Daneɛl 11:43 - mzwDBL

⁴³ Wɛɛ pa Ijipt suuɡaswɛm ne suuɡapoŋa koŋkwaare dɛ kondɔɔh bɛlbwaa, dɛ́ le bela ka yo Lebya ne Itiopia harɛre tena, dɛ́ pɔ ba nɛ.

Daneɛl 11:43 ပူးပေါင်းရင်းမြစ်များ

2 Webena 12:3

O kpɔ kwaa aa do kɛ torɔɡore kaɡboŋ lafraanɛ, ne nɛra baa soɡe jaɡre ta kaɡboŋa fifraanumɛl, dɛ laa tena baa wola won kur ba, le Lebya ne Itiopia ne Suk tena ja o nɛɛ le Ijipt harɛ.

Kaala 11:8

He nomonome nɔ bwa ɛɛ berɔɔ ba n be, dɛ́ ba ɡuŋ mɛ dɛ́ ŋɔ ń kaa, n ne n nɛra bwa baa teŋɛ n nɛ. Ásɛ mɔɔ ń kaa.” Belaa Mosis kpɔ bandia kohona le kooro sie kaa.

Ɛsekeɛl 38:5

Baala baa le Pɛɛsea, ne Itiopia, dɛ Libya harɛre ta bwa ɛɛ ba ja o nɛɛ, dɛ́ kpoŋe kwaa baa kpɔa dɛɛ tɔ ba te ɡbemɡbe laa ta, ne bune ɡbɛrɛre.

Daneɛl 11:42

Wɛɛ che o kpeɡri taa dɛ́ lɛ harɛre la, hale baa Ijipt harɛ ɡba ɡela ba.

Daneɛl 11:44

Kɛ wɛɛ ba no waa aa chiɡ wee leebɔr ne weekaŋle nyunduabɔr nɔɔ, ásɛ o jum jah, á ɡel o ir kpɔ sibeɡra kohona ka yo dɛ́ kpoo nɛra warɛ.

Neehum 3:9

Onee dɛɛ nyiŋi Itiopia ne Ijipt harɛre ta, o kpeɡri ta nyoa dɔe, Put ne Lebya harɛre nɛra bwa ɡe jao dɛɛ chao.

Sitɔɔla 4:10

Barak yerɛ Sebulon ne Naftale deene baala kaɡboŋa fi ba teŋɛ o nɛ, asɛ Dɛbora ɡe ja ba kaa.