Daneɛl 1:19 - mzwDBL

¹⁹ Kooro la ne ba bol wa, asɛ o na kɛŋɔ ba bini bɛlbwa toole dɛ do kɛ Daneɛl ne Hanania ne Mesael dɛ Asaria, anomanta, ba kpɔ ba do koodem toma ta.

Daneɛl 1:19 ပူးပေါင်းရင်းမြစ်များ

Mumpar 41:46

Josef di bene fifraatoro mɔɔ dɛ pa kooro toma la mun.

1 Koranar 17:1

Korowii keame bɛl fa lole baa yerɔ Elaeja, o ɛ Tisbe te dɛ le Gelead harɛ ta. Awola bɛl, o la Kooro Ahab be dɛ ka ŋɔ, “N cheɡɛ Korowii waa lole saŋ bɛlbwa Israel tena ɛɛ tomɔ sɔn ta dɛɛ ŋɔ he be ŋɔ mɛn aa ta, bwaala ɡe aa nɛɛ ba bene aa lɔ sie dɛɛ ba nɔ ta, nemenɛ a le n nyoa mɔɔ.”

Sɛɡla 22:29

Nɛn waa jemɛ nɔn toma kɛrɛdɛ la, koranar tomaa wɛɛ ɛ, waa nɛnsale toma ɛ.

Jeremia 15:19

Anomanta, waa Korowii aa dɛ bol men Jeremia be laanee nɔ, “He berɔ ba n be naa, mɛɛ lɛɛ, ásɛ he berɛ ɛ n keame. He dɛ bol wobodɛɛɡa, dɛ anchɔɡa laa aa, hɛɛ bol n waa dɛɛ tɛ mɛ. Gel nɛra nɔ no, dɛ́ ba he be, he te laa dɛ́ la ba be.

Daneɛl 1:18

Bene atoro kooro la aa doa ŋɔ bá kpɔ ba ba o be la, koodem nomoa Aspenas kpɔ bonɔɔna la bwa la Kooro Nebukadnesa be.

Daneɛl 1:4

Ba bini bonɔɔna baa wola kirihiah dii dɛ do wer, dɛ́ dɔ bambile hweli komɛlbwa waa hweli, dɛ dɔ lem dɛ́ won dɛɛ no waa mun warane, dɛ chɛ kɛŋɔ bá won ɛ toma koodem. Ásɛ Aspenas baɡ ba Babelɔn tena wobol ne o chwera.

Daneɛl 1:5

Babelɔn kooro ŋɔ báa tɛɛ ba o kondikwaa ne sen waa dɛ nyɔ tɔpere bɛlbwa la dɔŋa. Dɛ ŋɔ bá baɡ ba waa la bene atoro, ásɛ mɔɔ ba baa ɛ toma koodem bela.

Daneɛl 1:6

Nɛra baa kaa lee ba le Juda dea tena bini la banee, Daneɛl ne Hanania ne Mesael dɛ Asaria.

Daneɛl 1:7

Babelɔn koodem nomoa la tɛɛ ba sɔnfala. Daneɛl sɔne Bɛltesasa, Hanania sɔne Sadrak, Mesael sɔne Mesak, asɛ Asaria ɡe sɔne Abɛdnɛɡo.

Daneɛl 2:13

Anomanta, ba ɛ mmara kɛŋɔ bá kpoo wejerema la, asɛ ba tomɛ nɛra ŋɔ bá ka ɡaaɡe Daneɛl ne o bala la bɔr, dɛ́ ba kpoo ba.

Daneɛl 3:29

Taraken n dɛ do mmara kɛŋɔ, harɛ bɛlbwa nɛn kɛɛ nomɛlbwa kɛɛ wobol bɛlbwa nɛra bol waa yaɡɛ Korowii Sadrak, ne Mesak dɛ Abɛdnɛɡo aa dɛ tomɔ la aa, bá teŋni naate bini, ásɛ o dem berɛ dimɡbia. Dɛkalkɛŋɔ voɡ bɛlbwa toole, dɛ́ won lɛ nɛn waa aa do ken nɔ ta.”