Daneɛl 11:6 - mzwDBL

⁶ Aa ba la sie la, Ijipt kooro ne Siiria kooro ɛɛ fɔwɛ fɔwee, ásɛ Ijipt kooro kpɔ o bihaah tɛo ó mo. Kɛ ba darame la aa biɡri, ásɛ haah la ne o jaa, ne o bie, dɛ toli baa teŋɛ o nɛɛ kaa la, bá kpoo ba bwa.

Daneɛl 11:6 ပူးပေါင်းရင်းမြစ်များ

Job Tɔn 38:15

Wechɔɡ-ɛɛra aa bɔchaah ta nyin, aa ɡelɛ ba dɔ bɔr dɛɛ di ba dichɔɡa.

Yela 10:5

Ba we-ɛɛla bwa dɛ do wer dɛɛ tɛɛ ba, baa ŋwɛnɛ Korowii aa cheɡɛ o ta, dɛɛ pa bole mun no, dɛɛ mamɛ ba dɔma.

Ɛsekeɛl 30:21

“Nɛwɛnyini bie, n pɔ Ijipt kooro nɛ. A do kɛŋɔ maa ku o nɔn ba ta on vɔwɛ o choŋi dɛ do kpeɡri, dɛ́ won lawɛ kere kpoŋe la ken.

Daneɛl 11:13

Siiria kooro la ɛɛ berɛ habɔɔ ka kpɔ laa tena baa ɡwaa wubwa tena la, ásɛ tɔpedɛɛɡe ta la, ó kpɔ laa tena baa dɔ dɔmkwaa warɛ ka yo Ijipt kooro.

Daneɛl 11:15

Anomanta, Siiria kooro ɛɛ kpɔ o laa tenaa ba chɔ bar bwɛjen baa ma danjwɛjen baro la, dɛ́ pɔ o nɛra nɛ. A ba ɡɛ naa, Ijipt laa tena aa won yo kpa, hale ba laa tena baa jemɛ yoi aa bokpeɡaa dɔ, dɛ́ won che a nyoa.

Daneɛl 11:40

Aa ba ka tama Siiria kooro waa ba a jaɡa la, Ijipt kooro ɛɛ ba yoo laalee, ásɛ Siiria kooro la kpɔ kwaa aa do kɛ torɔɡore, ne laa tena baa soɡe jaɡre ta, ne stiimaere aa wara, o kpeɡri bwa ne dɛ́ ka puu yo. Wɛɛ lɔɔ ka tɔ harɛre ɡalɡa nɛra nɛɛ kɛŋɔ nee yon su dɛɛ kpɔ bobɛlbwa la ken, dɛ́ ba lɛ harɛre dɔɔh.

Daneɛl 11:7

Aa biɡri bɛlbwa ásɛ Ijipt kooro bihaah la lole bɛl ba iru, dɛ́ ba so o buɡ ta. Wɛɛ kpɔ laa tenaa ka yo Siiria kooro, dɛ́ jo o koodem dekpeɡ bini, dɛ́ pɔ ba nɛ.

Sekaria 11:16

N dɛ ba peteɡre bɛl ne harɛ la ta. Waa peera aa nyoɡra la bɔree ɡaaɡe, waa a bii nɛɛ nyiŋi, waa anɔ la baa doa bola laanee chah, waa anɔ la aa dɔ bokpeɡa la ɡe kondikwaa tɛ. Anɔ la aa do bwara la, wɛɛ kpoora dɛɛ chwe, hale dɛ́ teŋni a nafikokore dɛɛ ta.