Daneɛl 11:15 - mzwDBL

¹⁵ Anomanta, Siiria kooro ɛɛ kpɔ o laa tenaa ba chɔ bar bwɛjen baa ma danjwɛjen baro la, dɛ́ pɔ o nɛra nɛ. A ba ɡɛ naa, Ijipt laa tena aa won yo kpa, hale ba laa tena baa jemɛ yoi aa bokpeɡaa dɔ, dɛ́ won che a nyoa.

Daneɛl 11:15 ပူးပေါင်းရင်းမြစ်များ

Ɛsekeɛl 17:17

Ijipt kooro ne o laa tena baa wara dɛ do kpeɡri, dɛ jemɛ yoi kohona la aa won chao laa ta, ɡɛ saŋ o laa tena aa ba ma teera sawɛ bwɛjen la danjwɛɛre, dɛ́ che a ta kpoo nɛra kohona la.

Jeremia 6:6

Waa Koranar Bwa Kooro aa dɛ bol laanee nɔ, “Hé teŋni daa dɛ́ kpɔ ma kwaa haa che a ta jo ka chɔɡ bwɛjen Jerusalam. Jerusalam chɛ deŋnetɛra, dɛkalkɛ nɛra fiiɡa su o ta.

Ɛsekeɛl 4:2

Ásɛ he ma teera sawɛ danjwɛɛ la, dɛ́ kpɔ bwejeɡre baro, á che tɛ kwaa dɔma aa won che a ta teeh jo bwɛɛ la ta. Ɛ bwejeɡre á che tɛ dɔma la tɛnte deene, dɛ́ kpɔ dakpeɡa baa dɛ ba wona kpɔ kuuɡi danjwɛɛ waa bar bwɛɛ la baro.

Daneɛl 11:6

Aa ba la sie la, Ijipt kooro ne Siiria kooro ɛɛ fɔwɛ fɔwee, ásɛ Ijipt kooro kpɔ o bihaah tɛo ó mo. Kɛ ba darame la aa biɡri, ásɛ haah la ne o jaa, ne o bie, dɛ toli baa teŋɛ o nɛɛ kaa la, bá kpoo ba bwa.

Daneɛl 8:7

N nao kɛŋɔ o kpɔ bandia kohona ka pu pebal la, asɛ dɛ chuɡo dɛ laa o nyeɡlare anɛ la kuuɡi. Pebal la sɔɔhnɔ o ta wone pu booh la yo, asɛ o chuɡo ɡo harɛ dɛ tiɡri o nɛ. Nomɛlbwa toole dɛ won lɛ pebal la.

Jeremia 52:4

Kooro Sedekia aa di kora bene anuanaarɛ, korobie fi tɔpera fi ta la, Babelɔn Kooro Nebukadnesa kpɔ o laa tena bwa kaa Jerusalam dɛ ka yoo ba. Ba baŋre ba tɛnte deene bwɛɛ la dahare, dɛ ma kwaa sawɛ bwɛjen la danjwɛɛ baa che a ta teeh jo o bini.

Jeremia 33:4

Jerusalam deene ne Juda koodem bwa ɛɛ kuuɡuu, dɛ́ le nɛra baa baa chɔ baro dɛ yoo la wa.

Jeremia 5:10

Mɛɛ ɡeloo dɔma ba teŋni n nɛra daa kooni nɔna ta, kɛ baa den chɔɡ a bwa kwaraa. Mɛɛ ɡeloo ba teŋni a kpala bwa ta, dɛkalkɛ ba cheɡɔ tɛ nɛra baa wola men jemɛ la.

Josua 1:5

Korowii berɔ ŋɔ Josua be ŋɔ, “Nomɛlbwa toole dɛ́ won pɔ he nɛɛ wobɛlbwa ta he soɡa bini. Gɛ maa ja Mosis nɛɛ la, ɡɛɛ mɛɛ ba he ɡe nɛɛ jae maa wola habɔɔ le bwa.

Daneɛl 11:14

A ɡɛ saŋ la, nɛra ɡalɡa ɛɛ ɛ Ijipt kooro deŋnekpeɡii, ásɛ hen Daneɛl, he harɛ ta nɛra bane baa ɛ naɡrenyine ɡe ɛ deŋnekpeɡ wepila baa naa la wa, kɛ baa horɔɔ.