Daneɛl 11:30 - mzwDBL

³⁰ Rom tena ɛɛ kpɔ stiimaeree le mpo nyoa wee cholibɔr harɛre taa, dɛ́ ba yoo, ásɛ o bambile chɔɡ. Wɛɛ berɔ kpɔ bandia dɛɛ nyin dɛ́ chɔɡ Korowii fɔo waa do ɡoroŋ la. Wɛɛ dɛɛ teŋɛ nɛra baa wola fɔo la ta teŋɛ la nɛɛ.

Daneɛl 11:30 ပူးပေါင်းရင်းမြစ်များ

Mumpar 10:4

Javan naanaree, Elaisa ne Speen ne Saepros dɛ Roods tena.

1 Webena 1:7

Javan naanaree, Elaisa ne Speen ne Saepros dɛ Roods tena.

Nehemia 6:12

N nao kɛŋɔ Korowii laa tomɔ, kɛ yawaa Tobia ne Sanbalat yawɔ sen ŋɔ, ó ba bol ɡɛ waa la n be.

Aesaya 23:1

Waa aa chiɡ Taaya Korowii bol baɡle Aesaya chaahna ta laanee nɔ. Nɛra haa dɛ ɛ toma stiimaere aa le Taases la, hé wi! Taaya paɡrɔ. Deene kɛɛ stiimae chebɔr toole kpa. Saepros harɛ taa ɡɛ waa nɔ le ba he be.

Aesaya 23:12

Korowii berɔ ŋɔ, “Bwɛjen Sidon haa wera kɛŋɔ bitolo waa wola baa jemɛ, taraken he chɔɡɔ! Silɛɛ aa lɔ he ta la bwa toole kpa. Ir dɛ́ kaa Saepros harɛ ta, hale bela ɡba haa ona dɔe ba.”

Jeremia 2:10

Hé ɡale kaa wee cholibɔr Saepros mpo nyoa harɛ ta ka na. Hé tomɛ nomɛl ó la Keda harɛ wee leebɔr ɡe ka nyiŋi. Hɛɛ nao kɛŋɔ waa aa do ken nɔ dɔŋa ta chiɡe ka.

Ɛsekeɛl 27:6

Dajenaa ba kpɔ le Basan harɛ ba ɛ he ŋwandaa, dɛ kpɔ dakpeɡa ane ɡe le Saepros, ne bala nyena, dɛ ba kwaa he bini, he do wer.

Daneɛl 11:28

Siiria kooro ɛɛ kpɔ laala waa paa laa ta la bwaa kaa o harɛ ta, dɛ́ kpɔ sibeɡra dɛɛ nyin o chɔɡ Korowii ne o nɛra fɔo waa do ɡoroŋ la. Wɛɛ ɛ ɡɛ bɛlbwa waa dɛ nyinii, ásɛ dɛ berɛ kaa o ɡbaɡba harɛ ta.

Daneɛl 11:29

A habɔɔ la, wɛɛ ba yo Ijipt harɛ tenaa, kɛ ate ɛɛ korɛ wubwa yoi la taa waa won pɔ ba nɛ.

Daneɛl 7:25

Wɛɛ bol waa yaɡɛ Nemenɛ Korowiirii, ásɛ dɛ fiiɡi Korowii nɛra ba waa aa toɡra, dɛ́ takapɔ kɛŋɔ wɛɛ beɡre Korowii nɛra mmarare baa cheɡɛ a ta dɛɛ tomɛ Korowii ne tɔpejenaa. Ásɛ Korowii nɛra ba waa aa toɡra la do o lɔɡa bene atoro korobie anumɛl.

Nɛra Kura 24:24

Stiimaere ɛɛ kpɔ nɛraa le Saepros harɛ taa ba, dɛ́ ba lɔ tɔ Asiiria tena ne Iba tena nɛ. Saepros tena ɡe kwara ɛɛ heo.”

Matiu 24:10

A ba ɡɛ naa, nɛra baa teŋɛ n nɛɛ nɔ kɛrɛdɛ ɛɛ le n habɔɔ, dɛ́ le ba bala tɛ, ásɛ dɛ hah dɔŋa.

Wepila 12:12

Anomanta, Korowii doa tena, hé ɡel he sie lɛ. He banɔ la haa lɔ harɛ ta ne mpo ta ɡe la, hé bwɛɛlɛ, dɛkalkɛŋɔ Baradeɛre Te la tuo ba he be. O baah diu kɛrɛdɛ, o jemɔ kɛ o tɔpere aa kanɛ kpa.”