Daneɛl 1:17 - mzwDBL

¹⁷ Korowii tɛ ɡɛ bonɔɔna banaarɛ la wejema ne waa mun noe, ba won kure tɔne dɛ jemɛ chwera ɡe kɛrɛdɛ. Dɛ Daneɛl berɔ won wepila ne deera bwa soo siwi mun baɡla.

Daneɛl 1:17 ပူးပေါင်းရင်းမြစ်များ

1 Koranar 3:12

mɛɛ ɛ ɡɛ haa soŋa laanee tɛɛ. Mɛɛ tɛɛ wejema ne waa mun noe, he kpɔ dɛɛ nyiŋi nɛra nɛ, nomɛlbwa aa wola won do kɛŋɔ hen, a dɔŋa ɡe aa wola chiɡ bwa.

1 Koranar 3:28

Israel tena bwa aa no ɡɛ Kooro Solomɔn aa pa bole la, a ɛɛ ba nyokpoa, ba na kɛŋɔ Korowiirii tɛo wejema o kpɔ pa bole aŋwɛnɛ ta la.

2 Webena 1:10

Tɛ mɛ wejema ne waa mun noe, ásɛ n won kpɔ nyiŋi nɛra nɔ nɛ. Ɛrɛɛ n ɡbo ɛɛ ba wona nyiŋi he nɛra baa wara ken nɔ nɛɔ?”

2 Webena 1:12

mɛɛ tɛɛ wejema ne waa mun noe. Mɛɛ berɔ tɛɛ kondɔɔh ne kondɛɛɡa dɛ jirima kohona, he dɔŋ aa wola lee do koranar bwa baa tɔ sie ba di kora, ne banɔ la baa ba di kora he habɔɔ.”

2 Webena 26:5

O tomɛ Korowii o bambile bwa ne ɡɛ saŋ Korowii keame Sekaria, waa dɛ jao Korowii waa ta taa soɡe le, asɛ Korowii sweero andɛɛɡa.

Job Tɔn 32:8

Kɛ Korowii kpɔ o Doma dɛɛ do nɛn bini, On Waa Ɛ Kpeɡri Bwa Dɔɔree hweera dɛɛ tɛo wejema.

Sɛɡla 2:6

Korowii bee wejema le, onee dɛɛ tɛ wejema ne waa mun noe.

Wejereme 2:26

Korowiirii dɛɛ tɛ nɛn o wa aa dɛ lɛ o sie wejema ne liire dɛ silɛɛ, kɛ wechɔɡ-ɛɛ te, o ɡelɔ wɛɛ ɛ toma dɛɛ boa o kondɔɔh nyoa cheɡ tɛ nɛn o wa aa dɛ lɛ Korowii sie. Anɔ bwa ɡe ɛ wepuu, dɛ do kɛŋɔ nɛn aa dɛ loo vii habɔɔ, dɛ ɡel o bini la ken.

Aesaya 28:26

O jemɛ o toma. Korowiirii baɡlo anɔ la aa wera.

Ɛsekeɛl 28:3

He wejema ɡwaa Danɛl aa? Wobɛlbwa toole he nɛɛ dɛ sɔh aa?

Daneɛl 1:18

Bene atoro kooro la aa doa ŋɔ bá kpɔ ba ba o be la, koodem nomoa Aspenas kpɔ bonɔɔna la bwa la Kooro Nebukadnesa be.

Daneɛl 1:20

Le ɡɛ saŋ dɛɛ kaa la, wobɛlbwa kooro la aa dɛ nyin a wejema ne waa mun noe waa la, o dɛ bɔɔ ba, asɛ dɛ na kɛŋɔ Daneɛl ne o bala batoro la wejema ɡwaa voɡra ne dobodobo tena baa lɔ o harɛ ta bwa kerafi.

Daneɛl 1:4

Ba bini bonɔɔna baa wola kirihiah dii dɛ do wer, dɛ́ dɔ bambile hweli komɛlbwa waa hweli, dɛ dɔ lem dɛ́ won dɛɛ no waa mun warane, dɛ chɛ kɛŋɔ bá won ɛ toma koodem. Ásɛ Aspenas baɡ ba Babelɔn tena wobol ne o chwera.

Daneɛl 10:1

Kooro Saeros aa di kora Pɛɛsea harɛ bentooro te ta la, Korowii pili waane bini baɡle Daneɛl, baa bera dɛ yerɔ Bɛltesasa. Dɛ waa la ɛ kpela dɛ ɛ laajen wa. Wepila la taa o che dɛ no waa la mun.

Daneɛl 2:19

Awola jwaana la, Korowii pili waa la bini baɡle Daneɛl. Asɛ o kpɛɛ Korowii Waa Dɛ Di Kora Nyundua.

