásɛ n bambile to kɛ yabi.

Sɛɡla 1:5

Wejerema, hé cheɡ deŋne, dɛ́ no sɛɡla nɔ, dɛ́ dɔ wejema kɛrɛdɛ. Nɛra baa dɛ no waa mun la won ba te lawa, anɔ la aa wera ne anɔ la aa wola were ta,

Aesaya 1:18

Men Korowii ŋɔ he be ŋɔ, Hé ba ya pɛ kpɔ liire. Dɛ he wechɔɡa kan dɛ chɔɡ heyaa kɛŋɔ kombiŋere yon chɔɡ kompoŋ la aa, mɛɛ ɡeloo he to kpelkpel kɛŋɔ yabi ken. Hale dɛ a biro kpirkpir kɛŋɔ sibire kwaraa naa, mɛɛ ɡeloo he to kɛŋɔ pepoŋ pona ken.

Ɛsekeɛl 36:25

Mɛɛ ɛ nedɛɛɡaa merɛ he nɛ, dɛ́ laa doŋa haa kaah la kpɔ he nɛ. Mɛɛ laa doŋa bɛlbwaa kpɔ he nɛ, dɛ́ le heyaa le voɡa toma ɡe ta.

Ɛsekeɛl 47:11

Kɛ o nyoo aa do kɛ chɛɡbɔra la nee la te aa won do wer, aa chɔɔ bá dɔ yar dɛɛ le a ta.

Daneɛl 11:33

Nomonome baa jemɛ waa la ɛɛ ɡeloo nɛra ɡalɡa jemɛ wa, kɛ aa biɡri ba kpoo bane keri ne, kɛɛ dɛ́ fuh bane, dɛ́ lawɛ bane laa ta, kɛɛ dɛ́ pa ba laala laa ta kaa.

Daneɛl 11:35

Baa kpoo ba bini wejerema la banee, ásɛ a che a ta Korowii laa doŋa kpɔ ba nɛɛ dɛ́ lɛɛ ba, ka tel waa bwa jaɡa saŋ waa lea cheɡ ŋɔ wɛɛ bao la.

Daneɛl 12:3

Nomonome baa ɛ wejerema la ɛɛ chaahnoo kɛŋɔ nyundua, ásɛ banɔ la baa baɡle nɛra bane waa a che a ta ba waa toɡre la, baa doo kɛŋɔ weweela dɛɛ chaah saŋ bɛlbwa.”

Hosia 14:9

Umee wejereme ɔ? Naate ɛɛ jemɛ waa nɔɔ. Umee dɛɛ pese waɔ? Naate ɛɛ no a munii. Korowii ŋwɛnɛre toɡrɔ, nɛra ba wa aa toɡra dɛ teŋɛ a ta, kɛ deŋnekpeɡ tena dɛ lɔ naa a ta.

Sekaria 13:9

Bɔrbeŋkpoŋ nɛra nɔɔ mɛɛ ba kpɔe kpɔ nii ta kɛŋɔ baa kpɔ suuɡapoŋ ne suuɡaswɛm do nii ta dɛ laa a doŋa dɛɛ kpɔ a ta la. Baa yerɛ n sɔnee, ásɛ n ɡe sɛh ba be. Mɛɛ ŋɔɔ, ‘N nɛraa ban,’ ásɛ ba ŋɔ, ‘Korowii yaa dɛ tomɔɔ laanee la.’ ”

Malakae 3:3

Wɛɛ ba sɔ Lewi dea tena doŋaa ta kɛŋɔ ba yon mwɛɛ suuɡapoŋ ne suuɡaswɛm dɛ laa doŋa kpɔ a ta la ken. Gɛɛ Korowii ɛɛ ba nɛra ba wa aa toɡra dɔe, ásɛ ba kpɔ saraha kwaa aa wera baa tɛo,

Amanesoma Mak Aa Chwera Tɔn 4:11

Anee Yeesu ŋɔ ba be ŋɔ, “Korowii ta o Kora bini wobɛlbwa kpɔe sɔh he te. Kɛ nɛra baa kaa la te, sɛɡla nee mɛɛ ba waa ba be bola,

Amanesoma Luk Aa Chwera Tɔn 24:25

Anee Yeesu ŋɔ ba be ŋɔ, “Nfɛrɛ nyaara! Ɛrɛɛ haa wola Korowii keamere waa baa bola la yarada nɔɔ?

Amanesoma Jɔn Aa Chwera Tɔn 18:37

Yeesu aa ŋɔ ɡɛ la, anee Paelet bɔɔro ŋɔ, “Amɔ kooroo hen kpela kenɛ?” Asɛ o chaŋo ŋɔ, “Henee ŋɔa kooroo men. Kasinteŋ bola waa ba lol mɛ. A waa n ba harɛ nɔ ta dɛ ba bol kasinteŋ la nɛra bwa be. Nomɛlbwa waa dɛ nyin kasinteŋ la, on dɛɛ no n be.”

Amanesoma Jɔn Aa Chwera Tɔn 7:17

Dɛ nomɛlbwa sɛoh kɛ wɛɛ ɛ Korowii tetoowaa te naa, wɛɛ won jemɛ kɛŋɔ kasinteŋ waa aa le Korowii bee mɛɛ bol la. N ɡbaɡba webaɡla laa.

