Daneɛl 11:20 - mzwDBL

²⁰ Kooro waa ba chiɡ o naa ta la ɛɛ tomɛ nɛnee ó ɛɡre nɛra lɛ toɔ, dɛ́ ɡel suuɡa ba o kara mun. Kɛ a ba dɛ la sie naa, baa kpo kooro laanee, nɛra baah ta laa, laa ɡe ta laa.”

Daneɛl 11:20 ပူးပေါင်းရင်းမြစ်များ

2 Koranar 23:35

Kooro Jehoiakim bɔ suuɡapoŋa ne suuɡaswɛm Ijipt Kooro Neko aa ɛɡ ba dɛɛ lɛ la. Gɛ nomɛlbwa aa dɔa taa Kooro Jehoiakim nyiŋi dɛ lɛ suuɡa la, ɡɛ aa ɛ ó won bɔ toɔ la ɡɛ Kooro Neko aa dɛ nyin la.

Sɛɡla 30:33

He lɔ sooma aa, noo dɛ le a ta, he lɔ he dɔŋ mee ta naa, chal dɛ le, ɡɛɛ he muɡli he dɔŋ baah aa, hɛɛ ba naɡra ne.”

Aesaya 60:17

Mɛɛ kpɔ suuɡaswɛmee chiɡ ayaawa naa ta, dɛ́ kpɔ suuɡapoŋ chiɡ buni naa ta, dɛ́ berɛ kpɔ ayaawa chiɡ daa naa ta, dɛ́ kpɔ buni chiɡ bwea naa ta tɛɛ. He koranar aa he nɛraa fiiɡi kpa. Mɛɛ ɡeloo baa nyiŋi he nɛɛ kasinteŋ ne deŋnesɔɔhna ne.

Daneɛl 11:21

Nyundua torome la berɔ ŋɔ, “Nɛmpɛɛ bɛl waa wola kora la ta jae ɛɛ ba chiɡ Siiria kooro naa taa, dɛ́ di kora. Wɛɛ kpɔ laalee ba ta harɛ la ta nɛra nɛ, ɡɛ saŋ baa dɛɛ lii kɛŋɔ deŋnesɔɔhna lole. Ásɛ dɛ che neɡra ŋwɛnɛ ta dɛɛ di kpeɡri.

Daneɛl 11:7

Aa biɡri bɛlbwa ásɛ Ijipt kooro bihaah la lole bɛl ba iru, dɛ́ ba so o buɡ ta. Wɛɛ kpɔ laa tenaa ka yo Siiria kooro, dɛ́ jo o koodem dekpeɡ bini, dɛ́ pɔ ba nɛ.

Habakuk 1:1

Waa Korowii aa pila baɡle o keame Habakuk chaahna ta laanee nɔ.