Daneɛl 2:21

Onee dɛɛ beɡre tɔpera ne saŋ, onee dɛɛ chiɡ nɛn kora ta, dɛ́ berɛ iru kora ta. Onee dɛɛ tɛ wejerema wejema, dɛɛ tɛ lem ne waa mun noe.

Daneɛl 2:23

N Naa Korowii ya naawa aa tomɛ, n dɛ jaame dɛɛ kpɛɛre. He tɛ mɛ wejema ne kpeɡri, dɛ pili waa yaa soŋe bini baɡ mɛ, he ɡelɔ ya jemɛ kooro deera.”

Daneɛl 2:30

Korowiirii ɡela n won baɡle waa aa do ken dɛ sɔh nɔ mun, n ɡbaɡba wejema aa ɡwaa nomɛlbwa ta laa a che, kɛ ɡɛ aa ɛ ásɛ hen n naa kooro, he jemɛ waa haa naa he deera bini la, ń baɡle a mun tɛɛ.

Daneɛl 4:6

Anomanta, n ɡelɔ ba yerɛ Babelɔn harɛ ta wejerema bwa ŋɔ bá ba cheme n sie, dɛ́ baɡ mɛ deera la mun.

Daneɛl 5:14

N noɔ kɛŋɔ voɡa aa wola nɛwɛnyina ɛɛ tɛɛ kpeɡri ane, he dɔ wejema dɛ dɔ liire ɡa.

Daneɛl 7:1

Babelɔn Kooro Bɛlsasa aa di kora benanyoa beŋkpoŋ ta la, men Daneɛl deero dɛ na wepila ane ɡɛ saŋ maa chɔ mpa ta jwaana. Asɛ n chwerɛ waa maa naa deera la ta jwaana la bil.

Daneɛl 8:1

Kooro Bɛlsasa aa di kora bene atoro ta la, men Daneɛl na wepila ja anɔ la n fa aa naa la habɔɔ.

Nɛra Kura 12:6

O ŋɔ, “Hé no n waa nɔ, Dɛ n keame lɔ he bini naa, chaahna taa n che dɛ kpɔ n te dɛɛ baɡlo, dɛɛ bol waa o be deera ta.

Amanesoma Luk Aa Chwera Tɔn 21:15

Menee dɛɛ ba n tɛ heyaa waa haa ka bol la, dɛ tɛ heyaa wejema ásɛ he dɔma bɛ won di bɔ heyaa kɛɛ dɛ́ tɔŋle heya.

We-ɛɛla 6:10

Baa dɛ tɔŋlo la, Korowii Domadɛɛɡe la tɛ Steeven wejema kohona, dɛ ɡel wobɛlbwa waa bola la, baa wechɔɡe bɛlbwa na a ta. O bol waa la bwa bɔ ba.

We-ɛɛla 7:10

anomanta, wobɛlbwa ta on ɛɛ o wahala waa naa la bwa ta. A balɔ kɛŋɔ Josef la Ijipt harɛ kooro be, Korowii tɛo jirima ne liire, asɛ o waa too kooro la tea kohona. Anomanta, o ɛ Josef o harɛ la bwa ne o dem tena bwa nomoa.

We-ɛɛla 7:22

Mosis hweli Ijipt tena waa bwa dɛ dɔ ba wejema bwa. Dɛ o wobol dɛ jo deŋne, o berɛ won wejena ɡe ɛɛ ja.

Kolosi 1:9

Anomanta, ya le awola yaa no he waa dɛ soŋe Korowii dɛɛ tɛ heyaa kɛŋɔ ó Domadɛɛɡe baɡle heyaa o wobɛlbwa kɛrɛdɛ, dɛ́ berɛ dɛɛ pili he sie hé won jemɛ wobɛlbwa aa ɛ Korowii tetoora la,

Jems 1:17

Komɛlbwa waa wera la le Korowii be. Komɛlbwa waa ɛ kondɛɛɡe la, Korowiirii kpɔa kɛ yaa. Onee ya Mɛɛ waa ta kwaa bwa aa lɔ nyundua dɛɛ chaah harɛ. Gɛ kwaa nɔ dɛ chaah, ane ta ɡe aa chaah, kɛ Korowii te aa beɡre bwa.

Jems 1:5

Dɛ wobɛlbwa pu heyaa hɛɛ nyin a wejema aa, hé soŋe Korowii ásɛ o tɛ heya. O tea chɔ pɛɛ, waa nɛn kon tɛ o waa berɛ dɛɛ we o nɛ. Wɛɛ tɛ heyaa.