Daneɛl 11:37 - mzwDBL

³⁷ Kooro la aa duuree kpɔ tɛ voɡa o naawa aa toma la, ne onɔ la haahna aa dɛ nyinu la. Kasinteŋ, waa voɡ bɛlbwaa duu, dɛkalkɛ wɛɛ maŋkura o tenee ŋɔ o ɡwaa komɛlbwa.

Daneɛl 11:37 ပူးပေါင်းရင်းမြစ်များ

Mumpar 3:16

Korowii ŋɔ haah la be ŋɔ, “Weweele binii hɛɛ ba tea kpoŋa, dɛ́ lolɛ bonyɛɡa bini. He sie ɛɛ beɡre he jaa nɛɛ, ásɛ o di kpeɡri he nɛ.”

Mumpar 3:5

Korowii jemɔ kɛŋɔ dɛ he di daa la nɔn aa, he sie dɛ ba pila, he jemɛ wedɛɛɡa ne anchɔɡa kɛ on ken. A waa o ŋɔ he bɛ di la.”

Yelsom 7:10

N sɛnodɛɛɡee dɔɔ mɛ, n ɡbo nɛɛ o pɛla do.

Aesaya 14:13

He fa liiro ŋɔ, ‘Mɛɛ teehnoo kaa nyundua. Korowii weweela baŋ lee mɛɛ ba n kookara kpɔe ka cheɡ, dɛ́ so kɛŋɔ kooro weekaŋle nyunduabɔr bwejen la ta, bela kwaa aa bea baa wola an na aa dɛ cheme la.

Aesaya 14:14

Mɛɛ teehnoo ka so baama baŋ, dɛ́ ɛ n te kɛŋɔ Nemenɛ Korowii ken.’

Ɛsekeɛl 24:16

O ŋɔ, “Nɛwɛnyini bie, n dɛ ba nɔn uma lɔ nɛn haa dɛ nyinu kohona la dɛ́ kpoo. Bɛ waane bol kɛɛ dɛ́ wi.

Ɛsekeɛl 28:2

“Nɛwɛnyini bie, bol Taaya kooro be ŋɔ men Nemenɛ Korowii ŋɔ, ‘He dɛ ɡɔɔ he te dɛ ŋɔ he ɛ voɡ, he dɛ so voɡ kara ta mpo bare cheme. Kɛ nɛwɛnyinii hen, he ta voɡ ɛɛ, he dɛ lii kɛ he ne voɡ wejema kɛrɛdɛ.

Daneɛl 11:36

Siiria kooro la ɛɛ ɛ ɡɛ waa dɛ nyinii, dɛɛ ɛ mbarafo, dɛɛ ɡɔɔ o te ŋɔ o ɡwaa voɡ bɛlbwa, hale Nemenɛ Korowii waa kana la. Wɛɛ ɛ ɡɛ waa nɔ bwaa ka tel saŋ Korowii aa tɛr o deŋne. Korowii ɛɛ ɛ waa waa bola ŋɔ wɛɛ ɛo laanee.

Daneɛl 11:38

Wɛɛ kpɔ duuree tɛ voɡ waa dɛ nyiŋi dekpeɡa ta, ne voɡ o naawa aa wola on jemɛ la. Wɛɛ kpɔ suuɡaswɛm, ne suuɡapoŋa, ne bwedɛɛɡa dɛ kwaa a yoɡ aa kpeɡa bwaa tɛo.

Daneɛl 8:11

O ɛ o te nɛnjen kɛŋɔ Korowii dɔm baa wara kooro la ken, dɛ laa tɔpere bɛlbwa saraha baa ɛa dɛɛ tɛo la lɛ o be, dɛ ɡel doŋa kah Korowii Dea la.

Mmarare 21:11

he baa nyiŋi ba bini dɛ na bechatolo waa wera he pɛla dɔɔ waa, hɛɛ won kpɔɔ mo.

Mmarare 5:21

He bɛ ɡel he dɔŋa haahna pɛla dɔ heya. He bɛ ɡel he sie beɡre he dɔŋa deremi, ba harɛre ne ba bonɔɔna kɛɛ toli, ba nae ne keeɡore, dɛ komɛlbwa aa ɛ ba kwa.’

2 Tesalonika 2:4

Wɛɛ ɛ o tenee dɛ́ ɡwaa komɛlbwa nɛra aa dɛ toma dɛɛ yera ba dɔɔranar, hale wɛɛ kpɔ Korowii Dea berɛ sobɔr dɛ́ ŋɔ onee Korowii.

1 Timoti 4:3

Gɛ nɛra nɔɔ vala dɛɛ chaɡle nɛra ŋɔ aa were kɛ baa mo haah kɛɛ haah yalɛ la, dɛ berɛ ŋɔ kondikwaa ane aa were kɛŋɔ nɛra di la. Kɛ Korowiirii ta ɡɛ kondikwaa nɔ ŋɔ bánɔ la baa jemɛ kasinteŋ waa la dɛɛ yaradao la kpɔ jam tɛo dɛ́ dia.