Daneɛl 11:21 - mzwDBL

²¹ Nyundua torome la berɔ ŋɔ, “Nɛmpɛɛ bɛl waa wola kora la ta jae ɛɛ ba chiɡ Siiria kooro naa taa, dɛ́ di kora. Wɛɛ kpɔ laalee ba ta harɛ la ta nɛra nɛ, ɡɛ saŋ baa dɛɛ lii kɛŋɔ deŋnesɔɔhna lole. Ásɛ dɛ che neɡra ŋwɛnɛ ta dɛɛ di kpeɡri.

Daneɛl 11:21 ပူးပေါင်းရင်းမြစ်များ

Yela 12:8

Nyubinikpeɡ tena perɔ, dɛ valɛ dɛɛ ɡu, ba na waa aa wola were nɛra ɛɛ ɛaa, dɛ ba dɛ kpɛɛra.

Yela 15:4

nɛn waa hah wechɔɡ-ɛɛra, kɛ dɛɛ duu nɛra baa dɛ ɔmɛ Korowii, dɛ teŋɛ o nyobaɡa ta, hale dɛ a kpeɡri tɛo kwaaraa noo,

Yela 55:21

O nyoa wobol pwɛre kɛŋɔ noo ken, kɛ dɛ liichɔɡa lɔ o bambile ta, dɛ won mɔna kɛŋɔ kerenyɛɡ ken.

Aesaya 32:5

Gɛ saŋ nɛn waa ɛ ɡɛne la baa on jirima tee yerɛ, a ba ɛ kɛŋɔ nɛn waa dɛ neɡre nɛra la, bá yerɔ kasinteŋ te.

Daneɛl 11:20

Kooro waa ba chiɡ o naa ta la ɛɛ tomɛ nɛnee ó ɛɡre nɛra lɛ toɔ, dɛ́ ɡel suuɡa ba o kara mun. Kɛ a ba dɛ la sie naa, baa kpo kooro laanee, nɛra baah ta laa, laa ɡe ta laa.”

Daneɛl 11:32

Siiria kooro la ɛɛ neɡre nɛra baa koni fɔo baa fɔwa laanee, kɛ banɔ la baa jemɛ Korowii baa dɛ tomɔ la ɛɛ cheo kiŋkiŋ, dɛ́ yoo.

Daneɛl 11:34

Baa dɛɛ kpoo wejerema la ɡɛ la, Korowii nɛra ɛɛ dɔ nɛraa ba cha ba tama, ásɛ nɛra ba wa aa wola kasinteŋ dɔe la ɡe ba ja ba nɛɛ kwaane baa dɔ le a ta la wa.

Daneɛl 11:7

Aa biɡri bɛlbwa ásɛ Ijipt kooro bihaah la lole bɛl ba iru, dɛ́ ba so o buɡ ta. Wɛɛ kpɔ laa tenaa ka yo Siiria kooro, dɛ́ jo o koodem dekpeɡ bini, dɛ́ pɔ ba nɛ.

Daneɛl 4:17

Nyundua torome la ne o bala baa ja o nɛɛ dɛ do ɡoroŋ la bee ɡɛ deŋnetɛra waa nɔ le. Anee dɛ́ ɡel nomɛlbwa waa soɡe le jemɛ kɛŋɔ, Nemenɛ Korowiirii dɛɛ di harɛre kora bwa kpeɡri, dɛ kpɔ dɛɛ tɛ nɛn waa dɛ nyin, hale dɛ kpɔ tɛ nɛra baa do pwɛre dɛɛ so kora ta.”

Daneɛl 7:8

Maa dɛ nyiŋi nyeɡlare la la, nyeɡlejeɡaa bɛl berɔ ba le pa a baah ta, asɛ wubwa kwaa atoro la tu le onjeɡa la sie. Nyeɡlejeɡa la dɔ sibie kɛŋɔ nɛn ken, o dɔ nyoa dɛɛ bol mbarafo wobol.

Daneɛl 8:23

Koranar banaarɛ kora dii la aa dɛɛ ba a jaɡa la, baa ɛ deŋnekpeɡ kohonaa dɛ́ chɛ deŋnetɛra. Ásɛ kooro o nyu bini aa kpeɡa dɛɛ neɡre nɛra ba.

Daneɛl 8:25

Wɛɛ che kasinteŋ bɛ bola taa dɛ́ do wer. Wɛɛ dɛɛ liiruu kɛŋɔ o ɡwaa nomɛlbwa, dɛ che a ta chɔɡ nɛra ɡalɡa ɡɛ saŋ baa so dɛɛ lii kɛŋɔ deŋnesɔɔhna lole. Wɛɛ muɡli koranar bwa kooro baahnee, kɛ a bwa habɔɔ la, wɛɛ chɔɡoo dɛ nɛn kpeɡri ta laa.

Daneɛl 8:9

Nyeɡlejeɡa bɛl leɔ pa nyeɡlare la bɛl ta, dɛ di kpeɡri kohona chaɡɛ weekaŋle harɛbɔr ne wee leebɔr, dɛ kpoŋe kaa Israel Harɛdɛɛɡe la ta.

Neehum 1:14

Kenii Korowii bol he Asiiria tena waa bil, “Haa naanaree dɔ dɛ́ kpɔ he sɔna pa ba. Mɛɛ chɔɡ voɡa haa sɛah daa nee, dɛ anɔ la haa loɡa a do he voɡa deene bini la. Mɛɛ kwi he lalbɔɔ bil, dɛkalkɛ he waa ta tɔnɔ bɛlbwa dɔe.”

1 Samoɛl 3:13

N tɔ sie ɡel o jemɛ kɛŋɔ mɛɛ tɛr o ne o dem tena deŋnee o bibaala waa baa bola yaɡ mɛ la wa, dɛkalkɛ o ta ban kasinteŋ dii.