Daneɛl 11:44 - mzwDBL

⁴⁴ Kɛ wɛɛ ba no waa aa chiɡ wee leebɔr ne weekaŋle nyunduabɔr nɔɔ, ásɛ o jum jah, á ɡel o ir kpɔ sibeɡra kohona ka yo dɛ́ kpoo nɛra warɛ.

Daneɛl 11:44 ပူးပေါင်းရင်းမြစ်များ

Daneɛl 11:11

Ijipt kooro ɛɛ kpɔ bandiaa kpɔ o laa tena, dɛ́ ka yo Siiria kooro, dɛ́ pɔ o ne o laa tena damanta la nɛ.

Daneɛl 11:30

Rom tena ɛɛ kpɔ stiimaeree le mpo nyoa wee cholibɔr harɛre taa, dɛ́ ba yoo, ásɛ o bambile chɔɡ. Wɛɛ berɔ kpɔ bandia dɛɛ nyin dɛ́ chɔɡ Korowii fɔo waa do ɡoroŋ la. Wɛɛ dɛɛ teŋɛ nɛra baa wola fɔo la ta teŋɛ la nɛɛ.

Daneɛl 11:43

Wɛɛ pa Ijipt suuɡaswɛm ne suuɡapoŋa koŋkwaare dɛ kondɔɔh bɛlbwaa, dɛ́ le bela ka yo Lebya ne Itiopia harɛre tena, dɛ́ pɔ ba nɛ.

Daneɛl 11:45

A habɔɔ la, wɛɛ baŋre tɛnte dedɛɛɡa aa kana á ɛ o koodem, Mɛdetereenea Mpo ne bwejen bela Korowii Dea aa cheɡa la baah ta. Kɛ wɛɛ ba sewɔɔ, dɛ nomɛlbwa toole bela dɛ́ chao.”

Wepila 16:12

Nyundua torome waa teŋa numɛl ɡe leɔ, dɛ ka fuɡe o kwaa ta Yufretis Moo ta, asɛ o bwa hweeh dɛ chɔ ŋwɛnɛ tɛ koranar baa le wee leebɔr dɛɛ ba la.

Wepila 17:13

Koranar la bwa ɛɛ ɛ liire beŋkpoŋii, dɛ́ kpɔ ba kpeɡri bwa tɛ olchɔɡe la.