Amanesoma Jɔn Aa Chwera Tɔn 8:47

Nomɛlbwa waa ɛ Korowii bie la dɛ no o wa. Haa wola o bii ɛɛ la waa haa wola o waa nyin dɛ́ no la.”

1 Kɔrent 6:11

He bini bane fa kpoŋe ɡɛ da nɔ. Kɛ taraken Korowii koh ya Dɔɔ Yeesu Kristo ne Korowii Domadɛɛɡe la toma la waa dɛ sɔ he wechɔɡa bwa ta, dɛ ɡel he ɛ nɛndɛɛɡa he waa su o siwi.

2 Kɔrent 7:1

N dandɛɛɡa, yanee Korowii baɡɛ a ɡɛ nyoa nɔ bwa. Anomanta, hé ɡel ya do kaih. Yá laa ya bwadabii ne ya bambile kpɔ wechɔɡa bɛlbwa ta. Hé ɡel ya swɛɛ siwi dɛ do ɡoroŋ, ɔma yaa dɛ ɔmɛ Korowii nomanta.

Taetos 2:14

O koh ya waa dɛ sewɛ dɛ won lɛ yaa le wechɔɡa bɛlbwa ta, dɛ laa ya doŋa bwa kpɔ ya nɛ, dɛ kpɔ yaa ɛ o ɡbo nɛra yaa swɛɛ siwi wedɛɛɡa ɛɛ ta.

Hibru 12:10

Ya mɛɛnanar baa lolɛ yaa la, tɔpera anɛ bɛlee ba tɛr ya deŋne ɡɛ ba ɡe aa naa kɛ aŋwɛnɛ taa la. Kɛ Korowii te aa dɛ tɛr ya deŋne la, ya ɡbaɡba kɛrɛdɛ waa wɛɛ ɛ ɡɛ ásɛ ya do ɡoroŋ kɛŋɔ ɡɛ waa doa la.

1 Pita 1:22

Taraken nɔ haa sɛh kasinteŋ la ta teŋa, asɛ a che a ta he doŋa le he nɛɛ hɛɛ nyin dɔŋa kɛrɛdɛ nɔ, hé den dɛɛ nyin dɔŋa kohona bambile bwa ne,

1 Pita 1:7

A bwa dɛ baɡle kɛŋɔ he yarada la ɛ yarada kasinteŋ. Suuɡaswɛm kwaraa nɔ, nii nee baa jemɛ a kasinteŋ, kɛ a dɛ chɔɡ. He yarada la ɡwaa suuɡaswɛm, anomanta, a chɛ kɛ ba daah heyaa na ásɛ he won che kiŋkiŋ. Belaa baa ba heyaa kpɛɛra, ásɛ he dɔ jirima, dɛ́ dɔ sɔn awola Yeesu Kristo aa ba ya nao la.

1 Jɔn 5:20

Ya jemɔ kɛŋɔ Korowii Bie la balɔ, dɛ ba tɛ yaa liire yá kpɔ jemɛ Korowii tenten la. Korowii tenten la lawɛ yaa pɛl o nɛ, dɛkalkɛŋɔ o kpɔ ya te pɛl o Bie Yeesu Kristo la nɛ. O ɛ Korowii tenten, dɛ dɔ mkpa aa wola jaɡa dɔe bwa.

Wepila 16:11

dɛɛ chɛɡre Korowii waa lɔ nyundua ba bonyɛɡa ne ŋwɛra aa lɔ ba nɛɛ la wa. Ba ta liire charɛ dɛ le ba tonchɔɡa ta.

Wepila 19:14

Nyundua dɔm baa dɛ la laa do yapondɛɛɡa aa wera, dɛ so jaaɡɔpoŋa ta dɛ teŋɛ o nɛ.

Wepila 19:8

Ba kpɔ yapondɛɛɡe kpelkpel tɛo ó tɔ.”

Wepila 22:11

Nomɛlbwa waa dɛ ɛ wechɔɡa la, ó te ɛ dɛɛ la. Nomɛlbwa waa dɛ ɛ wedoŋa la, ó te ɛ dɛɛ la. Nomɛlbwa waa dɛ ɛ wedɛɛɡa la, wɛ́ɛ ɛ o wedɛɛɡa, ásɛ nomɛlbwa ɡe wa aa toɡra la teŋɛ dɛ́ do ɡɛ dɛɛ la.”

Wepila 3:18

Hé ɡel n ŋɔ he be. A wer kɛ hé yawɛ suuɡaswɛm maa kpɔ nii laa o doŋa bwa kpɔ o ta la, ásɛ dɛ dɔ kwa, dɛ́ yawɛ yapoŋa n be dɛ́ tɔ, ásɛ dɛ laa sihiih kpɔ he nɛɛ he mumɡbal cheɡa ta. Hé ba yawɛ tɛɛɡa ɡe n be, dɛ́ ka do he sibie ta dɛ́ won dɛɛ na.

1 Samoɛl 24:13

Saŋ la tena bolɔ ŋɔ, ‘Wechɔɡ-ɛɛra bee dichɔɡa le,’ anomanta, maa n nɔnee kpɔ leɡe.