Daneɛl 10:14 - mzwDBL

¹⁴ Taraken, n balɔ dɛ́ ɡel he jemɛ waa aa dɛ ba he harɛ ta nɛra nɛɛ chiɡa kerekere, dɛkalkɛ ɡɛ wepila nɔ cheɡɔ tɛ waane a ta aa dɛ ba saŋ bɛl.”

Daneɛl 10:14 ပူးပေါင်းရင်းမြစ်များ

Mumpar 49:1

Jekɔb yerɛ o bibaala asɛ dɛ ŋɔ, “Hé bwa ba cheme, ásɛ n baɡle heyaa waa aa dɛ ba he nɛɛ bala kerekere.

Aesaya 2:2

Tɔpere bɛl dɛ ba ásɛ bwe Korowii Dea aa chɔŋɛ o ta Jerusalam la waa ba hiah ɡwaa bwea bwa, ásɛ o sɔn le bwea bwa bini, ásɛ harɛre nɛra warɛ dɛ́ ba o ta.

Ɛsekeɛl 12:27

“Nɛwɛnyini bie, Israel tena ta dɛ bol kɛŋɔ wepila haa naa ne waa haa bola ŋɔ aa bao la, fini laa, kerekere waa.

Ɛsekeɛl 38:16

Hɛɛ ba tɔ n nɛra Israel tena nɛɛ kɛŋɔ bam yon tɔ harɛ ta la. Awola tɔpere la, mɛɛ ɡeloo hen nomonjen Gɔɡ ba yo n nɛra Israel tena, ásɛ harɛre ta nɛra jem mɛ, maa ba che he nɛɛ dɛ́ baɡle kɛŋɔ n do ɡoroŋ ba siwi ta la.

Daneɛl 10:1

Kooro Saeros aa di kora Pɛɛsea harɛ bentooro te ta la, Korowii pili waane bini baɡle Daneɛl, baa bera dɛ yerɔ Bɛltesasa. Dɛ waa la ɛ kpela dɛ ɛ laajen wa. Wepila la taa o che dɛ no waa la mun.

Daneɛl 12:4

Ate, nyundua torome la ŋɔ n be ŋɔ, “Daneɛl, laa tɔn la tɔ dɛ́ kpɔ kwaa marɛ o nyoa ka tel waa bwa jaɡa saŋ. Nɛra ɛɛ warɔɔ dɛ́ la dɛɛ ba, dɛɛ nyin Korowii waa la dɛ́ jemɛ, ásɛ wejema warɛ taeh.”

Daneɛl 12:9

O ŋɔ, “Daneɛl, kaa taraken, dɛkalkɛ a ɡɛ waa nɔ ɛ waa aa chɛ kɛ ba laa tɔ, dɛ marɛ o nyoa ka tel waa bwa jaɡa saŋ.

Daneɛl 2:28

Kɛ Korowii Waa Dɛ Di Kora Nyundua lole dɛ́ won pili waa aa sɔah bini. Waa aa dɛ ba chiɡa kerekeree o kpɔ baɡle hen n naa Kooro Nebukadnesa la. He deera ne wepila haa chɔa dɛ na laanee teŋa nɔ.

Daneɛl 8:16

asɛ n no nomɛl taa Ulai Moo la nyoa o ŋɔ, “Gebreɛl, baɡle baa nɔ o wepila waa naa la mun.”

Daneɛl 8:26

Chɔɔ ne jɔmɔre sarahare wepila baa baɡle a mun tɛɛ la ɛɛ ɛ kpelaa. Anomanta, marɛ wepila la nyoa, dɛkalkɛŋɔ aa la sie tama mɔɔ á chiɡ.”

Daneɛl 9:22

O ŋɔ n be ŋɔ, “Daneɛl, taraken n balɔ dɛ́ ba baɡle hé no wepila la mun.

Hosia 3:5

Tɔpere bɛl dɛ ba bala, ásɛ Israel tena berɛ ba Korowii baa dɛ tomɔ, ne kooro waa ɛ Kooro Devid naa be. Bochela nee baa ba Korowii be bala, ásɛ o swee andɛɛɡa tɛɛ ba.

Maeka 4:1

Tɔpera ane dɛ ba, ásɛ Korowii Bwejen Dea aa chɔŋɛ o ta la do jaŋne ɡwaa bwejena bwa. Wɛɛ kpeɡuu ɡwaa deŋɡarere bwa, ásɛ nɛra warɛ le harɛre ta dɛɛ ba o ta.

Habakuk 2:3

Tɔpere bɛl ta dɛ ba ásɛ waa maa pili a bini baɡle la tel. A dɛ baɡle ɡɛ waa bwa jaɡa saŋ aa dɛ ba doe. A ɛ kasinteŋ. Hale a biɡro kwaraa naa, hé so kpaa. Kasinteŋ, aa bao. Aa biɡri bɛlbwa.

Nɛra Kura 24:14

Taraken n berɔ dɛɛ kaa n nɛra be, kɛ ɡel ń ŋɔ he be waa Israel tena aa dɛ́ ba kpɔe ɛ he nɛra kerekere.”

Mmarare 31:21

Ásɛ wekpeɡa ba ba nɛɛ taeh, kɛ ba taa teŋɔɔ dɛ́ ɡo yel la, ásɛ a ɛ waa dɛ́ chɔ tɛɛ ba. Taraken kwara, n jemɛ liire baa dɛ lii mɔɔ mɛɛ ba ba ne harɛ maa baɡ ba nyoa la ta kaala.”

Mmarare 31:29

Dɛ ŋɔ, n jemɔ kɛŋɔ n seo habɔɔ la, baa ɛ nɛnchɔɡaa dɛ́ vɛh waa maa bola baɡ ba bwa dɛ chwerɛ bil la. Aa ba la sie la, baa na wekpeɡaa, dɛkalkɛŋɔ baa ɛ waa Korowii aa kia, ásɛ o baah di.”

Mmarare 4:30

Dɛ ɡɛ wahala nɔ bwa ba he nɛ aa, he siwi ɛɛ beɡroo ásɛ he ba Korowii be dɛ́ baa duuru.

2 Timoti 3:1

Jemɛ kɛŋɔ tɔpera aa ba ka mun ba la, aa do kpeɡrii tɛ nɛra,

Hibru 2:3

A do ɡɛ naa, ya lɛɛ waa nɔ aa ɡwaa nyundua toroma waa la kohona nɔ, dɛ ya vɛah aa, ɛrɛɛ yaa ba ɛɛ dɛ́ leɔ? Ya Dɔɔ Yeesu ɡbaɡba fa tɔ sie bol ya lɛɛ waa nɔ, asɛ nɛra baa noa ɡe di danseɛ ya be kɛ a ɛ kasinteŋ.