Daneɛl 10:9 - mzwDBL

⁹ N noɔ kɛŋɔ baa la dɛ bol wa, asɛ mɛɛ no, n sie den bir mɛ, n chole kpɔ sie pi harɛ.

Daneɛl 10:9 ပူးပေါင်းရင်းမြစ်များ

Mumpar 15:12

Aa baa ka tama asɛ wee le harɛ la, Abram chɔ dom ka ɡarɛ. O dom chɔe bini la, bɔr biro kpirkpir ken ta o nɛ, asɛ ɔmee lawɔ kohona.

Mumpar 2:21

Anomanta, o ɡelɔ baa la chɔ dom ka ɡarɛ, o laa o kuɡlambi beŋkpoŋ kpɔ dɛ kpɔ ol tɔ bela.

Job Tɔn 33:15

Deera ne wepila ta jwaana, ɡɛ saŋ nɛn aa chɔ dom kwaraa o kalaŋ ta la,

Job Tɔn 4:13

A do kɛŋɔ jwaanen deechɔɡa ken, a chɔɡ n dom,

Yelsom 5:2

Maa chɔa kwaraa la, dɛ n ta dɛ kpɔ liire. N noɔ kɛŋɔ n sɛno aa lɔ ɡbera dɛ ŋɔ, “N hanfale ne n sɛnodɛɛɡe, he wer kɛŋɔ borɔnoma, he ta kirihiah bɛlbwa dii, yaa mɛ ɡbera. Mɛn pwe n nyu bwa, kɔɔla ta jwaana, n nyumpona pwe.”

Daneɛl 10:16

Asɛ nyundua torome waa do kɛŋɔ nɛn kpɔ nɔn ba leɡe n nyoa, mɔɔ n pa mun pili nyoa dɛ bol wa. N ŋɔ o be ŋɔ, “Nomoa, n na weweele taeh wepila nɔ ta, asɛ a ɡel n bwara yɔr.

Daneɛl 8:18

O ta aa dɛ bol waa n be la, n sie bir mɛ n chole, asɛ o laɡ mɛ ir che chiŋ.

Habakuk 3:16

N noɔ asɛ n bambile teŋe, n nyoa kpo a ɡɛ ɡbɔɡa la wa, n bwara yɔrɔ, n nakpale bwa ɛɛ sa. Kɛ n sɔɔh bwara dɛɛ kpa tɔpechɔɡe wee Korowii aa ba tɛr nɛra baa dɛ yo yaa deŋne.

Amanesoma Luk Aa Chwera Tɔn 22:45

Waa soŋe Korowii tonɛ dɛ berɛ la o habɔteŋra la be la, lokua kohona nomanta, dɛ ba chɔɔɡe doromi.

Amanesoma Luk Aa Chwera Tɔn 9:32

Dɛ Pita ne o bala la dɛ chɔ doromi. Ba iro dɛ na Yeesu kɛŋɔ o laala aa toa dɛɛ nyɛɡle al-al ken. Ba na nɛra banɛ la baa ja Yeesu nɛɛ la ɡe.

Wepila 1:17

Maa nao la, n cholo chɔ o sie kɛŋɔ serewe ken. O kpɔ o nɔndiɡ dawɛ n nɛ, dɛ ŋɔ, “Bɛ ɔmɛ. Menee komɛlbwa Sitɔɔ ne a Muŋkaa bwa.