Daneɛl 10:19 - mzwDBL

¹⁹ O ŋɔ n be ŋɔ, “Korowii dɛ nyini, anomanta, dɛɛ berɛ ɔma, bɛ ɡel wobɛlbwa hae ɡe.” Waa bol waa nɔ n be la, n berɔ dɔ bokpeɡa, asɛ n ŋɔ o be ŋɔ, “Nomoa, bol waa bwa haa dɛ nyin kɛ he bol, taraken te he ɡelɔ n dɔ bokpeɡa.”

Daneɛl 10:19 ပူးပေါင်းရင်းမြစ်များ

Yela 138:3

Maa wia noe la, he noɔ dɛ chaŋ mɛ, he cheɡɛ he kpeɡri ta dɛ tɛ mɛ bokpeɡa.

Aesaya 35:4

Hé ŋɔ banɔ la ba bambile aa chɔɡa la be ŋɔ, “Hé che kiŋkiŋ, he bɛ ɔmɛ. Korowii haa dɛ tomɔ la dɛ ba, dɛ́ ba cha heya. Wɛɛ ba lɛ heyaa le he dɔma nɔn taa, dɛ́ tɛr ba deŋne kohona bɔ kem.”

Aesaya 41:10

Anomanta, he bɛ ɔmɛ, n ja he nɛ. He bɛ ɡel he bambile chɔɡ, menee Korowii haa dɛ tom mɛ. Mɛɛ tɛ heyaa bokpeɡaa, dɛ́ cha heya. Mɛɛ kpɔ nɔnee tɔ he nɛ, dɛ́ lɛ heya.

Aesaya 41:14

Korowii ŋɔ, “Israel tena, haa kanɛ, haa kpeɡe. He bɛ ɔmɛ, mɛɛ cha heyaa. Men Israel Nɛŋɡoroŋ maa ɛ he Lɛɛ laanee ŋɔa.

Daneɛl 10:18

Ate, o berɛ kwaa leɡ mɛ, asɛ n dɔ bokpeɡa.

Daneɛl 9:23

Gɛ saŋ haa dena pa mun dɛɛ soŋe Korowii la, o no he wesoŋa la, asɛ n ŋɔ ń ba bol he be, dɛkalkɛ Korowii dɛ nyin he waa taeh. Anomanta, cheɡ deŋne kɛrɛdɛ no wepila maa dɛ ba a mun baɡla tɛɛ nɔ.

Haɡae 2:4

He bɛlbwa bɛ ɡel o bwara yɔr, hé ɛ toma la, n ja he nɛ.

Sekaria 8:13

Gɛ baa taah he Juda ne Israel tena harɛre ta la, ɡɛɛ mɛɛ ba heyaa lɛɛ, ásɛ nɛra che he nɛɛ dɛ́ dɔ wedɛɛɡa. He bɛ ɔmɛ, hé dɔ ɡbemba.”

Sekaria 8:9

He banɔ haa lole taraken nɔ, waa haa dɛ no nɔ ɛ waa n keamere fa aa bola ɡɛ saŋ baa pa n Dea la mun la, he do ɡbemba, ásɛ dɛ ma n Dea la.

Amanesoma Jɔn Aa Chwera Tɔn 11:3

Asɛ o nimambii la tomɛ nɛra ba ka ŋɔ Yeesu be ŋɔ, “N Dɔɔ, he dandɛɛɡe la bwara dɛ weo.”

Amanesoma Jɔn Aa Chwera Tɔn 11:36

Asɛ Juu tena la ɛɛ bol dɔŋa be ŋɔ, “Hé na nyina waa dɛ nyinu dɛɛ wi ɡɛ!”

Amanesoma Jɔn Aa Chwera Tɔn 11:5

Dɛ Yeesu dɛ nyin Maata ne Mɛɛre ne Lasorɔs bwa taeh.

Amanesoma Jɔn Aa Chwera Tɔn 14:27

Deŋnesɔɔhnaa n kpɔ dɛɛ tɛ heya, n ɡbabir deŋnesɔɔhnaa. Harɛ nɔ ta deŋnesɔɔhna laa, anomanta, he bɛ ɡel he bambile teŋe ásɛ hɛɛ ɔmɛ.

Amanesoma Jɔn Aa Chwera Tɔn 16:33

A waa mɛɛ baɡle heyaa waa nɔ ásɛ he dɔ deŋnesɔɔhna dɛ́ le pɛɛ n ne haa pɛa la ta la. Hɛɛ na hɔhɔrɔwaa harɛ nɔ ta, kɛ hé lawɛ bambile, dɛkalkɛ n faɡɛ harɛ nɔ ta komɛlbwa nɛ.”

Amanesoma Jɔn Aa Chwera Tɔn 19:26

Yeesu aa na o nya ne o habɔteŋre waa dɛ nyinu kohona la kɛŋɔ baa cheɡɛ dɔŋa jwɛh, asɛ o ŋɔ o nya be ŋɔ, “N nya, he biee la,”

Amanesoma Jɔn Aa Chwera Tɔn 21:20

Baa dɛ kaa la, Pita keo nyiŋi dɛ na kɛŋɔ o dɔŋ habɔteŋre Yeesu aa dɛ nyinu kohona la teŋɛ ba nɛ. Onee fa soɡa kpaɡɛ Yeesu ɡɛ saŋ o ne o habɔteŋra la aa chema tiɡ ta, asɛ dɛ bɔɔro naate waa dɛ ba o lee tɛ la.

1 Kɔrent 16:13

Hɛ́ɛ nyiŋi he te kɛrɛdɛ ásɛ dɛ ta lawɛ waa la bini kiŋkiŋ. Hé dɔ bambile ásɛ dɛ ɡel lawa haa lawɛ waa la bini la do kpeɡri.

2 Kɔrent 12:9

asɛ o ŋɔ, “Chae maa sune he nɛɛ dɛ chae nɔ ɡbo maɡre he ne. Bela nɛn aa ɡwɛɡra la, belaa baa na n kpeɡri kohona.” Anomanta, a do n som kohona kɛ maa dɛ maŋkura n te n ɡwɛɡra ta, dɛkalkɛŋɔ a taa mɛɛ na Yeesu Kristo kpeɡri n nɛ.

Ɛfesos 6:10

Anɔ la aa kaa laanee kɛŋɔ hé ɡel he ne ya Dɔɔ pɛ, ásɛ he won dɔ kpeɡri waa dɔa kohona la.

2 Timoti 2:1

N bie Timoti, che kiŋkiŋ kpeɡri ya Dɔɔ Yeesu Kristo aa chae he dɔ le pɛɛ he ne waa pɛa la ta.

Josua 1:9

Bɛ soh kɛŋɔ maa ŋɔ he be ŋɔ he che kiŋkiŋ dɛ́ dɔ bambile la! Bɛ ɔmɛ, bɛ ɡel he bwara ɡe yɔr. Men, Korowii haa dɛ tom mɛ la, n teŋɛ he nɛɛ bobɛlbwa haa kaa.”

Wepila 1:17

Maa nao la, n cholo chɔ o sie kɛŋɔ serewe ken. O kpɔ o nɔndiɡ dawɛ n nɛ, dɛ ŋɔ, “Bɛ ɔmɛ. Menee komɛlbwa Sitɔɔ ne a Muŋkaa bwa.

Sitɔɔla 6:23

Anee Korowii ŋɔ o be ŋɔ, “Sɔɔh bwara! Dɛɛ berɛ ɔma, haa sewa ba.”