Daneɛl 11:4 - mzwDBL

⁴ Gɛ kooro la balaa, o harɛre waa dɛ di kora a ta la dɛ ba peɡra, dɛ bɔne bɔre anaarɛ. O naanar aa koraa dɔ di. Gɛ kooro la aa kpeɡrii dɔ kpa, dɛkalkɛ o kora la ɛɛ ɡuu, dɛ́ berɛ bane kon.

Daneɛl 11:4 ပူးပေါင်းရင်းမြစ်များ

Yela 39:6

Nɛwɛnyini mkpa do kɛŋɔ lileo, ba wobɛlbwa ɛ wepuu. Wɛɛ nyin kondɔɔh cheɡ kohona, kɛ waa jemɛ naate aa ba ɛ o kwa.

Wejereme 4:8

Dɛ baa bɛl ɡboo soɡa, o ta bibaa kɛɛ nime dɔe. Dɛ tɔpere bɛlbwaa wɛɛ koh, kɛ o siwi aa o kondɔɔh su. Ate, o bɔɔ ŋɔ, “Ume waa mɛɛ koh maa wola won lɛ n sie nɔɔ?” Anɔ ɡe ɛ wepuu, bosɔɔhna aa wola toole a ta.

Jeremia 12:15

A habɔɔ, mɛɛ berɔ dɔ tedoma tɛ ɡɛ nɛra nɔ bwa, dɛ́ berɛ ba ba ne ba buɡ ta. Ásɛ bɛlbwa kaa o nɛra bini, ne harɛ waa le o ta.

Jeremia 12:17

Dɛ harɛ bɛlbwa nɛra ta deŋne cheɡɛ dɛ no aa, mɛɛ le ba nee kɛŋɔ baa fuɡri dua ken, dɛ́ chɔɡ ba. Men Korowiirii bola.”

Jeremia 18:7

Dɛ saŋ bɛlbwa n ŋɔ mɛɛ chɔɡ harɛ bɛl nɛraa, dɛ́ paɡro dɛ́ kuuɡi o bwa,

Jeremia 31:40

Fɛlembɔjen la bwa, bela baa dɛ huɡe nɛra, dɛ berɛ dɛɛ ta chaa o bini, dɛ harɛre aa chɔ Kedrɔn nenabɔɔ ta, dɛ́ kpoŋe ka le Jaɡre Doonyoa wee leebɔr bwa, ɛɛ do ɡoroŋee tɛ mɛ. Nomɛlbwa aa bwɛjen laanee kuuɡi kɛɛ dɛ chɔɡo kpa. Men Korowiirii bola.”

Jeremia 45:4

Belaa Korowii ŋɔ men Jeremia bol Baruk be ŋɔ, “Mɛɛ taɡɛ komɛlbwa maa mao ta harɛ, dɛ́ fuɡri komɛlbwa maa duu ta, harɛ nɔ ta bobɛlbwa.

Jeremia 49:36

Mɛɛ ɡeloo dɔma le harɛ nɔ ta bobɛlbwa dɛ́ ba yo Elam tena laa, dɛ́ lɔ ba peɡre bobɛlbwa, harɛ bɛlbwa aa ka baa wola belaa do.

Ɛsekeɛl 37:9

Belaa Korowii ŋɔ n be ŋɔ, “Nɛwɛnyini bie, yerɛ peu dɛ́ bol waa aa dɛ ba bala, dɛ́ ŋɔ men Nemenɛ Korowii ŋɔ, ‘Peu, le bobɛlbwa dɛ́ ba jo nɛra baa kpoo ba bil nɔ bini, ásɛ ba dɔ hweera dɛ́ dɔ mkpa.’ ”

Daneɛl 7:2

N deera la ta la, n nao kɛŋɔ peu bele anaarɛ tao le baŋ bɛlbwa kpɔ nyundua dɛ baa ta mpo ta.

Daneɛl 7:6

Onɔ habɔɔ, n berɔ na oljen bɛl ɡe o do kɛŋɔ noniete, kena anaarɛ lɔ o nyaŋ ta kɛŋɔ jumbie ken. Gɛ oljen nɔ dɔ nyuune anaarɛ, ba tɛo kora dii kpeɡri.

Daneɛl 7:8

Maa dɛ nyiŋi nyeɡlare la la, nyeɡlejeɡaa bɛl berɔ ba le pa a baah ta, asɛ wubwa kwaa atoro la tu le onjeɡa la sie. Nyeɡlejeɡa la dɔ sibie kɛŋɔ nɛn ken, o dɔ nyoa dɛɛ bol mbarafo wobol.

Daneɛl 8:22

O nyeɡle waa kua asɛ nyeɡlare anaarɛ le o buɡ ta la, dɛ baɡle kɛŋɔ harɛ la bini dɛ́ ba peɡra, ásɛ koranar banaarɛ ba di a kora, kɛ ba kora la aa won do kpeɡri kɛŋɔ sitɔ kora la.

Daneɛl 8:8

Booh la baa dɔ kpeɡri kɛrɛdɛ, kɛ o ta aa dɛ di kpeɡri la, o nyeɡlejen la kuu asɛ nyeɡlare anaarɛ aa kana le paaɡe o buɡ ta. Bɛl chaɡɛ weekaŋle nyundua, bɛl chaɡɛ wee leebɔr, bɛl chaɡɛ weekaŋle harɛbɔr, asɛ bɛl chaɡɛ wee cholibɔr.

Sekaria 2:6

Korowii berɔ ŋɔ o nɛra be ŋɔ, “Hé ba warane. Hé chwa le weekaŋle nyunduabɔr harɛ la ta ba, dɛkalkɛ menee lɔ heyaa peɡre harɛ nɔ ta bobɛlbwa. Men Korowiirii bola.

Sekaria 6:5

O chaŋ mɛ ŋɔ, “A ɛ peu bele anaarɛ aa le nyundua Korowii waa ɛ harɛ nɔ bwa Dɔɔ be.

Matiu 12:25

Yeesu aa jemɛ waa baa dɛ bol la, anee o ŋɔ, “Dɛ harɛ bɛl ta tena bini pere anɛ ba ɡbo ɛɛ yo aa, harɛ la dɛ paɡre. Asɛ bwɛjen bɛlbwa ɡe o bini aa pere anɛ bampera ne bampera ɛɛ yo la, bwɛɛ la dɛ paɡre. Gɛɛ dɛ waane ba lolanar bane bini asɛ ba pere anɛ ba ɡbo ɛɛ yo aa, lola la aa won ɛ lola.

Amanesoma Luk Aa Chwera Tɔn 12:20

Anee Korowii ŋɔ o be ŋɔ, ‘Gɛne! Fini jwaana nɔ ne hɛɛ sewɔɔ, ásɛ kwaa haa kwaara cheɡ la, lee hɛɛ ba a bɔr nae jaɔ?’ ”

Wepila 7:1

Anɔ habɔɔ la, n na nyundua toroma banaarɛ baa cheɡɛ harɛ nyoo peu leebɔra anaarɛ dɛ lawɛ peu, ásɛ a bɛ harɛ ne mpo ne daa bɛlbwa ta ta.