Daneɛl 10:12 - mzwDBL

¹² Ate, o ŋɔ n be ŋɔ, “Daneɛl, dɛɛ berɛ ɔma, le awola haa ɛ he liire kɛ he pwɛr he te tɛ Korowii haa dɛ tomɔ, dɛ no waa nɔ mun la taa o no he wa. N balɔ dɛ́ ba chae he wesoŋa la wa.

Daneɛl 10:12 ပူးပေါင်းရင်းမြစ်များ

Yela 69:10

N vɔwɛ nyoa dɛɛ di suna, asɛ nɛra ɛɛ chɛɡ mɛ.

Aesaya 35:4

Hé ŋɔ banɔ la ba bambile aa chɔɡa la be ŋɔ, “Hé che kiŋkiŋ, he bɛ ɔmɛ. Korowii haa dɛ tomɔ la dɛ ba, dɛ́ ba cha heya. Wɛɛ ba lɛ heyaa le he dɔma nɔn taa, dɛ́ tɛr ba deŋne kohona bɔ kem.”

Aesaya 41:10

Anomanta, he bɛ ɔmɛ, n ja he nɛ. He bɛ ɡel he bambile chɔɡ, menee Korowii haa dɛ tom mɛ. Mɛɛ tɛ heyaa bokpeɡaa, dɛ́ cha heya. Mɛɛ kpɔ nɔnee tɔ he nɛ, dɛ́ lɛ heya.

Aesaya 41:14

Korowii ŋɔ, “Israel tena, haa kanɛ, haa kpeɡe. He bɛ ɔmɛ, mɛɛ cha heyaa. Men Israel Nɛŋɡoroŋ maa ɛ he Lɛɛ laanee ŋɔa.

Aesaya 58:9

Asɛ name dɛ he soŋ mɛ naa ń no, he do lɔŋɔ yer mɛ naa, ń sɛh ŋɔ, ‘Men nɔ.’ Dɛ he ɡel nɛra hɔhɔrɔwa ɛɛ, dɛ ɡel waa kpɔe dɛ daɡ ba, dɛ ɡel wobochɔɡa bola,

Aesaya 65:24

Ba ne ŋɔ ba soŋ mɛ tonɛ la, dɛ n noɔ dɛ́ chaŋe. Ba taa dɛ bol kwaraa la, dɛ n te jemɔ.

Daneɛl 10:11

Baa la ŋɔ n be ŋɔ, “Daneɛl, Korowii dɛ nyin he waa taeh. Ir che dɛ́ no waa maa dɛ ba he be bola nɔ kɛrɛdɛ. He bee ba tom mɛ.” Waa bol waa la n be la, n iro che dɛ n bwara ta dɛ sa.

Daneɛl 10:19

O ŋɔ n be ŋɔ, “Korowii dɛ nyini, anomanta, dɛɛ berɛ ɔma, bɛ ɡel wobɛlbwa hae ɡe.” Waa bol waa nɔ n be la, n berɔ dɔ bokpeɡa, asɛ n ŋɔ o be ŋɔ, “Nomoa, bol waa bwa haa dɛ nyin kɛ he bol, taraken te he ɡelɔ n dɔ bokpeɡa.”

Lewi Dea Tena 16:29

A ɡɛ Mmarare nɔ chɛ kɛŋɔ á chɔ le tɛ heyaa saŋ bɛlbwa dɛɛ la. Korobinuanɛ te la tɔpera fi ta, a chɛ kɛ hé vɔwɛ nyoa dɛ bɛ toma bɛlbwa ɛ, Israel te kɛɛ hɔɔh bɛlbwa waa soɡe he binii yoo,

Lewi Dea Tena 16:31

O ɛ tɔpere haa onɛ o ta dɛɛ vɔwɛ nyoa. Á ɛ Mmara dɛ́ chɔ tɛ heyaa saŋ bɛlbwa dɛɛ la.

Nɛra Kura 29:7

Korobinuanɛ tɔperafi ta, hé vɔwɛ nyoa, dɛ́ cheme, dɛ́ tomɛ Korowii dɛ bɛ toma bɛlbwa ɛ.

Matiu 28:10

Belaa Yeesu ŋɔ ba be ŋɔ, “He bɛ ɔmɛ. Hé la ka ŋɔ n nimanar la be kɛ bá kaa Galilia harɛ. Belaa baa ba n nae.”

Matiu 28:5

Anee nyundua torome la ŋɔ haahna la be ŋɔ, “He bɛ ɔmɛ. N jemɔ kɛ Yeesu baa kpaaro pɛl daɡaɡre ta o sewɛ la bɔree hɛɛ nyin.

Amanesoma Mak Aa Chwera Tɔn 16:6

O ŋɔ ba be ŋɔ, “He bɛ ɡel he bwara yɔr,” dɛ bɔɔ ba ŋɔ, “Yeesu waa le Nasarɛt baa kpaaro pɛl daɡaɡre ta la lalee hɛɛ nyin nɔ naa? O toole bonɔ kpa. Waa sewa la, o iro. Hé na bela baa huɡo la.

Amanesoma Luk Aa Chwera Tɔn 1:13

Anee nyundua torome la ŋɔ o be ŋɔ, “Sekaria, dɛɛ berɛ ɔma! Korowii no he wesoŋa. He haah Ɛlesabɛt ɛɛ lolɛ bibaalee tɛɛ, ásɛ he pa o sɔn Jɔn.

Amanesoma Luk Aa Chwera Tɔn 1:30

Belaa nyundua torome la ŋɔ o be ŋɔ, “Dɛɛ berɛ ɔma, kɛ Korowii tɛɛ hɛɛra.

Amanesoma Luk Aa Chwera Tɔn 2:10

Anee nyundua torome la ŋɔ ba be ŋɔ, “Hɛ́ɛ berɛ ɔma! Amanesoma aa dɛ ba silɛɛ ne bala ba tɛ nɛra bwa la nee n ba.

Amanesoma Luk Aa Chwera Tɔn 24:38

Asɛ o bɔɔ ba ŋɔ, “Bɔkwaa ɡela he bambile chɔɡ nɔɔ? Bɔkwa waa hɛɛ ɛ aahna aahna nɔɔ?

We-ɛɛla 27:24

dɛ ba ŋɔ n be ŋɔ, ‘Pɔɔl, bɛ ɔmɛ! Hɛɛ la Koojen Siisa bee. Nɛra la bwa he ne baa dɛ valɛ nɔ, Korowii noɔ tɛɛ. Wɛɛ lɛɛ baa.’ ”

Wepila 1:17

Maa nao la, n cholo chɔ o sie kɛŋɔ serewe ken. O kpɔ o nɔndiɡ dawɛ n nɛ, dɛ ŋɔ, “Bɛ ɔmɛ. Menee komɛlbwa Sitɔɔ ne a Muŋkaa bwa.