Daneɛl 11:24 - mzwDBL

²⁴ Wɛɛ kpɔ laalee lɔ ka tɔ nɛra baa soɡe harɛ waa wera dɛ won kondikwaa ɛɛ nɛ a piɡ ba, dɛ ɛ waa o naawa bɛlbwa aa wola ane ɛɛ bwa. Ásɛ dɛ bɔne laala baa paa laa taa tɛ o nɛra baa teŋɛ o nɛɛ la. Wɛɛ dɛɛ vɔrɔwoo kɛŋɔ ó ka yo bwɛɛre aa dɔ dekpeɡa, kɛ aa biɡri bɛlbwa o waa la ba a jaɡa.

Daneɛl 11:24 ပူးပေါင်းရင်းမြစ်များ

Nehemia 9:25

He nɛra yoo dɛ pɔ bwɛjena baa ma danjwɛkpeɡa bara nɛ, ne harɛpare ondɛɛɡe, ne deremi kondɛɛɡa bwa soo siwi aa lɔ a ta, ne bɔɔne baa kwia a won nee lɛɛ, ne ɡrepo daa kooni ne ɔleve daa kooni, dɛ daa baa dɛ di a nɔna bwa soo siwi aa wara. Ba diu vaɡre dɛ je, ba sie lɛ kondɛɛɡa kohona haa tɛɛ ba la wa.

Sɛɡla 17:8

Nɛn waa dɛ yawɛ nomɛl sen la, dɛ lii kɛŋɔ a ɛ ŋwɛnɛ bɛl waa kpɔ o ta dɛ vɔrɔwo. O dɛ lii kɛ ɡɛɛ dɛ́ ɡel o wobɛlbwa do wer tɛo.

Sɛɡla 19:6

Nɛra ɡalɡa takapɔ kɛŋɔ ba waa ɛɛ lɛ nɛnjen sie, ɡɛɛ nomɛlbwa ɡe ɛ nɛn waa dɛ kɛ kwaa dam.

Sɛɡla 23:7

Gɛ naate la liire aa doa la, ɡɛɛ o ɡbaɡba do. Wɛɛ ŋɔ he bee ŋɔ, “Di he tea bwa.” Kɛ dɛ o bambile bwa ne laa.

Ɛsekeɛl 34:14

Mɛɛ teɡaa kaa dibɔra aa wera taa á ka di. Israel harɛ bwejena doree mɛɛ ba a dɛɛra, á dɔ kpɔɡdɛɛɡa di a bwara sɔɔhna.

Ɛsekeɛl 38:10

Waa men Nemenɛ Korowii aa dɛ bol nomonjen Gɔɡ be laanee nɔ, ‘Awola tɔpere la, liichɔɡa ɛɛ pa munii ba he nyu bini, ásɛ hɛɛ nyin a ŋwɛnɛre.

Daneɛl 11:23

Kooro la ne harɛre ane nɛra ɛɛ fɔwɛ fɔwee, dɛ́ che a ta neɡre harɛre ane nɛra dɛɛ di kpeɡri kohona, a lole kɛŋɔ o harɛ aa kanɛ.

Daneɛl 7:25

Wɛɛ bol waa yaɡɛ Nemenɛ Korowiirii, ásɛ dɛ fiiɡi Korowii nɛra ba waa aa toɡra, dɛ́ takapɔ kɛŋɔ wɛɛ beɡre Korowii nɛra mmarare baa cheɡɛ a ta dɛɛ tomɛ Korowii ne tɔpejenaa. Ásɛ Korowii nɛra ba waa aa toɡra la do o lɔɡa bene atoro korobie anumɛl.

Nɛra Kura 13:20

Hé nyiŋi bela harɛ teera la na, harɛdɛɛɡee kɛɛ harɛdɛɛɡe laa ɔ? Daa lɔ o ta kɛɛ daa toole o ta nɔ? Hé takapɔ ba daa aa lɔ bela nɔna ane ne.” Dɛ ɡrepo nɔnloɡla swɛɛra saŋee.

Matiu 9:4

Yeesu aa jemɛ waa aa lɔ ba nyu bini la, o ŋɔ, “Ɛrɛɛ hɛɛ lii musu waa nɔɔ?

Sitɔɔla 9:4

Ba kpɔ suuɡapoŋa fifraanuanɛ le ba voɡ Baal Bɛret dea ba tɛo. O kpɔ ɡɛ suuɡa la bɔ nɛra ba siwi aa kpeɡa paa ba ba teŋɛ o nɛ.